СДСМ и партиите во коалицијата потпишаа Договор за настап на локалните избори

Дваесет и две политички партии кои се во коалицијата предводена од Социјалдемократскиот сојуз на Македонија вечерва во седиштто на СДСМ потпишаа Договор за настап на локалните избори.
Во коалицијата се: СДСМ, Нова социјалдемократска партија, Либерално-демократска партија, Демократски сојуз на Власите од Македонија, Нова алтернатива, Партија на обединети пензионери и граѓани на Македонија, Социјалдемократската унија, Либерална партија на Македонија, Демократски сојуз, Српска напредна странка во Македонија, Демократска обнова на Македонија, Партија за целосна еманципација на Ромите, политичката партија Достинство, Партија за економски промени, Алијанса за позитивна Македонија, Партија за европска иднина, Партија за движење на Турците во Македонија, Српска странка во Македонија, Демократска партија на Ромите, Обединета партија за еднаквост на Ромите, Обединети за Македонија и МОРО - Работничка партија.

Пред лидерите на партиите потписници на Договорот, претседателот на СДСМ Зоран Заев рече дека коалицијата која лани настапи заеднички на Парламентарните избори сега е проширена со уште партии кои, како што рече, решиле да ги поддржат промените што носат живот во Македонија.

- Коалицијата засега брои 22 политички партии. Сменета е политичката клима во државата, ослободени се граѓаните, се чувствува вербата во промените. Граѓаните од целото општество, од сите сфери ја имаат шансата да учествуваат во промените и го прават тоа. Затоа убеден сум оваа предизборна коалиција по промените на центрлано ниво ќе донесе промени и на локално ниво на локалните избори на 15 октомври и ќе донесе живот за сите граѓани во нашата заедничка ,преубава Република Македонија...Ова е заедничката цел што не обедини сите нас - леви, десни партии од центарот кои денеска го потпишавме Договорот за настап на локалните избори, истакна Заев на потпишувањето на Договорот.

Додаде дека настапуваат отворени и дека го слушнале гласот на граѓаните кои на последните парламентарни избори, како што рече, во огромно мнозинство избраа заедништво наспроти поделба.

- Доследни сме на транспретниот начин на работа што го избравме и затоа граѓаните на локалните избори точно ќе знаат за кого го даваат својот глас, истакна лидерот на СДСМ Зоран Заев.

На новинарско прашање Заев потврди дека нивни кандидат за градоначалник на Општина Центар ќе биде Саша Бодгановиќ,  претседател на Општинската организација на СДСМ во Центар. 

Данев: Повторно се злоупотребува европското знаменце и Комисијата за европски прашња

Повторно, како и со Законот за јазици, така и со Изборниот законик мнозинството грубо го злоупотребува европското знаменце и Комисијата за европски прашња, обвини денеска Драган Данев. 

Координаторот на пратеничката група на ВМРО-ДПМНЕ во Собранието на Република Македонија. 

- Изборниот законик во Република Македонија никогаш не се носел без консултации со опозицијата и никогаш не се разгледувал на Комисијата за европски прашања. Овој закон нема никаква допирна точка со Комисијата за европски прашања и со усогласување на нашето законодавство со законодавствто на ЕУ. Токму затоа и на овој закон никаде нема наведено изворен акт со што се усогласува, изјави Данев.

Нагласи дека секогаш кога парламентарното мнозинство сака нешто да протурка набрзина и на мала врата го користи европското знаменце и Комисијата за европски прашања.

- Според логиката на Владата и парламентарното мнозинство сите држави во Европската унија имаат исти изборен систем, иста изборна комисија и ист изборен законик, а ние како држава само треба да го усогласиме со нивниот, што е апсурдно и смешно. Предупредуваме дека ваквото своеволно и неделовничко однесување, однесувајќи се како Собранието на Република Македонија да е приватна институци ќе има понатамошни последици за демократијата во земјава, посочи Данев.

Тој рече дека парламентарното мнозинство го приватизира Собранието и оти на СДСМ и ДУИ веќе им премина во навика да го кршат Уставот на Република Македонија, законите и Деловникот за работа на Собранието.

- Скандалозно, неделовнички и со двојни аршини е однесувањето на претседателот на Комисијата за европски прашања. Во Собранието на Република Македонија не важи ниту едно правило, ниту една процедура, важи само волјата и желбите на СДСМ и ДУИ, рече Данев. 

Конечно отворен малиот групен дом во Тимјаник

Во Тимјаник по сите непотребни скандали конечно се отвори малиот групен дом за дечиња.

Мартина, Аделина, Никола и Антонио, четири деца со попреченост добија нов живот, откако денеска беше отворен малиот групен дом во неготинското село Тимјаник.

Тие овде се како едно мало семејство, откако го напуштија специјалниот завод демир капија, во рамките на процесот за деинституционализација.

Како што рече министерката за труд и социјална политика Мила Царовска, тие сега добија подостоинствен живот.

Димитров: Не може една мерка да биде добра за Косово, ако не е добра за пријателот во соседството

Убеден сум, истакна Димитров, дека ќе ја следиме новата европска политика и низ брз дијалог ќе го надминеме ова прашање.

Ако воведеме контра мерки, работата ќе ескалира во лош правец и потоа, повторно ќе мора да седнеме за да најдеме решение, изјави министерот за надворешни работи Никола Димитров на денешната заедничка прес-конференција со косовскиот колега Беџет Пацоли во Приштина, осврнувајќи се на косовската одлука за зголемувањето на царините на овошјето и зеленчукот.

Убеден сум, истакна Димитров, дека ќе ја следиме новата европска политика и низ брз дијалог ќе го надминеме ова прашање.

Според него, во време на поврзување и имплементирање на берлинскиот процес кој токму тоа го налага, треба да се елиминираат бариерите.

притисни ентер