Во Мексико настрадаа 96 луѓе, додека на 2,5 милиони им е потребна помош

Во разорниот земјотрес кој минатата недела го погоди Мексико загинаа 96 луѓе, додека на 2,5 милиони им е потребна помош, соопштија денеска официјални лица.
Гувернерот на државата Оахака Алехандро Мурат рекол на локалната телевизија дека бројот на мртвите во оваа држава се искачил на 76.

Тој додал дека најмалку 12000 куќи се оштетени, но дека тој број сигурно ќе биде поголем.

Мурат рекол дека на околу милион луѓе во Оахака им е потребна помош во храна, вода, електрична енергија и за обнова на куќите. Во соседната држава Чијапас помош им е потребна на околу 1,5 милиони луѓе.

- Ние сме обединети пред оваа хуманитарна криза, рекол Мурат.

Земјотресот со јачина од околу 8 степи по Рихтер кај брегот на Чијапас го потресе и Мексико сити и предизвика пустош долж превлаката Теуантепек.

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

Полицијата упадна во станот на телохранителот на францускиот претседател

Канцеларијата на обвинителството во Париз соопшти дека истражувачите влегле во станот на еден од главните телохранители на францускиот претседател Емануел Макрон.

Тие влегле во станот на телохранителот кој во мај е снимен како претепува демонстрант.

Елисејската палата го отпуштила телохранителот на Макрон, Александар Бенала пред полицијата да упадне во станот во париското предградие Иси-ле Молино.

Тој од страна на дневниот весник Монд беше идентификуван како човекот со полициски шлем кој на протестите на 1 мај тепал демонстранти. Тој и уште едно лице од утре ќе бидат под надзор на полицијата и им се заканува подигнување на обвинение.

Учеството на Бенала во претепувањето за Макрон стана најголемата политичка криза од почетокот на неговиот мандат минатата година.

Францускиот министер за внатрешни работи Жерар Коломб следната недела во парламентот ќе одговара на прашања, за да се утврди дали дошло до пропуст на владата.

притисни ентер