Ирма се смирува – Флорида стравува од поплави

Флорида ја преживеа Ирма. Најсилното невреме што некогаш ја погодило оваа сојузна држава се сведе на бура од прва категорија, но се уште е многу опасна, носена со ветришта и до 130 километри на час.
 Ураганот попладнево го зафати градот Тампа и продолжи да се движи кон Џорџија. Претходно го зафати Мајами, чии делови се целосно под вода. Ураганот однесе најмалку пет жртви, а без струја остави три и пол милиони луѓе.

- Можеби имавме малку среќа што ураганот излезе од оригиналната линија на движење и сврте западно долж брегот на Флорида. Ирма, можеби, не беше така деструктивна како што првично очекувавме, но тоа ќе биде појасно во наредните неколку часа. Сега мислиме само на животите на луѓето, изјави Доналд Трамп, претседател на САД.

Властите во Флорида се борат на неколку фронта, вклучително и со масовните кражби. Оваа видео снимка е направена токму во моментот кога Флорида наликувала на град на духови. За други, пак ураганот беше добар повод за игра со судбината. Овој ентузијаст одлучи да му се спротивстави на феноменот и успеа да преживее. Ирма претходно на Карибите направи вистински пустош. На дел од островите, каде што загинаа 30 луѓе, според проценките, ќе им требаат месеци за да се вратат во нормала.

- Само чекаме, но не знаеме до кога. Немаме ниту храна, ниту вода, ниту струја, жителка на Сент Мартин.

- Видов огромна катастрофа, каква Сент Мартин никогаш не видел. Интензивно го чистиме островот, што очигледно ќе потрае со месеци или можеби со години, жител на Сент Мартин.

Од македонското министерство за надворешни работи синоќа соопштија дека се во постојана комуникација со македонската амбасада во Вашингтон и дека досега нема информации за загинати или повредени македонски државјани. 

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

Полицијата упадна во станот на телохранителот на францускиот претседател

Канцеларијата на обвинителството во Париз соопшти дека истражувачите влегле во станот на еден од главните телохранители на францускиот претседател Емануел Макрон.

Тие влегле во станот на телохранителот кој во мај е снимен како претепува демонстрант.

Елисејската палата го отпуштила телохранителот на Макрон, Александар Бенала пред полицијата да упадне во станот во париското предградие Иси-ле Молино.

Тој од страна на дневниот весник Монд беше идентификуван како човекот со полициски шлем кој на протестите на 1 мај тепал демонстранти. Тој и уште едно лице од утре ќе бидат под надзор на полицијата и им се заканува подигнување на обвинение.

Учеството на Бенала во претепувањето за Макрон стана најголемата политичка криза од почетокот на неговиот мандат минатата година.

Францускиот министер за внатрешни работи Жерар Коломб следната недела во парламентот ќе одговара на прашања, за да се утврди дали дошло до пропуст на владата.

притисни ентер