Хилари Клинтон: Нема веќе да се кандидирам, поразот и понатаму боли

Кандидатката за претседател на САД Хилари Клинтон изјавила дека и панатаму „многу ја боли“ поразот од тогашниот ривал, актуелниот претседател Доналд Трамп, и порача дека веќе нема да се кандидира.
- И понатаму е многу болно. Многу боли, рекла кандидатката на демократите за изборите во 2016 година во интервју за Си-Би-Ес, во првото од низата појавувања по повод претставување на книгата „Што се случи“.

- Готова сум со тоа да бидам кандидат. Како активен политичар, готово е, додала таа, пренесе АФП.

Во својата нова книга, Хилари Клинтон го опишува поразот кој го претрпе од Доналд Трамп на американските претседателски избори во 2016 година, ги признава личните грешки и ја брани својата стратегија во кампањата.

Клинтон не ги штедела критиките кон Трамп, но изнела и неколку фактори кој придонеле за нејзиниот пораз, како што е наводното мешање на Русија во претседателските избори, обвинувањата на поранешниот директор на ФБИ Џејмс Коми во врска со спорните мејлови, борбата за внатрепартискиот избор со Берни Сандерс, а го споменала дури и својот пол, пишува АП.



Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

Полицијата упадна во станот на телохранителот на францускиот претседател

Канцеларијата на обвинителството во Париз соопшти дека истражувачите влегле во станот на еден од главните телохранители на францускиот претседател Емануел Макрон.

Тие влегле во станот на телохранителот кој во мај е снимен како претепува демонстрант.

Елисејската палата го отпуштила телохранителот на Макрон, Александар Бенала пред полицијата да упадне во станот во париското предградие Иси-ле Молино.

Тој од страна на дневниот весник Монд беше идентификуван како човекот со полициски шлем кој на протестите на 1 мај тепал демонстранти. Тој и уште едно лице од утре ќе бидат под надзор на полицијата и им се заканува подигнување на обвинение.

Учеството на Бенала во претепувањето за Макрон стана најголемата политичка криза од почетокот на неговиот мандат минатата година.

Францускиот министер за внатрешни работи Жерар Коломб следната недела во парламентот ќе одговара на прашања, за да се утврди дали дошло до пропуст на владата.

притисни ентер