Мадуро: Ако не нападнат САД, следува одговор – ќе ја освоиме и Белата куќа

Синот на претседателот на Венецуела, Николас Мадуро Помладиот, изјави дека Каракас ќе одговори во случај на инвазија од Америка врз неговата држава.
„Кога би ја нападнале Венецуела, оружјето би стигнало во Њујорк. Би ја освоиле и Белата куќа“ – изјави Мадуро Помладиот за време на говорот на Уставотворното собрание.

Претходно, американскиот претседател Доналд Трамп изјави дека не исклучува воено решение за ситуацијата во Венецуела, наведува „Спутник“.

Министерството за одбрана, зборовите на Трамп ги нарече неразумни. Освен тоа, администрацијата на Трамп го нарече Мадуро диктатор и покрена санкции против него и голем број на венецуелски официјални претставници, после изборот на Уставотворното собрание и повеќемесечните протести на опозицијата во кои во судирите со полицијата имаше десетици жртви.

Промоција на Охридско Езеро како безбедна дестинација за авантуристички туризам

 Набавена е специјализирана опрема за спасување на вода и планина во рамки на проектот „Охридско Езеро-безбедна дестинација за авантуристички туризам“ што ќе биде промовиран денеска во Охрид.

Проектот е финансиран од ИПА Програмата на ЕУ за прекугранична соработка, а кофинансиран од  Министерството за локална самоуправа.

На настанот ќе присуствуваат министерот за локална самоуправа Сухејл Фазлиу, градоначалникот на Охрид Јован Стојаноски и претставникот на Делегацијата на ЕУ во Република Македонија, Никола Бертолини.

Почна работната акција „Скопје на нашите дланки“

Почна работната акцијата „Скопје на нашите дланки“ по повод 55 години од катастрофалниот земјотрес во главниот град.

Почетокот го означи градоначалникот на Гази Баба Борис Георгиевски, кој е и претседател на одборот на акцијашите. Со негова поддршка се реализира настанот, кој е во организација на здружението на граѓани „Акцијаши - Скопје“.

Од денеска па се до 26 јули, во периодот од 8 до 12 часот, ќе се уредува просторот во студентскиот кампус и факултети во општина Гази Баба. Почетокот е од ова место затоа што акцијашите по земјотресот во 1963 го имаат изградено студентскиот дом „Стив Наумов“ во една од работните акции за обнова на градот Скопје.

Учествуваат голем број акцијаши од Македонија, но и од Словенија, Хрватска, Србија, Босна и Херцеговина, кои во Скопје пристигнаа со воз.

Целта е акцијашите заеднички да придонесат во расчистувањето на Скопје, а со тоа и младите да продолжат по стапките на возрасните.  Здружението „Акцијаши“ ќе одбележи уште два големи јубилеја на доброволното младинско работно ангажирање - 70 години од работната акција за изградба на браната и хидроцентралата „Вруток“ - „Маврово 48“ и 40 години од изградбата на автопатот „Братство и единство“. 

Заев вечерва во Мостар ќе се обрати на традиционалната манифестација „Mostar Peace Connection“

 Претседателот на Владата на Република Македонија, Зоран Заев, вечерва ќе присуствува на традиционалната манифестација во Мостар, „Mostar Peace Connection“.

Како што соопшти владината прес-служба, премиерот Заев заедно со организаторите од Центарот за мир и мултиетничка соработка, претседавачот со Советот на министри на БиХ, Денис Звиздиќ, како и со добитниците на наградата, „Мостарска повелба на мирот“, ќе пушти цвеќе од Стариот мост на Неретва, во знак на мир.

Наградата „Мостарска повелба на мирот“ годинава ја добиваат грчкиот премиер Алексис Ципрас и црногорскиот премиер Душко Марковиќ, додека лани добитник беше премиерот Заев.

По потпишувањето на Мостарската повелба за мир од страна на добитниците на наградите, каде ќе присуствуваат и актуелни и поранешни лауреати, политичари од БиХ, регионот и пошироко ќе се обрати премиерот Зоран Заев.

притисни ентер