„Одговор на санкциите на САД“: 520 милиони за ракетната програма

Иранскиот парламент изгласа издвојување на додатни 520 милиони долари за развој на ракетната програма, како одговор на санкциите на САД.
„Американците мораат да знаат дека ова е само прва од нашите акции“ – изјави претседателот на парламентот Али Лариџани откако го објави резултатот од гласањето. За законот гласаа 240 од 244 присутни пратеници, а никој не беше против.

Тој додаде дека пратениците гласале за мерки кои треба да им се “спротивстават на терористичките и авантуристички акции на САД во регионот“.

САД во јули воведоа нови санкции против Иран поради ракетната програма.

„САД се длабоко загрижени поради опасните активности на Иран на Блискиот исток кои ја поткопуваат стабилноста, безбедноста и просперитетот на регионот“ – изјави портпаролката на Стејт департментот, Хедер Ноерт.

Таа ја осуди “непрекината поддршка на Иран на терористичките групи кои му се закануваат на Израел и стабилноста на Блискиот исток“, како што се либанскиот Хезболах и палестинските Хамас и Исламски џихад.

Утре сончево и уште потопло

Времето утре претежно сончево и уште потопло. Ќе дува умерен, а во западните делови засилен ветер од западен правец. Минималната температура од 12 до 21, а максималната од 31 до 39 степени. УВ индексот ќе изнесува 9.

Во Скопје сончево со умерен западен и северозападен ветер. Температурата ќе се движи од 18 до 38 степени.

Од понеделник следува период на нестабилно време со пороен дожд и грмежи, а локално се можни и поинтензивни процеси. Ќе дува засилен северозападен ветер, па дневната температура од вторник значително ќе се намали. /УХМР

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

притисни ентер