Јајца загадени со инсектицид пронајдени и во Шпанија

Производи од јајца загадени со инсектицид, откриени се во прехранбената индустрија на северот на Шпанија, а тоа е прв пат да биде пронајдена хемикалија во јајцата во таа земјата, откако е предизвикана криза ширум Европа, пренесува „АФП“.
Се чинише дека Шпанија е поштедена од кризата, меѓутоа, во серијата од 20.000 пастеризирани единици на течни јајца пронајден е фипронил во прехранбената индустрија на северот на Шпанија, во Баскија, соопшти портпаролот на одделениот за здравје на регионалната влада и додаде дека сите загадени јајца ќе бидат уништени.

Хемикалијата фипронил која може да го загрози човечкото здравје е отриена во јајцата во уште 16 европски земји, откако тој скандал излезе во јавноста, а пронајден е дури и во Хонг Конг. Од супермаркетите повлечени се милион кокошкини јајца, а стотина фарми за живина се затворени, додека Европската комисија најави специјален состанок по повод оваа криза, пишува „АФП“.

Од пазарите во Хрватска како мерка на претпазливост повлечени се јајцата од холандските производители.

Белгија беше првата земја која официјално го извести системот за предупредување на сигурност на храната на Европската унија за заразените јајца, а после неа и Холандија и Германија.

ЕУ инсистира дека нема закана за луѓето, меѓутоа Светската здравствена организација предупредува дека со консумацијата на заразените јајца можат да се загрозат бубрезите, желудникот и штитната жлезда. 

Утре сончево и уште потопло

Времето утре претежно сончево и уште потопло. Ќе дува умерен, а во западните делови засилен ветер од западен правец. Минималната температура од 12 до 21, а максималната од 31 до 39 степени. УВ индексот ќе изнесува 9.

Во Скопје сончево со умерен западен и северозападен ветер. Температурата ќе се движи од 18 до 38 степени.

Од понеделник следува период на нестабилно време со пороен дожд и грмежи, а локално се можни и поинтензивни процеси. Ќе дува засилен северозападен ветер, па дневната температура од вторник значително ќе се намали. /УХМР

Без вода утре корисниците од бул.„Партизански одреди“ до ул.„Максим Горки“

Прекин во водоснабдувањето утре од 8 часот до санирање на дефектот ќе имаат корисниците од бул.„Партизански одреди“ до ул.„Максим Горки“ во Скопје, информираат од ЈП Водовод и канализација.

Прекинот во водоснабдувањето, како што се наведува, е поради промена на шибер од ф 80мм на ул.„Васил Главинов“  блок 10. /МИА

Пакистански политичар се самоубил поради своите синови

Самостојниот кандидат на изборите за парламентот на Пакистан, Мухамед Ахмед Мугал се убил откако неговите синови не се согласиле со политиката која ја застапува.

Тоа го соопшти пакистанската полиција.

Еден од полицајците изјавил дека Мугал дома наишол на отпор, бидејќи неговите синови ги подржувале кандидатите на поранешната владејачка партија, Пакистанската муслиманска лига.

По изборните закони на Пакистан, изборите на кои Мугал бил кандидат, ќе бидат одложени и предизборниот процес повторно ќе започне после регуларните избори на 25 јули.

притисни ентер