Пожарот кај Трескавец повторно е активен

Повторно се активираше пожарот кај манастирот Трескавец и според командирот на прилепската Противпожарна единица Станко Колески, состојбата е сериозна.
- Се возобнови пожарот кај Трескавец и ситуацијата е многу сериозна. Има силен ветер кој го шири огнот. Интервенираше летало од Дирекцијата за заштита и спасување, но поради лошата временска ситуација и ветрот повеќе не може да се интервенира на таков начин. Голем број доброволци од прилепски фирми, нашите екипи се на теренот и тука остануваат за да се справат со огнената стихија. Останува повикот за што поголем број доброволци да се пријават, вели Колески.

Пожарот кај Трескавец е активен од четвртокот иако на неколку пати беше ставан под контрола. Но, сега поради ветрот, ситуацијата станува алармантна, додаваат од Противпожарната единица.

- Во прилепско имаме повеќе активни пожари. Еден е на потегот кај селото Крушевица, потоа околу селото Бонче, а имавме интервенциија и кај поранешната фабрика „Партизанка“. Се локализираше пожар кај селото Зрзе, а сега се возобнови пожарот под манастирот Трескавец. Исто така, имаме пожари околу селата Забрчани и Мраморани. Наши екипи работата постојано на теренот. Според јавувања на граѓани има намерно подметнување пожари, но тоа надлежните треба да го потврдат, вели  Јосе Јорданоски од прилепската Противпожарна единица.

Градоначалникот на Прилеп, Марјан Ристески апелираше итно да се пријават уште доброволци за гаснење на пожарот кај Трескавец.

- Граѓаните на Прилеп овие две-три недели се справуваат со огромна непогода. Мислам дека на терен треба што е можно повеќе да бидат надлежните институции, да преземат мерки овде, кај Трескавец, ветерот е силен, огнот брзо се шири, вели Ристески.

Попладнето, манастирскиот комплекс го посетија архиепископот охридски и македонски, г.г. Стефан и владиката Климент.  Владиците беа информирани за состојбата со пожарите, а направија увид и на градежните активности за обнова на опожарените конаци на манастирот./МИА

Заев: Утре нова лидерска, однесувањето на Мицкоски неодговорно

Заев соопшти дека за утре во 12 часот е закажана уште една лидерска средба во помал состав на која, како што истакна, Мицкоски ќе може да се изјасни дали е за НАТО и ЕУ, како и дали е за тоа граѓаните да одлучуваат за иднината на Македонија.

 Сите што останавме на лидерската средба сме за успешен референдум, а однесувањето на Мицкоски демонстрирано во име на ВМРО-ДПМНЕ е несериозно, неодгороно и навредливо кон сите политички субјејктки и граѓаните на Македонија, рече вечерва премиерот и лидер на СДСМ Зоран Заев по лидерската средба во клубот на пратениците.

Заев соопшти дека за утре во 12 часот е закажана уште една лидерска средба во помал состав на која, како што истакна, Мицкоски ќе може да се изјасни дали е за НАТО и ЕУ, како и дали е за тоа граѓаните да одлучуваат за иднината на Македонија.

- Ако Мицкоски е за НАТО и ЕУ требаше да седи со сите лидери тука и да носи одлуки за иднината на државата, но одлучи да избега од ова историски најважно прашање за македонската иднина, потенцира Заев. 

Утре без струја делови од Центар и Сарај

Дел од општините Центар и Сарај утре претпладне ќе остана без струја поради технички зафати во дистрибутивната мрежа, соопшти РЦУК.

Корисниците од улиците „Киро Гавриловски“ и „Славе Деловски“, како и од дел од „Елисие Поповски Марко“ во Центар нема да имаат електрична енергија од 08:30 до 14:30 часот, додека корисниците од Општиската зграда и дел од улицата „1“ во село Сарај нема да имаат струја од 09:00 до 14:00 часот. 

Изгоре возило кај Манастирец, повредени нема

 Изгоре возило кај селото Манастирец, Росоманско, повредени нема.

Пожарот го гаснеше екипа од Територијалната противпожарна единица од Кавадарци. Конандирот Илчо Богевски потврди за МИА дека се зголемува бројот на пожари во Кавадарци и Росоман.

На местото на несреќата пристигна и Итна медицинска помош. 

притисни ентер