ВМРО ДПМНЕ поднесе интерпелација за министерот Алаѓозовски

Пратеничката група на ВМРО ДПМНЕ поднесе интерпелација за министерот за култура , Роберт Алаѓозовски.

Денес во Собранието на Република Македонија поднесуваме интерпелација за работата на министерот за култура Роберт Алаѓозовски, изјави пратеничката од ВМРО ДПМНЕ , Ане Лашкоска.
Како пратеници од ВМРО-ДПМНЕ сметаме дека со доаѓањето на Роберт Алаѓозовски на финкцијата Министер за култура, оваа област во Република Македонија за кратко време од седумдесетина дена го допре дното.
Под итно мора да запре неоварваризмот кој што секојдневно го шири Алаѓозовски со што нанесува огромна штета на угледот на Република Македонија на културен план.
Во изминатиот период наместо унапредување на културата и културниот развој на Република Македонија за многу кратко време и веднаш откако беше назначен од страна на СДСМ, Роберт Алаѓозовски имаме тренд на уназадување на културата и културниот развој, преку превземање на голем број иницијативи во насока на партизација на културата, селекција и дискриминација на уметниците и културните дејци во нашата држава, не водење грижа за културното наследство, запирања на сите капитални инвестиции во културата и многу други активности кои водат во таа насока.
Токму во овие изминати неколку месеци од формирањето на новата Влада на СДСМ, од страна на министерот Алѓозовски сведоци сме на незаконско разрешување на професионалци во институциите од областа на културата и вдомување на партиските послушници во Министерството за култура. Поднесување на измени на Законот за култура во насока на вршење класична селекција и дискриминација на еден дел од уметници кои ќе продолжат да зимаат развојна национална пенизија, а на останатите во иднина да им се фиксира националната пензија до ограничен износ, без притоа да се слушне мислењето на културната фела што мисли за оваа неправда која се нанесува врз сите нив и без дебата. Враќање на апосолутната моќ на министерот Алаѓозовски во одлучувањето во културата, скандалозниот ребаланс на Буџетот со кој во културата се скратија 4.5 милиони евра за проекти од областа на културата, како и иницијативата која е доставена до Собранието на Република Македонија за укинување на Законот за национален уметник, се само дел од крајно непрофесионалното работење на овој министер.
Мораме да потенцираме дека ребалансот на Буџетот и кратењето на средствата во културата се најеклатантен пример за тоа колку Владата на СДСМ и министерот Алаѓозовски немаат никакво чувство на припадност, никакво чувство за култура и за културните и уметничките вредности, за нашето непроценливо културно наследство кое го поседуваме и кое е еден од главните атрибути за препознатливост на Република Македонија.
Министерот Роберт Алаѓозовски од самиот почеток на неговото работење во ресорот наместо да започне да работи во интерес на културата и културните работници, се фрли на политички пресметки и незаконски разрешувања на раководни лица во институциите од областа на културата, разрешувања кои ќе донесат до оштетување на Буџетот на Република Македонија, само и само поради самоволието на министерот Алаѓозовски без да биде испочитувана законски пропишаната процедура.
Една од првите одлуки како министер му беше да скрати 30 милиони денари и да запрат археолошките истражувања на кои во минатите 11 години работеле повеќе од 20 илјади стручни лица, професори и археолози кој повеќе од 10 години посветено работеа со единствена цел да го документираат развојот на повеќе милениумската цивилизација на овие простори со што ќе се остави вредно сведоштво за идните генерации.
Не се кратени пари само од археолошките истражувања. Добар дел од 4,5 милиони евра кои културата ги изгуби благодарение на Алаѓозовски беа предвидени и за филмски проекти. Скратени се 30 милиони денари за филмска дејност или дури половина од Буџетот предвиден за финансирање филмски проекти на конкурс за Агенцијата за филм.
Дополнително, советниците кои ги назначи Алаѓозовски се посебна приказна. Во напливот на неоварваризам Алаѓозовски формира совети, работни групи и назначува советници без компетенции и со биографии кои се единствено богати со закани, омраза, бес, гнев и фрустрации кои ги артикулирале со бројните најави дека ќе ги рушат, минираат и уништат спомениците на културата, на македонската историја и херои, само затоа што не ги изградиле нивните идеолошки татковци, туку Владата предводена од ВМРО-ДПМНЕ. Овој неоварваризам е консеквентен на неговата улична претходница, испоставата на СДСМ наречена шарена платеничка револуција, во која учествуваа речиси сите новоназначени советници на Алаѓозовски и која се занимаваше со сквернавење и уништување на спомениците на македонската историја.
Алаѓозовски со доставените измени на Законот за култура донесе одлуката за централизација на одлучувањето во културата. Ги укина менаџерските договори на раководителите на институции со кои на професионалците им беше дадена отворена можност во рамките на својот професионализам, искуство, знаење и кредибилитет да носат одлуки за работењето на институциите.
Алаѓозовски ги скрати средствата за реконструкција на новата Универзална сала во Скопје, која консензуално е прифатена како потребна и од стручната и од пошироката јавност. Нема повеќе средства за изградба на новиот објект на Охридскиот театар. Сите средства кои беа обезбедени во Буџетот за изградбата на Струмичкиот театар, и кој се планираше да биде отворен до крајот на оваа година се скратени. Под знак прашалник е ставена и изградбата на новиот објект за Драмски театар во Скопје. Ова е политиката на Роберт Алаѓозовски и СДСМ, ова е нивниот однос кон културата.
Покрај оваа голема поделба и дискриминација помеѓу уметниците, донесе одлука и да го укине Законот за национален уметник, со што го укина правото на идните уметници да не бидат во можност да се здобијаат со оваа најголема титула во нашата држава. Нема пари за заслужните уметници, но има пари за партизација на културата.
Затоа сметаме дека Роберт Алаѓозовски треба што поскоро да си замине од позиција Министер за култура, и на негово место да дојде искрена и чесна личност со изграден однос, кредибилитет и грижа кон културното и историското наследство, со почит кон сите уметници, културни работници, личност која ќе се залага за подобар статус и подобри услови за уметниците, и ќе се грижи за промоција и презентација на културата и уметноста на нашата држава во домашни , меѓународни и светски рамки. Личност како Роберт Алаѓозовски не смее повторно да му се повтори на Минситерството за култура.

Јанчев: Фудбалот во Кавадарци.... Некогаш и сега!

Цели 17 години кавадарчани го живееја сонот да го видат својот миленик повторно во првата лига, напиша на својот профил на Фејсбк, градоначалникот на Кавадарци, Митко Јанчев.

Фудбалот во Кавадарци.... Некогаш и сега! [⬇️]

[📌] Цели 17 години кавадарчани го живееја сонот да го видат својот миленик повторно во првата лига. Од 2017 та година откако Митко Јанчев ја доби функцијата градоначалник на Општина Кавадарци, работите за ГФК Тиквеш кој играше во втората лига исток тргнаа кон подобро. Во сезоната 2018–19 Тиквеш играше бараж за влез во првата лига но загуби од Силекс со 2-3. По паузата заради КОВИД пандемијата, градоначалникот Јанчев покажа огромен сенс за спортот и уште повеќе го поттикна клубот решен на своите кавадарчани да им го врати прволигашкиот фудбал. Тоа и се случи веќе во сезоната 2020/21 кога Тиквеш заврши како втор и во баражот со 1-0 го совлада Силекс а кавадарчани по 17 години повторно добија можност да уживаат во прволигашки фудбал.

[📌] Во првата сезона по враќањето во првата лига Тиквеш

Ќе влијае ли глобалниот данок од 15% на новите инвестиции во ТИРЗ зоните?

Ќе влијае ли глобалниот данок од 15% на новите инвестиции во ТИРЗ зоните и за светските компании кои се веќе во земјава, по обврската да ја воведеме давачката која произлегува од членството во организацијата за соработка и развој(ОЕЦД)?

Според проценките, 50 странски компании кои работат во земјава ќе бидат опфатени од глобалниот минимален данок кој ОЕЦД го наметна од први јануари годинава. Првичните истражувања на „Прајс вотерхаус куперс“ покажале дека македонскиот буџет по овој основ ќе се соочи со одлив од најмалку 30 милиони евра годишно... Од советот на странски инвестиции при стопанската комора пак велат очекувале транзициски период.

Ние како Совет уште минатата година го покренавме овој разговор и оваа дискусија со економскиот тим на Владата, и ако тогаш на еден или друг начин ни беше кажано дека барем ќе има некаков транзициски период каде што ние како држава веднаш тоа нема да го воведуваме, сепак од први јануари оваа година овој данок е воведен на глобално ниво, така да голем број на компании без разлика дали работат во или вон технолошко-индустриските развојни зони, или дали тие добиваат државна помош или не, ќе треба детално да се разгледаат сите ефекти како тоа ќе влијае врз локалните компании...

Светските компании во земјава сега плаќаат данок од 10%, а со глобалниот ќе плаќаат вкупно15% со тоа што 5% ќе одат во нивните матични земји. Според првиот човек на ТИРЗ – Јован Деспотовски нема да се отежни процесот на привлекување на странски инвестиции. Според него сегашниот данок од 10% мора да остане поради придобивките за домашната економија... Предлогот на опозициската ВМРО-ДПМНЕ за намалување на данокот за компаниите на 5% за него е неекономски...

-Нема да го отежнат за нас, меѓутоа очигледно ќе го отежнат за нашите политички опоненти, бидејќи ВМРО-ДПМНЕ заговара нова стратегија на привлекување на странски инвестиции кои што се базираат на намалување на данокот на добивка што е „нонсенс“. Ние како држава сега треба да бидеме паметни, да ги спречиме негативните ефекти врз домашната економија, тоа значи да не се залетаме и да го воведеме тој данок од 15%. Исто така и не треба да бидеме глупави па да одиме со политиката од 10% на 5%, знаејќи дека компаниите кои плаќаат сега 10% ќе треба разликата до 15% да ја доплатат некаде на друго место,- -Јован Деспотовски – Директор на ТИРЗ.

Според наведеното, ОЕЦД со глобалниот данок сака да стави крај на трката со даночни ослободувања или олеснувања да се привлечат што е можно повеќе инвеститори од страна на земјите. Нивната иницијатива ја подржаа 140 земји, а тоа ги засега над 8.000 светски мултионационални компании со консолидирана добивка од над 750 милиони евра...

Пендаровски ги прими акредитивните писма на новоименуваниот амбасадор на Белорусија

Претседателот Стево Пендаровски денеска ги прими акредитивните писма на Сергеј Малиновски, новоименуваниот амбасадор на Република Белорусија во Македонија, со седиште во Белград.

Претседателот Пендаровски во обраќањето на церемонијата на предавање на акредитивните писма изрази уверување дека врз основа на принципите за демократско владеење, владеење на правото и почитување на фундаменталните права и слободи во иднина ќе се создадат можности за развој на односите и соработката помеѓу Македонија и Белорусија во домените каде што тоа е возможно.

Амбасадорот Сергеј Малиновски во своето обраќање истакна дека Белорусија очекува трговска соработка со Македонија, како и соработка за други прашања на билатерален и мултилатерален план.

Претседателот Пендаровски на амбасадорот Малиновски му посака добро здравје, како и многу успех во извршувањето на неговата одговорна мисија, соопштуваат од кабинетот.

притисни ентер