Џип на Македонец во рацете на српска банда на Халкидики?

Со употреба на електронски уред, го деактивирале и блокирале електронскиот систем на луксузни и скапи автомобили, ги менувале податоците и ги изнесувале надвор од Грција – грчката полиција уапси криминална група од Србија која на првиот крак на Халкидики крадела скапи џипови.
Не е исклучена можноста, според информациите на Канал 5,секако без да постои официјална потврда, во рацете на српската банда да паднал џип и на македонски државјанин. Според нашите информации од Грција, на 2ри август, Македонец кој бил на одмор на првиот крак, пријавил дека од местото Афитос, му бил украден џипот.

Со оглед на тоа, дека според официјалните информации од грчката полиција, на мета на Србите биле возила со странски регистарски таблички, не е исклучена можноста во 4ти украдени џипови, да е и македонскиот, меѓутоа нема информација, бидејќи возилата биле изнесувани од Грција.

Грчката полиција најпрво уапси 33 годишен Србин и 24 годишна Србинка, а подоцна идентификуваше и 31 годишен соработник, исто така српски државјанин кои учествувале во 6 кражби, а од 13 јули до 6 август, во поширокиот регион на областа Касандра на првиот крак од успеале да украдат 4 џипа.

„Од истрагата произлезе дека лицата формирале криминална група, а уапсениот 33 годишен раководел со групата и заедно со другите учесници, секој пат во различен состав, пронаоѓале и со кршење на прозорите, краделе луксузни возила – џипови кои имале странски регистарски таблици. За вршење на кражбите користеле уред  што го блокирал електронскиот систем, а откако ќе ги украделе возилата ги носеле во привременото живеалиште на уапсените во регионот на Халкидики, ги покривале со циради за да не можат да ги пронајдат. Потоа ги менувале податоците  на регистрациите и ги изнесувале од земјата.“ – соопштуваат од грчката полиција.

Истрагата на полицијата продолжува за евентуална вмешаност на Србите и во други слични кривични дела. 

Како ќе се реши проблемот со извозот на земјоделски производи на Косово?

Времената рамка на Косово за повисоки царини од 30% за овошје и зеленчук предизвика хаос во регионот.

Петти ден земјоделците немаат каде да ги извезуваат своите производи. Извозот од ден во ден е се помал. Им се закануваат огромни штети.

В среда во Белград ресорните министри на земјите од регионот на итен состанок ќе бараат лек за проблемот. Најавија и контра-мерки. Македонија веќе испрати и допис до ЦЕФТА  и ЕУ потенцирајќи дека мерката е неаргументирана.

Во меѓувреме српскиот министер за трговија Расим Љајиќ и порача на Приштина да се одлучи дали е или не е ЦЕФТА потписничка.

Косовската времена мерка ќе трае три месеци. Со неа, за 30% се зголемуваат царините за увезеното овошје и зеленчук. Опфаќа 21 сорта од земјоделските производи и важи за сите држави кои увезуваат во Косово.

Најпогодени, според министерството за земјоделство, се доматите, пиперките и сливите.

Иран: Најмалку 25 лица повредени во земјотресот

Најмалку 25 лица се повредени во земјотресот со јачина од 5,9 степени по Рихтер, кој денеска го погоди западен Иран, неколку часа откако два земјотреси ја потресоа јужната провинција Хормозган.

Гувернерот на западната провинција Керманшах, Хусанг Базванд, изјави дека 25 лица се повредени и дека, за среќа, нема информации за мртви.

Претходно денеска, јужниот дел на Иран беше погоден од земјотреси со јачина од 4,7 степени и 5,7 степени според Рихтеровата скала.

Во тие потреси немаше повредени, а предизвикана е помала материјална штета.

притисни ентер