Свет

САД- С.Кореја: Војна од една минута без победник

Не постои “победничка ситуација“ доколку САД извршат превентивен напад на Северна Кореја, иако тоа го замислуваат американските воени претставници, пишува „CNN”.

„Таквата операција би содржела брз мултидимензионален напад, а борбата би можела да биде одлучена во првите минути“ – изјави пензионираниот капетан на морнарицата, Џери Хендрикс.

Тој истакнува дека не е информиран за специфичностите на можниот превентивен напад, но за „CNN” изјави дека операцијата би вклучувала неколку стратегии насочени кон неутрализирање на севернокорејските можности.

„Спротивставувањето на севернокорејскиот релативно импресивен дефанзивен систем земја-воздух би можело да се направи со стелтовите F-22, F-35 и бомбардерите B-2, на кои би им се приклучиле јапонските и јужнокорејските ловци F-16 или F-15. Исто така, користењето на беспилотните летала би го намалило ризикот од губење пилоти“ – додава Хендрикс.

Според неговите зборови, САД би можеле да донесат додатни летала во регионот во пресрет на нападот, но суштински американската војска може да смета на две големи бази во Јужна Кореја, во Осан и Кунсан.

„Од Гуам, Пентагон би можел да ги подигне бомбардерите B-1, B-2 И b-52, а во игра би можеле да бидат вклучени и разурнувачите кои се наоѓаат во Јапонија, а кои се опремени со ракети од типот на томахавк и дефанзивни системи кои би можеле да ги пресретнат севернокорејските ракети“ – истакна Хендрикс.

Проблемот може да претставуваат последиците од првиот напад.

„Неколку минути по нападот американските авиони и артилерија би морале да ги координираат своите акции со сојузниците за да ги уништат илјадниците ракетни фрлачи кои се насочени кон јужнокорејската престолнина Сеул“ – пишува „CNN”.

Експертите наведуваат дека тоа би бил само почетокот.

„Не е проблем да се погоди Северна Кореја, проблем е што понатаму. Вие ќе ја нападнете Северна Кореја...Па они ќе одговорат, а имаат арсенал кој може да го уништи Сеул. Се предвидува дека стотина илјади жители на Јужна Кореја би можеле да умрат во првите часови од борбата – од артилерија, ракети, проектили со краток домет, а војната би можела да ескалира до употреба на нуклеарен арсенал, што би довело до десетина милиони жртви и деструкција на 11-тата најголема економија во светот. Со тоа не смеете да се коцкате“ – се наведува во текстот на „CNN”.

Култура

Премиера на „Паника“ во Велешкиот театар

Велешкиот театар „Јордан Хаџи Константинов Џинот“ вечерва во 21 часот премиерно ќе ја изведе претставата „Паника“ на финскиот автор Мика Мулуахо, во режија на Александар Ивановски. 

Во претставата, која е дуо драма настапуваат Стефан Николовски како Лазе и Филип Христовски како Мики. Драматург на претставата е Катерина Момева а сценографија на Филип Коруновски а музиката е во избор на двајцата актери.

Како што појаснуваат од велешкиот театар, приказната е за двајца другари што се немаат видено долго време и после многу поминати години и патешествија во животот, тие се соочуваат еден со друг, си помагаат еден на друг, се провоцираат еден со друг, преку што избиваат нивните внатрешни конфликти.

-Во претставата се навлегува во најдлабоките теми на суштествувањето, прашања што го мачат секој човек кој сака да биде сакан и прифатен, а општествениот и социјален притисок наметнува стеги каде индивидуалниот идентитет се гуши, се преиспитува себеси, а преку оваа претстава сугерираме дека човек треба прво да се прифати таков каков што е, за да може да се промени. Играјќи си со жанровите, понекогаш нештата изгледаат многу трагично, а има мигови кога не ќе можете да се воздржите од смеење, поради суптилниот хумор што се провлекува низ целото дело и преку кој се релативизираат проблемите, се разобличуваат карактерите со нивните човечки мани, оправдувајќи ја нивната несовршена природа, појаснуваат од театарот.

Свет

Израел вели дека ја покажал својата способност да нападне во внатрешноста на Иран

Денешниот напад „имаше намера да му сигнализира на Иран дека Израел има способност да нападне во внатрешноста на земјата“, изјави неименуван израелски функционер за „Вашингтон пост“.

Нуклеарната организација на ОН (МААЕ) потврди дека иранските нуклеарни локации се неповредени, по извештаите за напад во ирански Исфахан.

МААЕ, исто така, го повтори својот повик и Иран и Израел да покажат максимална воздржаност, нагласувајќи дека атомските капацитети никогаш не треба да бидат цел.

Регион

„Политика“: Годишнина од потпишувањето на Бриселскиот договор - 11 години без ЗСО

 Денеска се навршуваат 11 години од потпишувањето на Бриселскиот договор, но Заедницата на општини со српско мнозинство (ЗСО), на чие формирање се однесуваат првите шест точки и е столбот на овој документ, сè уште не е формирана, пишува „Политика“.

За текстот на договорот, кој формално се нарекува „Прв договор за принципите на нормализација на односите меѓу Белград и Приштина“, се преговараше шест месеци пред да бидат ставени три потписи на документот. Документот во име на Белград го потпиша тогашниот премиер и денешниот шеф за надворешни работи на Србија, Ивица Дачиќ, а во име на Косово - Хашим Тачи, кој беше премиер.

Третиот потпис во име на Брисел, кој учествуваше како посредник, го стави тогашната висока претставничка за надворешна политика и безбедност на Европската Унија, Кетрин Ештон, потсетува српскиот весник.

Во Договорот од Брисел, кој има вкупно 15 точки, за Србите во Косово е наведено дека ќе имаат Заедница која ќе вклучува 10 општини со српско мнозинство јужно и северно од Ибар и ги вклучува Лепосавиќ, Звечан, северниот дел на Митровица, Зубин Поток, Партеш, Ранилуг, Ново Брдо, Грачаница, Штрпце и Клокот.

Врз основа на договорениот документ, предвидено е ЗСО да има статут, претседател и потпретседател и собрание. Другите точки од Бриселскиот договор се однесуваа, меѓу другото, со полицијата, судството, судството и локалните избори, а беа спроведени и оние чие спроведување зависеше од Белград, наведува „Политика“. /МИА

притисни ентер