Скандал со затруените јајца - двајца уапсени во Холандија

Две лица се приведени во Холандија под сомнение дека нелегално го користеле инсектицидот фипронил на живинарските фарми.
Обвинителството соопшти дека станува збор за директори на фармите, кои иако не предизвикале труење кај луѓето , сепак го загрозиле јавното здравје .  Холандската и белгиската полиција спроведуваат заедничка акција против лицата кои користеле забранет инсектицид во живинарските фарми.

Во меѓувреме , Британските власти соопштија дека бројот на увезени јајца од Холандија не бил мал како што првично беше објавено . Досега се откриени 700 000 јајца во продажба со потекло од холандските фарми каде се употребувал фипронилот.

Француската влада пак , соопшти дека во две фабрики за преработка на храна биле најдени 13 товари со јајца од Холандија , третирани со фипронил.

Милиони јајца беа уништени и во Франција , Швајцарија , Германија , Белгија и во уште неколку земји , членки на ЕУ.

Фипронилот е инсектицид што се користел за уништување на паразити кај пилињата , иако е забранет да се користи кај животни наменети за исхрана .

Инсектицидот кај луѓето може да предизвика нарушувања во работата на црниот дроб, бубрезите и тироидната жлезда.


Индонезија: Силувана малолетничка осудена е на затвор поради абортус

Индонезијка, девојче од 15 години кое ја силувал нејзиниот брат осудена е на шест месеци затвор поради абортус.

Заменикот на шефот на полицијата во местото Батангари во провинцијата Џамби изјави дека девојчето и нејзиниот брат се осудени во четвртокот.

Братот, момче на возраст од 18 години, осуден е на две години затвор поради сексуален престап со малолетник.

Обвинителите барале година дена затвор за девојчето и седум години за нејзиниот брат.

На судот е речено дека девојчето е силувано осум пати од септември.

Во мај локалните жители го пронашле фетусот во близина на плантажата за палма.

Нејзината мајка е обвинета за помагање во абортусот.

Украдени пари од црква во тетовско Радиовце

Непознат сторител ноќеска украл 2.000 денари од црквата „Свети Атанасије“ во тетовското село Радиовце. 

Како што информираат од МВР, во полиција денеска било пријавено дека непознатиот сторител откако скршил прозорец влегол внатре и од шкаф наменет за чување на дарови од верниците одзел 2.000 денари по што го напуштил местото на настанот.

Извршен бил увид и се преземаат мерки за целосно расчистување на случајот. /МИА

На „Богородица“ се чека 10-тина минути за влез и излез од државава

На граничниот премин Богородица во моментов нема поголема гужва за влез и излез од земјава и сите процедури се завршуваат за 10-тина минути.

Како што информираат од Дежурната служба на граничниот премин Богородица, поголема гужва имало во утринските часови, заклучно со 10:30 часот, кога се чекало по триесетина минути.

Тоа, како што велат, е вообичаено за периодот на летните одмори. /МИА

притисни ентер