Тенки или дебели – Австралија отвори јавна дебата за обликот на манекенките

Во Австралија се дебатира за тоа дали моделите со прекумерна тежина кои се појавуваат на модната патека ја слават дебелината и праќаат погрешна порака или тоа се анорексичните манекенки .
Дебатата се отвори поради  појавувањето на моделите со прекумерна тежина  во спортски магазин облечени во  костими за капење. Сиднејскиот весник "Дејли телеграф" ја критикуваше употребата на поголеми модели како "неодговорно", додека докторите сметаат  дека се промовира  "опасна" порака по здравјето.
Сепак, други експерти велат дека на модната писта  треба да се застапени  сите форми на телото.

Дебатата го достигна врвот откако колумнистката Сораја Фуда напиша: "Ако модната индустрија одлучи да престане да користи модели кои се чини дека гладуваат  и се  кожа и коски - како што треба, тогаш не треба да се избираат некои што да промовираат подеднакво нездраво тело".
Меѓутоа, зборувајќи на локална телевизија, уредникот на Sports Illustrated Ем Џеј Деј рече: "Ние дадовме  многу позитивна изјава дека убавината не е" една големина што  одговара на сите ".

Здравствените експерти, исто така, се вклучија во  дебатата.

Д-р. Бред Френкум , претседател на австралиската медицинска асоцијација во Нов Јужен Велс, се сомнева зошто крупните  модели не предизвикуваат слична реакција како сериозно слабите модели.

"Ако некој оди по патеката пушајќи цигара, ќе има вознемиреност бидејќи тоа ќе биде многу нездрава порака", изјави д-р Френкум за Би-Би-Си.
"Слично на тоа, ако испратиме многу луѓе со прекумерна тежина или дебели луѓе по модната  писта, она што го кажуваат  на некој начин е дека ја оправдуваме дебелината. Мислам дека тоа  е опасно затоа што знаеме дека станува збор за  нарушена здравствена состојба".

Сепак, проф. Џон Диксон, раководител на истражувањето за клиничка дебелина во Институтот за срцеви заболувања и дијабетес,  "Бејкер Иди", вели дека моделите треба да ги претставуваат сите во заедницата.

"Со самото тоа што е нормално да се има прекумерна тежина во нашата заедница и тоа дури  28% од Австралијците кои се дебели , сосема е навредливо да се каже дека дебелите луѓе не треба да бидат на модна писта".

Моделот Стефанија Ферарио, која  е лице на модната недела во Мелбурн, рече дека индустријата не треба да се фокусира на крајности.
"Јас сум за разновидност во моделите од сите различни големини и форми, но мислам дека е неодговорно што  на модните  патеки  нема повеќе модели со  здрава тежина", изјави таа за ББС.

Повеќе не личи на себе: Една од најубавите жени на светот во непрепознатливо издание (фото)

Преубавата руска манекенка Ирина Шајк се појави на еден елитен моден настан кој го организираше магазинот „Вог“, а нејзиното издание изненади многумина.

Некогашниот жежок сексапил го замени со многу поскромен изглед.

Супермоделот Ирина Шајк пред повеќе од година дена стана мајка на девојчето Ли, а таа и сопругот Бредли Купер се посветија на семејниот живот и немавме прилика да ги гледаме често во јавноста.

Сега кога се појави на забавата на шпанското издание на „Вог“, според коментарите, овој пат не ги добила најдобрите оценки за изгледот.

Иако Русинката го задржа совршениот изглед, нејзиниот моден стил заедно со фризурата делуваат некако промашено.

Виолетовиот фустан поради кројот би бил карактеристичен за некоја госпоѓа во постари години.

Откако фотографиите се појавија во медиумите, на социјалните мрежи повеќето мажи се сложија дека Ирина овој пат навистина се “збабила“.

Foto: Getty

Рапер снимал спот за песна, па во кадрите фатил и смрт во живо (видео)

Раперот Дон Деј се решил да ја екранизира својата најнова песна „Hablando con la Luna”, а идеална локација за снимање пронашол на егзотична локација во Еквадор.

Така, Дон Деј со својот креативен тим дошол до подножјето на водопадите Лагуна Салто де Оро. И додека организацијата се одвивала по планот, а снимателите бележеле неверојатни кадри, набргу се случила голема трагедија.

 

 

Mirar atrás no es malo, regresar atrás eso es malo 💯💡🆗

A post shared by Don Day 🇪🇨💎 (@diamantedonday) on

Додека раперот бил свртен со грбот и снимал сцена за спотот, неговата екипа присуствувала на ужасна сцена.

Имено, еден маж, како што се претпоставува, се лизнал и паднал од врвот на водопадот, а од здобиените повреди починал на лице место.

На снимката може да се види како туристите веднаш притрчале за да го извлечат од водата, но за жал му немало спас.

Како што навеле сведоците, починатиот маж, кој подоцна бил идентификуван како Карлос Понтон (33), бил дел од туристичката група која немала никаква врска со снимањето на видео спотот.

 

Бизарна статуа на актер се појави среде Лондон (фото)

Статуа на холивудскиот актер Џеф Голдблум, со висина од три метри, се појави покрај лондонскиот Тауербриџ.

Холивудскиот актер Џеф Голдблум добил огромна статуа која е претставена во Потерс филд парк во Лондон.

Британците на овој начин се решиле да го прослават 25-тиот роденден на научно фантастичниот филм „Паркот Јура“ (Jurassic Park) кој го режираше Стивен Спилберг, а во кој Џеф го глуми доктор Иан Малком.

 

Статуата го прикажува Џеф како лежи настрана во наведната положба, со раскопчана кошула, а претставува рекреација на неговата позната поза од блокбастерот со диносаурусите.

 

Откако е поставена обожавателите редовно доаѓаат да ја посетат.

Околу неа се поставени дури и лежалки, но за жал таа нема да остане тука трајно бидејќи станува збор за привремена инсталација.

притисни ентер