Во Прилеп се одржа европско првенство во воздухопловно моделарство

Со прогласувањето на најдобрите поединци и екипи синоѓа на плоштадот „Александрија“ во Прилеп заврши Европското јуниорско првенство во воздухопловно моделарство што го организираа Воздухопловната федерација на Македонија и прилепскиот клуб „Феникс“, а се одржуваше од 25 до 29 јули.


На првенството учествуваа 80-ина натпреварувачи од 19 европски земји, кои се натпреваруваа во три категории на спортскиот аеродром кај Прилеп.

Според директорот на шампионатот Здравко Тодороски, организирањето на првенството е потврда на високите стандарди воспоставени лани кога се одржа Светското првенство во воздухопловно моделарство.

-Ланското искуство со организирањето на Светското првенство потврди дека сме одлични организатори. Првенствените натпревари учесниците ги одржуваа на спортскиот аеродром кај Прилеп кој има идеални услови и е еден од најдобрите на Балканот. Задоволни сме зашто се протече во најдобар ред. Учесниците се натпреваруваат во три категории Ф-1-А, Ф-1-Б и Ф-1-П. На ова првенство се покажа максимално присуство на наука, нови технологии, електроника, многу високи психо-физички карактеристики на спортистите што укажува дека во овој спорт секоја година се покажуваатсе поголеми врвни резултати, изјави Тодороски.

Претседателот на меѓународното жири, Јоже Чуден од Словенија нагласи дека ова е силен шампионат, а теренот е еден од најдобрите.

-Имавме три категории на летала. Едните се слободно летачки модели, едрилици, кои се влечат со конец, другата класа се модели со погон на гума, а третата се оние со мотор на гориво. Тука се присутни држави кои се лидери во овој спорт, како што се Русија, Украина, Израел, Полска, Романија и други. Ова е најсилен шампионат во Европа кој се организира за оваа сеозна во 2017 година. Овој терен е еден од најдобрите терени кои ги имам видено, се е чисто, нема никакви препреки, а тоа е многу значајно за праќањето и за враќањето на моделите, рече Јоже Чуден.

За менаџерот на македонската репрезентација Трајко Базерко сега е моментот на смена на генерациите во репрезентацијата.

-Имаме смена на генерациите, но тука се големите таленти кои постојано учат. Меѓу нив се нашите идни пилоти, вели Базерко.

Според учесниците, на првенството стекнаа големи искуства. Давид Липски од Полска вели дека сака да биде светски сениорски првак.

- Ова е креативно хоби. Татко ми ме научи да правам летала. Желба ми е да бидам светски сениорски првак и да станам инженер по аеронаутика, вели Липски.

Игор Босниевич  од Русија на првенството ги зацврстил пријателствата и има одлични впечатоци.

– Имам 16 години. Моделарството го сакам зашто е одличен спорт со многу техника.  Посебно задоволство е кога се управува со леталото и се вивнува во небото, вели Босниевич.

Тодороски најави дека и следното Европско првенство по две години ќе се одржи во Прилеп.

Повеќе не личи на себе: Една од најубавите жени на светот во непрепознатливо издание (фото)

Преубавата руска манекенка Ирина Шајк се појави на еден елитен моден настан кој го организираше магазинот „Вог“, а нејзиното издание изненади многумина.

Некогашниот жежок сексапил го замени со многу поскромен изглед.

Супермоделот Ирина Шајк пред повеќе од година дена стана мајка на девојчето Ли, а таа и сопругот Бредли Купер се посветија на семејниот живот и немавме прилика да ги гледаме често во јавноста.

Сега кога се појави на забавата на шпанското издание на „Вог“, според коментарите, овој пат не ги добила најдобрите оценки за изгледот.

Иако Русинката го задржа совршениот изглед, нејзиниот моден стил заедно со фризурата делуваат некако промашено.

Виолетовиот фустан поради кројот би бил карактеристичен за некоја госпоѓа во постари години.

Откако фотографиите се појавија во медиумите, на социјалните мрежи повеќето мажи се сложија дека Ирина овој пат навистина се “збабила“.

Foto: Getty

Рапер снимал спот за песна, па во кадрите фатил и смрт во живо (видео)

Раперот Дон Деј се решил да ја екранизира својата најнова песна „Hablando con la Luna”, а идеална локација за снимање пронашол на егзотична локација во Еквадор.

Така, Дон Деј со својот креативен тим дошол до подножјето на водопадите Лагуна Салто де Оро. И додека организацијата се одвивала по планот, а снимателите бележеле неверојатни кадри, набргу се случила голема трагедија.

 

 

Mirar atrás no es malo, regresar atrás eso es malo 💯💡🆗

A post shared by Don Day 🇪🇨💎 (@diamantedonday) on

Додека раперот бил свртен со грбот и снимал сцена за спотот, неговата екипа присуствувала на ужасна сцена.

Имено, еден маж, како што се претпоставува, се лизнал и паднал од врвот на водопадот, а од здобиените повреди починал на лице место.

На снимката може да се види како туристите веднаш притрчале за да го извлечат од водата, но за жал му немало спас.

Како што навеле сведоците, починатиот маж, кој подоцна бил идентификуван како Карлос Понтон (33), бил дел од туристичката група која немала никаква врска со снимањето на видео спотот.

 

Бизарна статуа на актер се појави среде Лондон (фото)

Статуа на холивудскиот актер Џеф Голдблум, со висина од три метри, се појави покрај лондонскиот Тауербриџ.

Холивудскиот актер Џеф Голдблум добил огромна статуа која е претставена во Потерс филд парк во Лондон.

Британците на овој начин се решиле да го прослават 25-тиот роденден на научно фантастичниот филм „Паркот Јура“ (Jurassic Park) кој го режираше Стивен Спилберг, а во кој Џеф го глуми доктор Иан Малком.

 

Статуата го прикажува Џеф како лежи настрана во наведната положба, со раскопчана кошула, а претставува рекреација на неговата позната поза од блокбастерот со диносаурусите.

 

Откако е поставена обожавателите редовно доаѓаат да ја посетат.

Околу неа се поставени дури и лежалки, но за жал таа нема да остане тука трајно бидејќи станува збор за привремена инсталација.

притисни ентер