Американски војници пристигнаа во Македонија на вежба со АРМ

Во шест конвои со по 20 борбени возила денеска преку граничниот премин „Деве Баир“ од Бугарија во Македонија пристигнаа 300 припадници на Вооружените сили на САД кои ќе учествуваат на заедничката вежба со инженерците Армијата на Република Македонија „DRAGOON GUARDIAN 17“.

- По поминати 2.300 километри се наоѓаме на територијата на РМ по долгите напорни мршеви стигнавме до завршниот дел од вежбата. Ова не значи дека завршува понатамошната соработка со Армијата на САД. Продолжуваме да соработуваме на армискиот полигон Криволак во доменот на инженерскиот дел, медицинската поддршка, абхо обука и подготвителни гаѓања, изјави на мајор Ласте Ѓорѓиев по пристигнувањето на конвоите.

Посочи дека на вежбата со американските војници размениле многу искуства во доменот на инженеријата, во Унгарија учествувале во поправка на патишта, а во Романија изработувале премин преку река.

Марк Хајм, заменик командант на инженерскиот ескадрон на Војската на САД кој учествува во вежбата, рече дека се возбудени што по поминати преку 2000 километри, пристигнаа во Македонија.

- Ова ни е прилика не само да тренираме со партнерите, туку и да ја демонстрираме нашата подготвеност и да го зајакнеме нашето партнерство, изјави Хајм.

Конвојот од Деве Баир продолжи кон Куманово каде што и официјално ќе биде означен почетокот на вежбата која ќе се одвива на Армискиот полигон „Криволак“ како и во неколку градови во Македонија, при што ќе бидат презентирани и дел од борбените возила на ВС на САД.

Утре и задутре, во рамки на цивилно-воената соработка, возилата ќе бидат презентирани во Скопје, Штип и Велес при што преку интеракција со локалното населенија покрај презентацијата ќе се реализираат фитнес сесии како и детски натпревари. На 31 автуст на Криволак ќе се одржи отворен Ден за високи гости и медиуми. На 3 и 4 август продолжуваат активностите со цивилно воената соработка во Струмица и Струга каде покрај презентацијата на опремата ќе се одржи и фудбалски натпревар помеѓи припадниците од двете армии со локален клуб.

На полигонот „Криволак“ денеска ќе започнат и заедничките активности на двете армии на која АРМ со 95 припадници ќе ја прикаже подготвеноста во одговор на сценариото подготвено за вежбата. Прва активност ќе биде изработката Полетна-слетна патека (ПСП) за беспилотни летала во должина од 300 и широка 30 метри. ПСП ќе биде изработена по сите стандарди на американската војска, а ќе остане во користење на АРМ. За време на вежбата инженерците ќе расчистуваат патишта од импровизирани експлозивни направи, а АБХО единиците ќе увежбуваат заштита од атомско оружје и начинот на деконтаминација. Последна активност ќе биде запознавање со личните вооружувања на двете армии при што ќе бидат изведени и боеви гаѓања.

Вежбата е наменета за поддршка на целите за обука за зајакнување на стандардните оперативни процедури на инженерските и АБХО единиците од составот на АРМ, како и унапредување на заемното разбирање меѓу АРМ и ВС на САД. /МИА

Грчкиот Парламент не го изгласа предлогот на опозицијата за недоверба на Владата

Како што соопшти претседателот на Парламентот Константинос Тасулас тридневната расправа траеше над 40 часа, а се обратија 163 говорници, меѓу кои пратеници, министри од Владата и сите лидери на партиите. 

Предлогот за недоверба на грчката Влада доставен од четири опозициски партии, како што и се очекуваше, не го доби потребното парламентарно мнозинство, не беше изгласан од Парламентот и не создаде проблеми за владиното мнозинство, јави дописничката на МИА од Атина.

Од 300 пратеници во Парламентот, за да помине предлогот, потребно беше да биде изгласан со најмалку 151 глас, а на синоќешното гласање, поддршка доби од 141 пратеник кои гласаа „за“, додека пак останатите 159 беа против, од кои еден независен пратеник и целата пратеничката група на владејачката Нова демократија.

Пратеничките групи на ПАСОК, СИРИЗА, Нова левица и на Курс на слобода во вторникот доставија заеднички предлог за гласање недоверба на Владата, по иницијативата на лидерот на ПАСОК Никос Андрулакис, поради новите информации за железничката несреќа во февруари минатата година кај Темпи, објавени од весникот „То вима“.

Како што соопшти претседателот на Парламентот Константинос Тасулас тридневната расправа траеше над 40 часа, а се обратија 163 говорници, меѓу кои пратеници, министри од Владата и сите лидери на партиите.

Текстот во весникот „То вима“ објавен во неделата за монтираните аудиозаписи за железничката несреќа кај Темпи на 28 февруари 2023 година во која загинаа 57 лица, кај опозициските партии во Грција предизвика низа реакции, кои кулминираа со доставување на предлогот за гласање недоверба на актуелната Влада.

Синоќа, додека сè уште беше во тек расправата во Парламентот државниот министер Ставрос Папаставру и заменик-министерот без ресор Јанис Братакос си поднесоа оставки, кои беа прифатени од грчкиот премиер Киријакос Мицотакис.

Владини извори за грчките медиуми коментирале дека „присуството на социјален собир испратило погрешна порака“.

Оставките на Папаставру и Братакос дојдоа откако дел од грчките медиуми објавија дека двајцата министри се сретнале со бизнисменот Вангелис Маринакис, кој меѓу другото е сопственик и на групацијата чиј дел е весникот „То вима“ што во неделата го објави текстот за монтираните аудиозаписи по железничката несреќа. /МИА

Најмалку 38 лица загинаа во израелските напади врз сирискиот град Алепо

Во синоќешните израелски напади врз северниот сириски град Алепо загинаа најмалку 38 лица, меѓу кои и борци од либанското шиитско движење Хезболах.

Претходно сириското Министерство за одбрана соопшти дека при израелските напади погодени се неколку области во и околу градот при што загинале одреден број цивили и војници.

По нападот на Хамас на 7 октомври, Израел ги засили нападите врз базите на проиранските групи на територијата на Сирија. Во некои операции мета беа и позициите на сириската воздушна одбрана и армијата.

Израел со години спроведува слични акции во Сирија, каде што влијанието на Техеран се зголеми откако Исламската Република почна да го поддржува претседателот Башар ал Асад во граѓанската војна што изби во 2011 година. Борците од групите сојузници на Иран, како што е Хезболах, сега се зацврстија на големи делови од источна, јужна и северозападна Сирија, како и во некои предградија на главниот град. /МИА

ЛДП организира „Pet Friendly“ ден во канцеларијата „Либерално ќоше“

„Pet Friendly“ ден за дружење, разговори и идеи на граѓаните со претседателката на Либерално-демократската партија Моника Зајкова, ќе се одржи денеска во новоотворената канцеларија на ЛДП „Либерално ќоше“ во срцето на Скопје.

- Водејќи се од нашата совесност, свесност и одговорност, покренавме иницијатива за носење на нов закон за благосостојба на животните. Милениците, се семејство, не потрошен предмет и затоа секој сопственик кој го остава својот миленик на улица треба да сноси одговорност и да се обезбеди регулиран систем на одговорно одгледување и размножување. Воедно да се обезбедат соодветни услови за бездомните кучиња и мачки и при тоа да ги заштити граѓаните од несакани повреди, е пораката на Зајкова, стои во соопштението од партијата.

Граѓаните се добредојдени на петочното дружење заедно со своите миленици, а своите идеи и предлози, се додава, може да ги споделат и во писмена форма.

На полето на заштита на животните, ЛДП до Собранието поднесе и предлог за изменување и дополнување на Законот за заштита и благосостојба на животните, којшто ќе воведе построги мерки против оставање животни на улица, поодговорно сопствеништво и ќе ги подобри нивните услови, стои во соопштението.

притисни ентер