Македонско-турски бизнис форум

Околу 20 компании од Адијаман, источна Турција, денеска ќе имаат директни средби со македонски фирми на бизнис форум што го организира Стопанската комора на Македонија - Турција (МАТТО).
Како што соопшти МАТТО, целта на посетата на бизнис-делегацијата од Адијаман е запознавање со можноста за соработка во прехранбениот сектор, текстилот, градежништвото, рударството, опремата за различни индустриски сектори, хотелиерството и туризмот, како и скенирање на деловната и инвестициската клима во Македонија, Србија и Косово.

Адијаман се наоѓа на реката Еуфрат во југоисточна Турција и е дел од проектот „Патот на свилата“. Во него се застапени повеќе индустрии: прехранбена, текстилна, конфекција, експлоатација на камен и други неметали, метална и металнопреработувачка, нафта и природен гас, производство на производи од пластика и гума, производство на мебел,... Располага со железна руда, мермер, јаглен и сурова нафта. Од вкупните потреби на сурова нафта во Турција, 70 отсто се експлоатираат во регионот на Адијаман.

Трговско-индустриската комора на Адијаман е основана 1984 година, брои 3.700 членови и има 18 професионални здруженија. Во нејзини рамки функционира и Стоковата берза на Адијаман.

На бизнис форумот ќе присуствуваат претседателот на МАТТО Ајдован Адемоски, неговиот заменик и сопственик на ТУРМАК Есер Џевахир и шефот на трговското претставништво на Турција во Македонија Буњамин Кутлу. /МИА

Филипче: Сметот кај Ургентен центар ќе биде исчистен, распишан е и тендер

Сметот направен кај Ургентниот центар во комплексот клиники „Мајка Тереза“ ќе биде исчистен од  екипа на „Комунална хигиена“, а во тек е и тендер за избор на компанија која ќе го спроведува чистењето, изјави денеска министерот за здравство Филипче.

- Точно е дека има проблем и тој е резултат на тоа што се прекина тендерската постапка за чистење. После долги години, интегенциите се враќаат во Службата за општи и заеднички работи која ги менаџира заедничките потреби на сите клиники во рамки на кампусот Мајка Тереза и тие се во постапка на тендер за добивање на компанија која ќе го спроведува чистењето, појасни Филипче.

Во меѓувреме, со градоначалникот на Град Скопје договорено е екипа на „Комунална хигиена“ да го исчисти целото ѓубре, а направен е договор и следниот месец тоа да се одвива тековно. 

Миновски: До крајот на летово барање за А-интегрирана еколошка дозвола за РЕК Битола

 До крајот на летово АД ЕЛЕМ ќе поднесе барање за добивање А-интегрирана еколошка дозвола за РЕК Битола, најави денеска генералниот директор на Електрани на Македонија, Драган Миновски. 

- Во моментов работната група ги собира податоците и се прават анализи  кои се проекти треба да се реализираат за да се добие дозволата. Очекувам набрзо да излеземе со предлог до Министеството за животна средина и просторно планирање за добивање на дозволата, рече Миновски, одговарајќи на прашање на прес-конференција во Владата.

Тој нагласи дека не сака да шпекулира со точни термини и додаде дека е најбитно работната група квалитетно да си ја заврши работата.

- Тоа е еден процес кој е долг и значаен за самата компанија и затоа е неопходно квалитетно да се заврши, потенцира Миновски.

Прашан до каде е реализацијата на проектот Чебрен и Галиште за кој премиерот Зоран Заев недомна најави дека ќе се реализира преку АД ЕЛЕМ и ќе чини 220 милиони евра, Миновски рече дека станува збор за владин, а не за проект на АД ЕЛЕМ.

- Со одлука на Влада веќе е формирана работна група која имаше два состанока до сега. Во неа работат експерти, а има и претставник од АД ЕЛЕМ и во моментов се анализираат можностите за градба и кој тип на брана да се реализира, рече Миновски и додаде дека нема конкретни датуми до кога да се донесе одлуката. 

Интервјуто со Заев урна рекорди!

Синоќешното интервју со премиерот Зоран Заев во „Само Вистина“ на Канал 5 ги урна рекордите на гледаност на емисијата во оваа сезона.

 „Само Вистина“ останува убедливо најгледана политичка емисија во македонскиот етер!

притисни ентер