Гутереш повика на итен дијалог меѓу венецуелската Влада и опозицијата

Генералниот секретар на ОН Антонио Гутереш повика за итен дијалог меѓу венецуелската Влада и опозицијата за да се спречи „насилството, злоупотребата и фанатизмот“ и да се постигне договор за излез од политичката криза во рамки на Уставот.

Според него, нема да има решение за кризата ако “е наметнато однадвор“.

– Патот за излез од кризата е преку договор, избори и почитување на основните права и уставните одредби, изјави Гутереш. Тој додаде дека само жителите на Венецуела може да најдат решение, а меѓународната заедница да „поддржи мирна разврска заснована на политички дијалог“.
Повикот на Гутереш е ден пред одржувањето на симболичниот референдум организиран од опозицијaта за контроверзниот план на претседателот Николас Мадуро да го смени Уставот преку формирање ново Уставотворно собрание.

Повеќе од 90 луѓе загинаа во изминатите три месеци во Венецуела во протестите против власта на претседателот Николас Мадуро.

Изгаснат големиот пожар кај Манастирец

 Изгаснат е големиот пожар што синоќа беснееше кај Манастирец, општина Росоман.

– Ноќеска пред полноќ имавме состанок организиран од градоначалникот на Кавадарци, Митко Јанчев. По десет часовна интервенција, бидејќи пожарот избувна околу 13 часот, се одлучи дежурен тим да остане на лице место во текот на ноќта. Утринава со дополнителни 15 работници од Комуналец, со три теренски возила, десет работници од „Македонски шуми" со исто толку возила и шест пожарникари со две возила, се вративме на лице место. Со мала интервенција, ги победивме пламените јазици, информира за МИА, Александар Чадамов, командир на Територијалната противпожарна единица.

Додава дека направен е претрес на цел терен и нема никаква опасност. /МИА

Во велешко активни неколку шумски пожари

 Уште еден шумски пожар над месноста викана „Неделна вода" во Велес изби утрово во 9:30 часот, каде гори нискостеблеста дабова шума. 

Во гаснењето се вклучени екипи од ШС „Бабуна" и Територијалната Противпожарна Единица од Велес.

Од ТППЕ Велес, за МИА информираат дека се уште гори нискостеблестата дабова шума и над Манастирот кај село Оморани што избувна вчера попладне, а во гаснењето се вклучени екипи од Шумското стопанство „Бабуна" од Велес.

Пожар има и во реонот на велешките села Џидимирци и Иванковци, а зафатена е и површина од скопска страна поради што, освен велешки, вклучени се и пожарникари од ТППЕ од Скопје како и вработени од ЈП „Македонски шуми" од Скопје.

Екипи на ШС „Бабуна" од Велес работат на целосно газнење на пожарот кај село Каласлари во кој гореше квалитетна борова шума.

– Пожарот избувна во петокот, а беше локализиран вчера напладне со екипа на ТППЕ од Велес, но нашите екипи од ШС „Бабуна" од Велес вчера, ноќеска и денеска се уште се на терен и работат на негово целосно ликвидирање, информира за МИА Љубинка Попова, директор на ШС „Бабуна" од Велес.

Во овој голем шумски пожар изгореа околу 50 хектари квалитетна борова шума, а во негово гаснење беа вклучени и два авиони од Дирекцијата за заштита и спасување. /МИА

Нов протест во Црна Гора со барање за оставка на владата и претседателот

Во Подгорица синоќа е одржан шестиот по ред граѓански протест „97.000: Спротивстави се“, на кој учествуваа повеќе илјади граѓани со барање за оставка на Владата и претседателот на државата.

Собирот мина без инциденти, а организаторите ги повикаа граѓаните и на 30 март „без страв“ да излезат на протести.

Еден од организаторите, Славиша Грубиша, оцени дека опозициско единство и тесна соработка е неопходна во овој случај. – Не дели мал чекор од целта, со нас се синдикатите. Ова е протест на сите граѓани и сите се добредојдени, потенцира Грубиша.

Демонстрациите, оценети како најмасновни граѓански протести во Црна Гора, почнаа по објавувањето на аферата „Коверт“.

Душко Кнежевиќ, бизнисмен близок до власта, кој пред истрагата на црногорското обвинителство побегна во Лондон, објави снимка на која на најблискиот соработник на Ѓукановиќ и поранешен градоначалник на Подгорица Славољуб Стијеповиќ, пред изборите во 2016 година му предава коверт со, како што вели, 97.500 евра.

Стијеповиќ парите веднаш ги става во џеб. Оттогаш почнува политичкиот потрес во Црна Гора, а бројката „97.000“ стана и официјален назив на групата граѓани, кои под слоганот „Спротивстави се“ почнаа со улични протести.

Под притисок на јавноста, Обвинителството го сослуша Стијеповиќ дури после седум дена, а после 20 беше осомничен за перење пари.

Во меѓувреме, Кнежевиќ, јавно обвинувајќи се и сам себе, соопшти дека на сите избори богато ја финансирал Демократската партија на социјалисти на Ѓуканович, што е строго забрането. Тој го обвини и за низа други махинации.

Обвинителството одговори со покренување нови истраги против Кнежевиќ, додека воопшто не го сослуша Ѓукановиќ за аферата „Коверт“, бидејќи верувале оти тој не знаел за незаконското финансирање на партијата на чие чело се наоѓа.

Ѓуканович ги отфрли обвиненијата, тврдејќи дека Кнежевиќ му се одмаздува бидејќи одбил да го заштити од истрагата на Обвинителството.

притисни ентер