Хорор викенд во Албанија - Македонци ограбени на автопат

Пеколна ноќ за тројца македонски туристи во Албанија.
Враќајќи се од викенд од Тирана, брат, сестра и нивниот чичко од Прилеп биле ограбени на автопат, 10-ина километри пред граничниот премин блато, кај Дебар.

Според информации на семејството, кое се јави во  канал пет, вооружениот грабеж се случил синоќа околу полноќ.

Петмина вооружени лица со возило им го попречиле патот, го опколиле нивниот автомобил марка лада и им се заканиле дека ќе ги убијат, ако не им ги дадат парите.

Не е познато колкава сума им одзеле арамиите, но се претпоставува дека се работи за неколку стотици евра.

Ограбените Македонци случајот го пријавиле во полиција и веќе 10-ина часа се наоѓаат на албанската граница, каде што даваат изјава за грабежот.

Од македонското МВР се запознаени со случајот и се во постојан контакт со колегите од Албанија.

Како ќе се реши проблемот со извозот на земјоделски производи на Косово?

Времената рамка на Косово за повисоки царини од 30% за овошје и зеленчук предизвика хаос во регионот.

Петти ден земјоделците немаат каде да ги извезуваат своите производи. Извозот од ден во ден е се помал. Им се закануваат огромни штети.

В среда во Белград ресорните министри на земјите од регионот на итен состанок ќе бараат лек за проблемот. Најавија и контра-мерки. Македонија веќе испрати и допис до ЦЕФТА  и ЕУ потенцирајќи дека мерката е неаргументирана.

Во меѓувреме српскиот министер за трговија Расим Љајиќ и порача на Приштина да се одлучи дали е или не е ЦЕФТА потписничка.

Косовската времена мерка ќе трае три месеци. Со неа, за 30% се зголемуваат царините за увезеното овошје и зеленчук. Опфаќа 21 сорта од земјоделските производи и важи за сите држави кои увезуваат во Косово.

Најпогодени, според министерството за земјоделство, се доматите, пиперките и сливите.

Иран: Најмалку 25 лица повредени во земјотресот

Најмалку 25 лица се повредени во земјотресот со јачина од 5,9 степени по Рихтер, кој денеска го погоди западен Иран, неколку часа откако два земјотреси ја потресоа јужната провинција Хормозган.

Гувернерот на западната провинција Керманшах, Хусанг Базванд, изјави дека 25 лица се повредени и дека, за среќа, нема информации за мртви.

Претходно денеска, јужниот дел на Иран беше погоден од земјотреси со јачина од 4,7 степени и 5,7 степени според Рихтеровата скала.

Во тие потреси немаше повредени, а предизвикана е помала материјална штета.

притисни ентер