Извештајот за работата на Агенцијата за администрација пред Комисијата за политички систем

Комисија за политички систем и односи меѓу заедниците денеска ја продолжи расправата по Извештајот за работата на Агенцијата за администрација за 2016 година.

Благојче Трпевски од СДСМ рече дека во извештајот се покажува недостиг на волја кај Агенцијата реално да се прикаже состојбата во нејзиното работење. Според него, во извештајот видлив е недостигот на отчетост, има превработеност во јавната администрација, како и политизација.

- Од прикажаните податоци во точката буџет ставена во извештајот за 2015 година, буџетот на Агенцијата изнесувал 42,4 милиони денари од кои 27,6 милиони денари се плати и надоместоци, додека за 2016 година буџетот изнесува 44,3 милиони денари од кои 30,5 милиони денари се наменети за плати и надоместоци, рече Трпевски.

Посочи дека не постојат податоци за бројот на лица вработени во јавната администрација во Република Македонија.
- Неопходна е темелна реформа на јавниот сектор и намалување на бројот на вработени во оние сегменти во кои има превработесност. Јавната администрација е предмет на политичко влијание. Треба да се направат дополнителни напори за обезбедување на принципите на транспареност, одговорност, наградување според заслуги, правична застапеност, а не според партиска припадност, додаде Трпевски.

Реплицирајќи на излагањето на Трпевски, Благица Ласовска од ВМРО-ДПМНЕ рече дека почитувано е начелото за соодветна и правична застапеност на припадниците на заедниците кои не се мнозинство во Македонија, а околу департизацијата на работењето на СДСМ за овие две три недели, посочи, докажува и фактот што потпретседатели на СДСМ се и министри во Владата.

Катерина Кузмановска од СДСМ истакна дека има партизирана и превработена администрација која нема објективност и ефикасност и е голем товар за целата економија. Таа изрази надеж дека во наредниот период ќе се создаде ефиканска администрација и флексибилно работно време.
На излагањето на Кузмановска реплицираше Ласовска која рече дека во 2005 година ВМРО-ДПМНЕ пред да дојде на власт наследило 38 проценти невработеност и со сите политики за овие 11 години ја свеле невработеноста на 22,9 проценти. Според неа, се уште е голем процентот на невработеност и треба да се работи на таа тема.

На дневен ред на Комисијата за политички систем е и Извештајот за работата на Судскиот буџетски совет за 2016 година, како и годишните извештаи за работата на Дирекцијата за заштита на личните податоци, на Комисијата за заштита на правото за слободен пристап до информации од јавен карактер, на Државната комисија за спречување на корупцијата и Комисијата за воедначување на казнената политика. 

Според проценките, во Грција заминале неколку десетици илјади граѓани

Завршува уште еден продолжен викенд.

Многу луѓе го искористија за мини одмор во Грција.

Меј за референдумот: Импресивна демонстрација на демократија

Британската премиерка Тереза Меј го поздрави резултатот од референдумот во Ирска.

Британската премиерка Тереза Меј го поздрави резултатот од референдумот во Ирска со кој се отвора патот за легализирање на абортусот, нарекувајќи го “импресивна демонстрација на демократија која покажала јасен и недвосмислен резултат“.

Меј им ја честита на граѓаните на Ирска успешната кампања “да“, пренесе „АП“.

Откако референдумот во Ирска изгласа за правото на абортус, целото внимание е насочено кон парламентот на таа земја, кој би требало сега да ги донесе новите закони за абортус.

Официјалните резултати од регерендумот кој е одржан во петокот покажаа дека 66 отсто од граѓаните на Ирска гласале за укинување на осмиот амандман на уставот на Ирска, која забранува абортус, наспрема 34 отсто од оние кои гласаа за зачувување на тој амандман.

Ирскиот премиер Лео Варадкар, после објавување на официјалните резултати порача дека денот кога референдумот се одржал претставува историски ден за неговата земја и голем чин на демократија и истакна дека неговата влада забрзано ќе работи на донесувањето на новите закони со кои абортус ќе биде легализиран во првите 12 недели од бременоста.

Повеќе од 64 отсто од граѓаните со право на глас излегле на овој референдум, што е еден од рекордите во таа земја.

Протести во Берлин: „Без ислам во Германија“, „Меркел мора да си оди“ (фото)

Неколку илјади приврзаници на германската партија Алтернатива за Германија (AfD) прошетаа низ центарот на Берлин протестирајќи против канцеларката Ангела Меркел.

Демонстрантите носеа германски знамиња, транспаренти со натписот „Без ислам во Германија“ и извикуваа „Меркел мора да си оди“, пренесува „АП“.
 

Foto: Tanjug/AP/Markus Screiber

На улиците има околу 2000 полицајци, кои се распоредени за да спречат можни инциденти, бидејќи во Берлин се организираат и контрамитинзи.

Во групите кои планираат контрамитинзи се наоѓаат и уметници и здружението на музички клубови во Берлин кои се надеваат дека ќе го “одвеат“ собирот на AfD со гласните звуци на техно музиката.

Foto: Tanjug/Markus Screiber



 

Агенцијата пренела дека на денешниот собир на AfD се очекува присуство на околу 10.000 луѓе на кои ќе им се обратат лидерите на партијата.

Алтернатива за Германија стана најголемата опозициска партија во таа земја откако минатата година на парламентарните избори освои 12.6 отсто од гласовите, под влијание на се поголемото расположение на граѓаните против мигрантите и против естаблишментот, наведува „АП“.

притисни ентер