Каква ќе биде судбината на СЈО - рокот истекува

Три опции за Специјалното јавно обвинителство.
 Две третини позитивни гласови од народните избраници за продолжување на мандатот на СЈО, иницијатива до Уставниот суд која членот 22 од законот за СЈО, каде би требало да биде прогласен за неуставен. Отворена е и можноста СЈО да стане одделение во Основното обвинителство, за докрај да ги истражи предметите.

Во меѓувреме, пред истекот на мандатот во Специјалното јавно обвинителство се подготвуваат обвиненија за осомничените по предметите преземени од прислушуваните разговори. Деновиве во обвинителството на Катица Јанева – на распит осомничените, тие најчесто бараат увид во доказите, свој исказ даваат оштетените и сведоците по предметите што ги води СЈО. Јанева оптимист – дека до крајот на месецот ќе покрене најмалку 15 обвиненија.

Правниците едногласни – членот 22 од законот за СЈО, да се прогласи за неуставен преку иницијатива до уставниот суд. Адвокатот Натали Петровска, вели дека е невозможно да има измени во законот за СЈО поради политичката состојба. Правникот Мирослав Драганов, пак, вели дека е потребен специјален судски оддел во судовите.

Специјалното обвинителство е должно докрај да го расчисти економскиот криминал, зашто штетите вели академикот Абдулменаф Беџети се кај државата, граѓаните, кај стопанството...

„Да не остане ништо неотворено, неиспитано, за да не останеме должни не само на јавноста туку и на тие оштетени страни, тука имаме оштетени страни, прво најоштетена страна е државата“, изјави академик Абдулменаф Беџети.

Сепак, Специјалното обвинителство и по истекот на мандатот за покренување на обвиненија ќе продолжи со работа. Обвинителите и истражителите на Катица Јанева ќе работат на истражни и предистражни постапки.


Меј за референдумот: Импресивна демонстрација на демократија

Британската премиерка Тереза Меј го поздрави резултатот од референдумот во Ирска.

Британската премиерка Тереза Меј го поздрави резултатот од референдумот во Ирска со кој се отвора патот за легализирање на абортусот, нарекувајќи го “импресивна демонстрација на демократија која покажала јасен и недвосмислен резултат“.

Меј им ја честита на граѓаните на Ирска успешната кампања “да“, пренесе „АП“.

Откако референдумот во Ирска изгласа за правото на абортус, целото внимание е насочено кон парламентот на таа земја, кој би требало сега да ги донесе новите закони за абортус.

Официјалните резултати од регерендумот кој е одржан во петокот покажаа дека 66 отсто од граѓаните на Ирска гласале за укинување на осмиот амандман на уставот на Ирска, која забранува абортус, наспрема 34 отсто од оние кои гласаа за зачувување на тој амандман.

Ирскиот премиер Лео Варадкар, после објавување на официјалните резултати порача дека денот кога референдумот се одржал претставува историски ден за неговата земја и голем чин на демократија и истакна дека неговата влада забрзано ќе работи на донесувањето на новите закони со кои абортус ќе биде легализиран во првите 12 недели од бременоста.

Повеќе од 64 отсто од граѓаните со право на глас излегле на овој референдум, што е еден од рекордите во таа земја.

Протести во Берлин: „Без ислам во Германија“, „Меркел мора да си оди“ (фото)

Неколку илјади приврзаници на германската партија Алтернатива за Германија (AfD) прошетаа низ центарот на Берлин протестирајќи против канцеларката Ангела Меркел.

Демонстрантите носеа германски знамиња, транспаренти со натписот „Без ислам во Германија“ и извикуваа „Меркел мора да си оди“, пренесува „АП“.
 

Foto: Tanjug/AP/Markus Screiber

На улиците има околу 2000 полицајци, кои се распоредени за да спречат можни инциденти, бидејќи во Берлин се организираат и контрамитинзи.

Во групите кои планираат контрамитинзи се наоѓаат и уметници и здружението на музички клубови во Берлин кои се надеваат дека ќе го “одвеат“ собирот на AfD со гласните звуци на техно музиката.

Foto: Tanjug/Markus Screiber



 

Агенцијата пренела дека на денешниот собир на AfD се очекува присуство на околу 10.000 луѓе на кои ќе им се обратат лидерите на партијата.

Алтернатива за Германија стана најголемата опозициска партија во таа земја откако минатата година на парламентарните избори освои 12.6 отсто од гласовите, под влијание на се поголемото расположение на граѓаните против мигрантите и против естаблишментот, наведува „АП“.

Димитров попладнево ќе се сретне со Могерини

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини.

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини, дознава МИА од извори во ЕУ. Засега не се открива точното време на средбата, ниту содржината на разговорите.

Утре наутро, Могерини најверојатно треба да ги брифира министрите на ЕУ за текот на преговорите за спорот со името, велат извори во ЕУ за МИА.

Министрите за надворешни работи на Грција и Македонија од Њујорк допатуваа во Брисел, но не се откриваат детали за нивна можна средба.

Димитров пред утрешниот Совет на министрите за надворешни работи на ЕУ ќе учествува на неформален појадок организиран од сегашното бугарско претседателство и идното, австриско. Како што информираат од Советот, тоа ќе биде прилика за министрите да го испрашуваат шефот на македонската дипломатија за текот на преговорите за името. /МИА

притисни ентер