Средба на премиерот Заев со јапонската амбасадорка Ханеда

Во Владата на Република Македонија денеска беше остварена средба меѓу премиерот Зоран Заев и новата резидентна амбасадорка на Јапонија, Кеико Ханеда.
На средбата, соопшти владината прес-служба, јапонската амбасадорка ги пренесе честитките од јапонскиот премиер Шинзо Абе, до премиерот Заев за стапувањето на функцијата претседател на македонската Влада, а беше изразена и силна поддршка од Јапонија за определбата на Владата на Македонија кон демократските реформи.

- Владата има за цел спроведување силна реформска агенда што ќе ги забрза интеграциите на Република Македонија во ЕУ и НАТО, но којашто е пред се, примарен интерес на граѓаните на Македонија, за обезбедување квалитетен живот за сите во државата, истакна премиерот Заев.

Јапонската амбасадорка нагласи дека Јапонија ја поддржува Македонија во евроатлантските аспирации и додаде дека ќе продолжи да го помага развојот на Македонија во разни области, посебно во локалните средини.

На средбата е заклучено дека одлуката на Јапонија да отвори резидентна амбасада во Република Македонија е знак за позитивните односи меѓу двете земји и изразена е согласност од двете страни дека се создадени можности да се продлабочи соработката како во областите на економијата и трговијата, така и во образованието, туризмот и културата. 

Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер