Терористички напад врз муслимански верници во Лондон

Повторно бело комбе, повторно тероризам во Лондон, но прв пат мета се Муслимани.
 Муслиманската заедница е згрозена од нападот, што синоќа нешто по полноќ се случи во близина на џамија, во северен Лондон. 48-годишен маж прегази група муслимански верници непосредно по рамазанската молитва, чин што го оценија како насилна исламофобија. Каде има Муслимани, сакам да ги убијам сите, извикувал напаѓачот, пред да биде совладан од случајни минувачи.

- Ние го фативме него и го држевме додека да дојде полицијата. Беше средновечен маж, Британец. Забележав дека имаше повеќе тетоважи на грбот, изјави очевидец.

- Нападот го третираме како терористички. Едно лице е убиено, а 10-мина се повредени. Сите настрадани и припаѓаат на муслиманската заедница, изјави Неил Бусу, полициски командир

Ова четврти терористички напад за три месеци во Британија, трет изведен со возило врз пешаци. Бело комбе влета во толпа на лондонскиот мост пред две недели, кога беа убиени осум луѓе. Претходно сите напади беа со предзнак на радикален ислам, па оттука, сомнежите дека се работи за своевидна одмазда.

- Терористите немаат боја, ниту религија. Тие му припаѓаат единствено на нездравиот разум, а тоа е, да убиваат луѓе, вели жител на Лондон

Нападите со возило, почнаа лани во Ница, кога напаѓач со камион усмрти 60 пешаци. Тоа стана нов вид на урбан тероризам, зашто според експертите, на напаѓачите тешко може да им се влезе во трага. Напад со камион имаше и лани и на божиќен пазар во Берлин.    


Деветмина повредени во пад на авион

Девет лица се повредени при пад на приватен мал авион во Хондурас.

Авионот се урнал на крајот на пистата на меѓународниот аеродром во главниот град на Хондурас , Тегусигалпа. Според противпожарната служба , во несреќата се повредени девет лица.

Авионот пристигнувал од Остин , Тексас и од непознати причини се урнал на пистата при што се прекршил на пола.

Поповски во „Само вистина“: Владата нема да дозволи никој да биде привилегиран ниту оштетен

„Само вистина“ интервју со Роберт Поповски: Живот ли е ова или „панаѓур“?!

Директорот на Канал 5 Телевизија Иван Мирчевски и министерот  без ресор задолжен за комуникации, отчетност и транспарентност, Роберт Поповски, во најновото издание на „Само Вистина“ разговараат за актуелните политички теми и за новиот закон за аудио и аудио-визуелни медиумски услуги.

Поповски: „Експерти, професионалци се вклучени во изготвување на новиот закон за аудио и аудио-визуелни медиумски услуги. Граѓаните се тие што ќе ја оценат вистинка трка на медиумскиот пазар и да проценат кој медиум колку вреди. Владата нема да дозволи никој да биде привилегиран ниту оштетен, медиумите треба да добијат услови за работа и медиумските работници да имаат повисоки плати. Новиот закон ќе ја заштити индустријата, ќе обезбеди вистинска регулација и контрола на сите чинители во медиумскиот простор.“

Солзавец и приведени на протестите во Париз (ВИДЕО)

За време на синдикалниот протест по улиците на Париз дојде до судир на демонстрантите со полицијата.

Според медиумите , со полицијата се судрила група од околу стотина млади , кои не биле дел од протестната поворка. Поединци од групата ги гаѓале полицајците со различни предмети , по што полицајците возвратиле со пендреци и солзавец. Најголем број од младите , кои ја нападнаа полицијата носеле фантомки и капи за скијање .

И репортерката на Раша Тудеј , Шарлот Дубенски пред камерите мораше поради солзавецот да си стави капки во очите за да може да гледа. За сега нема податоци за повредени , а неколкумина од демонстрантите се приведени.

Денешните протести ги организираше синдикатот на јавните работници , поради планот на Владата до 2022 да укине 120 000 работни места.  

притисни ентер