Граѓанската иницијатива 5 до 12 повторно активна со камп спроти Парламентот

Граѓанската иницијатива 5 до 12 и овој месец повторно од утре и во наредните два дена ќе организира кампување во паркот „Жена - Борец“, со цел, како што информираа од иницијативата, лицата со попреченост, хендикеп или посебни потреби да останат во фокусот на јавноста и да ги наметнат своите приоритети на Собранието и Владата на Република Македонија.

Сузана Стојановска, член на Координативното тело на Иницијативата изјави дека за време на кампот ќе се одржат и работилници за родители на децата со посебни потреби на кои ќе се направат дополнителни консултации во врска со нивните барања.

- Тука сме и ќе останеме тука за да не види јавноста и пратениците во Собранието да ги стават нашите барања како приоритети. Ја повикуваме мекедонската јавност да ни даде поддршка, како и родителите на децата со посебни потреби да се приклучат на работилниците, да ги разгледаме повторно уште еднаш барањата и ако има некој нешто да дополни. Ги повикуваме и ресорните министерства или нивните претставници да дојдат одблизу да се запознаат со родителите и да ги слушнат нивните барања и проблеми, рече Стојановска.

Таа информира дека утре имаат состанок со министерката за труд и социјална политика, а во наредните два дена ќе се обидат да ги посетат претставници и од министерставта за здравство и за образование, каде посочува дека се потребни реформи.

Во однос на нивните барања како приоритетни, но вели, не и конечни, ги издвои: да се избрише границата од 26 години од законите за труд и социјална политика и за здравство, самохраните родители првично при ревидирање на буџетот да се изедначат со згрижувачките, а со буџетот за 2018 биолошките семејства да се изедначат со згрижувачките. Бараат и народен правобранител за лица со посебни потреби.

Александар Петровски, претседател на Здружението „Раст“ и дел од иницијативата 5 до 12, упати повик до сите заинтересирани лица со посебни потреби и до сите здруженија на граѓани да дадат придонес за дополнување на законските и подзаконските акти во интерес на сите.
Предвидено е Кампот, во периодот од 18 до 20 часот, да има интерактивни содржини од областа на музиката, цртањето, спортот, како и други активности за дружење на децата.

- Ги покануваме сите родители или нивните баби да ги изнесат децата заедно со нашите деца да поиграме бидејќи навистина имаме што да покажеме, рече Суларет Алишан од Граѓанската иницијатива 5 до 12.


Новинар на „Тајмс“: Алонсо не е на потесниот список на замени на Клоп

Продолжуваат шпекулациите околу иднината на тренерот на Баер Леверкузен, Чаби Алонсо. Шпанскиот стручњак најмногу се поврзува со Баерн Минхен и Ливерпул, а конечната одлука на тренерот кој брка тројна круна со „аспирините“ се уште не е позната.

Сагата помеѓу Ливерпул и Чаби Алонсо доби вистински пресврт бидејќи познатиот новинар Пол Џојс, кој е близок до „црвените“ и работи за „Тајмс“, објави дека шпанскиот тренер нема да се најде на потесниот список на замени на Јирген Клоп.

Тоа е многу остар пресврт од првичните гласини кои го поврзуваа Алонсо конкретно со тимот, но според сите сметки тој изгледа малку веројатно да застане на чело на Ливерпул, а сега се очекува Шпанецот да остане во Баер Леверкузен./МИА

Најмалку четири лица загинаа во невремето во Шпанија

Најмалку четири лица се удавија во морето поради големите бранови предизвикани од ураганот Нелсон во Шпанија.

Две лица се удавија вчера во градот Тарагона, источна Шпанија и две во регионот Астурија, во северниот дел на земјата.

Невремето зафати неколку шпански региони, а брзината на ветерот достигна 90 километри на час. /МИА

Изненадување во Мајами: Алкараз елиминиран од Димитров

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели. 

Карлос Алкараз беше јасен фаворит во борбата за овогодинешната Мастерс титула во Мајами, но веќе во четвртфиналето се прости од вториот трофеј на тој АТП турнир од серијата 1.000, бидејќи изминатава вечер немаше решение за ударите на Григор Димитров - 0:2 (2:6, 4:6).

И не само тоа, Шпанецот беше толку слаб што по мечот не се срамеше да признае колку бил во сенка на пониско рангираниот бугарин.

- Повторно ме натера да се чувствувам како да имам 13 години. Не се сеќавам дека некој ме натерал да се чувствувам вака. Помина долго време откако се случи такво нешто. Не знаев што да правам. Барав решенија, но тој не ми дозволуваше. Чувствував неверојатна фрустрација, изјави 20-годишниот Шпанец по неговата изненадувачка елиминација.

Дванаесет години постариот Балканец направи дури 24 винери и генерално го совлада помладиот ривал во сите важни елементи на играта, заслужувајќи го целосно вториот триумф во меѓусебните дуели.

- Генијалноста е често во едноставноста. Знаев дека морам да бидам поагресивен, да ги водам поените. Многу е тешко да се направи тоа против него, изјави пресреќниот, но разумен „џелат“ на шампионот на неодамнешниот Мастерс во Индијан Велс.

Димитров за финалето ќе се бори со Александар Зверев од Германија, додека другата полуфинална двојка ја сочинуваат бранителот на тронот Данил Медведев (Русија) и Јаник Синер (Италија). /MИА

притисни ентер