Македонскиот филм ЏГАН на најголемиот филмски фестивал во Кина

Македонскиот игран филм ЏГАН (АМОК) на режисерот Ведран Тозија премиерно е прикажан на 20-тото издание на најголемиот филмски фестивал во Кина, Шангајскиот интернационален филмски фестивал (ШИФФ) што се одржува од 17. до 26 јуни годинава.
Своето прво прикажување на фестивалот, ЏГАН го имаше во кино центар TianShan Cinema-HongQiao Art Center Flagship Store, а режисерот Тозија ќе биде присутен на фестивалот да го претстави во најдобро светло.

Главните улоги во филмот ги толкуваат Мартин Ѓоргоски, Дениз Абдула и Никола Ристаноски, а играат и Сара Климоска, Љупчо Тодоровски, Адем Карага, Горан Стојановски, Игор Стојчевски, Борис Дамовски, Марија Кондовска, Ристо Буразденов, Мартин Живковски и др.

Тозија го изработи сценариото и режијата, дизајнот на шминката и маските се на Горан Игњатовски, костимограф е Жаклина Крстевска, дизајнер на звук е Игор Поповски, музиката ја работеше Александар Пејовски, сценографијата е дело на Кирил Спасески и Наташа Димитриевска, директор на фотографија е Владимир Самоиловски, монтажер Атанас Ѓеоргиев, кастингот го работеше Кирјана Николовска, а продуцент е Огнен Антов.

Македонски продуцент на филмот е ДРИМ ФЕКТОРИ, ко-продуцент Red helicopter films од Албанија, а филмот е финансиски поддржан и од Агенцијата за филм на Република Македонија и SEE Cinema network.

ШИФФ со над 350.000 посетители годишно прерасна во најголем азиски филмски фестивал со професионална платформа за културна размена на домашни и странски филмови. Своето влијание го проширува и преку четирите активности - натпреварувачката селекција, филмскиот маркет, форум и филмскаta панорама. 

Свечена академија по повод 1000 години од основањето на Охридската архипеископија

Во катедралната црква света софија во Охрид ќе се одржи централната свеченост во рамки на одбележувањето на 1.000 годишнината од Охридската архиепископија.

Освен црковниот, најавено е присуство и на државно-политичкиот врв.

Според проценките, во Грција заминале неколку десетици илјади граѓани

Завршува уште еден продолжен викенд.

Многу луѓе го искористија за мини одмор во Грција.

Меј за референдумот: Импресивна демонстрација на демократија

Британската премиерка Тереза Меј го поздрави резултатот од референдумот во Ирска.

Британската премиерка Тереза Меј го поздрави резултатот од референдумот во Ирска со кој се отвора патот за легализирање на абортусот, нарекувајќи го “импресивна демонстрација на демократија која покажала јасен и недвосмислен резултат“.

Меј им ја честита на граѓаните на Ирска успешната кампања “да“, пренесе „АП“.

Откако референдумот во Ирска изгласа за правото на абортус, целото внимание е насочено кон парламентот на таа земја, кој би требало сега да ги донесе новите закони за абортус.

Официјалните резултати од регерендумот кој е одржан во петокот покажаа дека 66 отсто од граѓаните на Ирска гласале за укинување на осмиот амандман на уставот на Ирска, која забранува абортус, наспрема 34 отсто од оние кои гласаа за зачувување на тој амандман.

Ирскиот премиер Лео Варадкар, после објавување на официјалните резултати порача дека денот кога референдумот се одржал претставува историски ден за неговата земја и голем чин на демократија и истакна дека неговата влада забрзано ќе работи на донесувањето на новите закони со кои абортус ќе биде легализиран во првите 12 недели од бременоста.

Повеќе од 64 отсто од граѓаните со право на глас излегле на овој референдум, што е еден од рекордите во таа земја.

притисни ентер