Велосипедската рекреативна тура се вози низ падините на Националниот парк Галичица, во вкупна должина од 71 километар.
Новина, како што најавува организаторот, Велосипедскиот клуб „Преспа Бајк“, е планинарската тура до највисокиот врв на планината Галичица, Магаро на 2.255 метри надморска височина.
„Тур де Галичица“ оваа година се организира по четврти пат и според еден од одговорните во организацијата на настанот Кристијан Ќулумовски покрај дружењето и рекреацијата, основна цел на настанот е да се даде силен придонес кон промоција на природните убавини на Преспа во функција на развој на туризмот во ова подрачје.