„Трудна приказна“ најдобра претстава на „Војдан Чернодрински“

Театар комедија од Скопје со претставата „Трудна приказна“ е најдобриот ансамбл на годинашниов 52 македонски театарски фестивал Војдан Чернодрински.

За машка епизодна улога  и главна  женска улога   во оваа претстава наградени се актерите Жарко Димоски и Јелена Жугиќ.А за најдобра главна машка улога во претставата „Венецијанскиот трговец“ ја добива актерот Јовица Михајловски од скопскиот Драмски театар. Наградата за режија оди кај Љупчо Ѓорѓиевски за претставата „Лазаровото писмо“ во изведба на штипскиот театар. Додека пак  за колективна игра ансамблот од прилепскиот народен театар.

Театарските игри завршуваат вечерва. Со доделување на овие и останатите награди, како и со мјузиклот „Тајно моја“  во чест на Тоше Проески а во изведба на Македонската опера и балет.  


Протести во Берлин: „Без ислам во Германија“, „Меркел мора да си оди“ (фото)

Неколку илјади приврзаници на германската партија Алтернатива за Германија (AfD) прошетаа низ центарот на Берлин протестирајќи против канцеларката Ангела Меркел.

Демонстрантите носеа германски знамиња, транспаренти со натписот „Без ислам во Германија“ и извикуваа „Меркел мора да си оди“, пренесува „АП“.
 

Foto: Tanjug/AP/Markus Screiber

На улиците има околу 2000 полицајци, кои се распоредени за да спречат можни инциденти, бидејќи во Берлин се организираат и контрамитинзи.

Во групите кои планираат контрамитинзи се наоѓаат и уметници и здружението на музички клубови во Берлин кои се надеваат дека ќе го “одвеат“ собирот на AfD со гласните звуци на техно музиката.

Foto: Tanjug/Markus Screiber



 

Агенцијата пренела дека на денешниот собир на AfD се очекува присуство на околу 10.000 луѓе на кои ќе им се обратат лидерите на партијата.

Алтернатива за Германија стана најголемата опозициска партија во таа земја откако минатата година на парламентарните избори освои 12.6 отсто од гласовите, под влијание на се поголемото расположение на граѓаните против мигрантите и против естаблишментот, наведува „АП“.

Димитров попладнево ќе се сретне со Могерини

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини.

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини, дознава МИА од извори во ЕУ. Засега не се открива точното време на средбата, ниту содржината на разговорите.

Утре наутро, Могерини најверојатно треба да ги брифира министрите на ЕУ за текот на преговорите за спорот со името, велат извори во ЕУ за МИА.

Министрите за надворешни работи на Грција и Македонија од Њујорк допатуваа во Брисел, но не се откриваат детали за нивна можна средба.

Димитров пред утрешниот Совет на министрите за надворешни работи на ЕУ ќе учествува на неформален појадок организиран од сегашното бугарско претседателство и идното, австриско. Како што информираат од Советот, тоа ќе биде прилика за министрите да го испрашуваат шефот на македонската дипломатија за текот на преговорите за името. /МИА

„Британската влада тајно планира да остане во ЕУ“

Британските евроскептици стравуваат дека владата во Лондон планира тајно да остане во Европската унија, пишува „Телеграф“.

Таа загриженост се појавила откако е објавено дека се издвоени стотина илјади фунти за изборите во Европскиот парламент 2019 година.

Според наводите на британскиот весник, станува збор за 829.000 фунти издвоени за “активности во врска со изборите за ЕП 2019“.

Изборната комисија објаснува дека тие средства се издвоени како “мерка за претпазливост за да може да ја исполни својата функција во случај тие избори да бидат одржани во земјата, што е малку веројатно“.

Весникот напомнува дека изборите за ЕП треба да бидат одржани меѓу 23 и 26 јуни идната година, а Британија треба да ја напушти ЕУ скоро два месеци претходно – на 29 март.

притисни ентер