Почнува третиот фестивал на музички документарци „Скопје Синема Сити“

Од денеска до 19 јуни 2017 во Кинотека на Македонија ќе се одржува третиот Филмски фестивал за музички документарни филмови „Скопје Синема Сити“, кој ќе биде отворен со филм за Крафтверк.

- Фестивалот пред сѐ сака да го прикаже богатството и разновидноста на музичкиот свет и затоа програмата е зачинета со документарни филмови од светот на електронската музика. Па така, покрај Крафтверк, во истата вечер следува и филм за Жан Мишел Жар – „Патешествие низ електронската музика“, соопшти организаторот на фестивалот.

Во наредните денови ќе бидат прикажани филмови за џез и боса нова музиката: „1959 - годината која го промени џезот“ и „Девојката од Ипанема: Бразил, боса нова и плажата“, потоа за џез-дивите Били Холидеј, Нина Симон, Ела Фицџералд, Пеги Ли, Сара Вон, серијал филмови за класична музика: „Задоволството наречено Моцарт,“ филм за авангардната класична музика на Франк Запа – „Современиот композитор одбива да умре“, проекција на концертниот филм „Дерек Меј и Џијан Емин“...

Фестивалот ќе заврши со портрет на Дејвид Боуви, преку неговите интервјуа и снимки за Би-Би-Си, вклучувајќи и негови настапи снимени во разни периоди од неговата кариера за овој национален сервис.

Информации за програмата се објавени на веб-страницата на фестивалот www.nomad.com.mk и на Фејсбук страницата.

Протести во Берлин: „Без ислам во Германија“, „Меркел мора да си оди“ (фото)

Неколку илјади приврзаници на германската партија Алтернатива за Германија (AfD) прошетаа низ центарот на Берлин протестирајќи против канцеларката Ангела Меркел.

Демонстрантите носеа германски знамиња, транспаренти со натписот „Без ислам во Германија“ и извикуваа „Меркел мора да си оди“, пренесува „АП“.
 

Foto: Tanjug/AP/Markus Screiber

На улиците има околу 2000 полицајци, кои се распоредени за да спречат можни инциденти, бидејќи во Берлин се организираат и контрамитинзи.

Во групите кои планираат контрамитинзи се наоѓаат и уметници и здружението на музички клубови во Берлин кои се надеваат дека ќе го “одвеат“ собирот на AfD со гласните звуци на техно музиката.

Foto: Tanjug/Markus Screiber



 

Агенцијата пренела дека на денешниот собир на AfD се очекува присуство на околу 10.000 луѓе на кои ќе им се обратат лидерите на партијата.

Алтернатива за Германија стана најголемата опозициска партија во таа земја откако минатата година на парламентарните избори освои 12.6 отсто од гласовите, под влијание на се поголемото расположение на граѓаните против мигрантите и против естаблишментот, наведува „АП“.

Димитров попладнево ќе се сретне со Могерини

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини.

Министерот за надворешни работи Никола Димитров, доцна попладнево во Брисел ќе оствари билатерална средба со високата претставничка за надворешни работи на ЕУ, Федерика Могерини, дознава МИА од извори во ЕУ. Засега не се открива точното време на средбата, ниту содржината на разговорите.

Утре наутро, Могерини најверојатно треба да ги брифира министрите на ЕУ за текот на преговорите за спорот со името, велат извори во ЕУ за МИА.

Министрите за надворешни работи на Грција и Македонија од Њујорк допатуваа во Брисел, но не се откриваат детали за нивна можна средба.

Димитров пред утрешниот Совет на министрите за надворешни работи на ЕУ ќе учествува на неформален појадок организиран од сегашното бугарско претседателство и идното, австриско. Како што информираат од Советот, тоа ќе биде прилика за министрите да го испрашуваат шефот на македонската дипломатија за текот на преговорите за името. /МИА

„Британската влада тајно планира да остане во ЕУ“

Британските евроскептици стравуваат дека владата во Лондон планира тајно да остане во Европската унија, пишува „Телеграф“.

Таа загриженост се појавила откако е објавено дека се издвоени стотина илјади фунти за изборите во Европскиот парламент 2019 година.

Според наводите на британскиот весник, станува збор за 829.000 фунти издвоени за “активности во врска со изборите за ЕП 2019“.

Изборната комисија објаснува дека тие средства се издвоени како “мерка за претпазливост за да може да ја исполни својата функција во случај тие избори да бидат одржани во земјата, што е малку веројатно“.

Весникот напомнува дека изборите за ЕП треба да бидат одржани меѓу 23 и 26 јуни идната година, а Британија треба да ја напушти ЕУ скоро два месеци претходно – на 29 март.

притисни ентер