Охрид и оваа сезона подготвен за безбедна пловидба

Пловните објекти на Охридското езеро се безбедни.
Техничките прегледи на  бродовите, кајчињата, катамараните и останатите пловила за превоз по Охридското езеро, покажаа дека тие и годинава запазуваат високи стандарди за безбедност на туристите.

Заштитни појаси, сидро, вене за спасување, противпожарен апарат и радио врска со капетанија се основната минимум опрема, која ја поседуваат сите пловила.

- На патничките пловила односно бродови се извршија технички прегледиодносно бродовите еба на суво се спуштени во вода и техничката способност им е утврдена за следните ти години, а ќе следи еден преглед некаде на половина од тој период, вели Горан Устијаноски капетан на Капетанија на РМ.

Обновена е и оштетената наутичка   сигнализација  и во водата  и на брегот.

-Извршивме обнова на  тие знаци, извршивме и санација на оние знаци кои што беа оштетени од човечки фактор , меѓутоа  ете повторно еден апел да не се оштетуваат знаците бидејки тие може живот да значат, додава Устијаноски.

Инспекторите и годинава ќе вршат засилени контроли врз пловилата во Охридското езеро. Оние наутичари кои нема да се придржуваат до прописите за внатрешна пловидба ќе бидат санкционирани.


Сообраќајот кај Мамутчево се одвива наизменично

Сообраќајот на патот Велес - Штип попладнево се одвива наизменично поради сообраќајната несреќа кај село Мамутчево,  соопшти  Автомотосојузот на Македонија. 

Сообраќајката се случи денеска попладне околу 13:20 часот на излезот од велешкото село Мамтучево. Се судрија камион и автобус кој превезувал работници од Велес. Повредени се 20 работници. 

Сите биле прегледани во  Општа болница Велес. Кај осуммина биле утврдени полесни телесни повреди и тие  се хоспитализирани во болницата. Останатите 20-ина по укажаната медицинска помош во амбулантата на болницата испратени се на домашно лекување. 

Промоција на Охридско Езеро како безбедна дестинација за авантуристички туризам

 Набавена е специјализирана опрема за спасување на вода и планина во рамки на проектот „Охридско Езеро-безбедна дестинација за авантуристички туризам“ што ќе биде промовиран денеска во Охрид.

Проектот е финансиран од ИПА Програмата на ЕУ за прекугранична соработка, а кофинансиран од  Министерството за локална самоуправа.

На настанот ќе присуствуваат министерот за локална самоуправа Сухејл Фазлиу, градоначалникот на Охрид Јован Стојаноски и претставникот на Делегацијата на ЕУ во Република Македонија, Никола Бертолини.

Почна работната акција „Скопје на нашите дланки“

Почна работната акцијата „Скопје на нашите дланки“ по повод 55 години од катастрофалниот земјотрес во главниот град.

Почетокот го означи градоначалникот на Гази Баба Борис Георгиевски, кој е и претседател на одборот на акцијашите. Со негова поддршка се реализира настанот, кој е во организација на здружението на граѓани „Акцијаши - Скопје“.

Од денеска па се до 26 јули, во периодот од 8 до 12 часот, ќе се уредува просторот во студентскиот кампус и факултети во општина Гази Баба. Почетокот е од ова место затоа што акцијашите по земјотресот во 1963 го имаат изградено студентскиот дом „Стив Наумов“ во една од работните акции за обнова на градот Скопје.

Учествуваат голем број акцијаши од Македонија, но и од Словенија, Хрватска, Србија, Босна и Херцеговина, кои во Скопје пристигнаа со воз.

Целта е акцијашите заеднички да придонесат во расчистувањето на Скопје, а со тоа и младите да продолжат по стапките на возрасните.  Здружението „Акцијаши“ ќе одбележи уште два големи јубилеја на доброволното младинско работно ангажирање - 70 години од работната акција за изградба на браната и хидроцентралата „Вруток“ - „Маврово 48“ и 40 години од изградбата на автопатот „Братство и единство“. 

притисни ентер