Меркел: Британија ќе ја “плати цената“ после излегувањето од ЕУ

Германската канцеларка изјави дека на ЕУ ќе и бидат потребни механизми за соочување со новите прописи кој после Брегзит би можеле да ја нарушат конкуренцијата во Британија.
Ангела Меркел процесот за преговори за Брегзит го спореди со договарањето на трговски договор.

Таа на конференцијата за семејни компании изјави дека Британија “ќе ја плати цената“ на напуштањето на Унијата доколку не дозволи слободно движење на граѓаните на ЕУ.

„Ќе видиме како тоа ќе го постигнеме“ – изјави Меркел.

Таа изјава беше во склад со претходните коментари кои најавија поостри тонови од Берлин за Брегзит.

Меркел додаде дека Британија кога ќе ја напушти ЕУ ќе може да усвои сопствени стандарди за заштита на животната средина и заштита на потрошувачите.

Почетокот на преговорите за излез на Британија од ЕУ се очекува следниот месец.

Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер