Акција за собирање отпадни батерии во 25 основни училишта низ Македонија

Компанијата Елколект почнува со акцијата за собирање отпадни батерии во 25 основни училишта низ 11 општини во Република Македонија.
Акцијата ќе трае до ноември, а опфатени ќе бидат Битола, Куманово, Охрид, Гази Баба, Струмица, Босилово, Крива Паланка, Ранковце, Василево, Дебрца и Ново Село. Целта е да се поттикне создавањето добри навики кај децата уште во раната возраст и да се намали количеството отпадни батерии во животната средина.

- Во соработка со училиштата,  подготвивме едукативно - информативен материјал и наменски еко-кутии кои се веќе поставени на видливи места во училишните згради. Во нив учениците ќе ги оставаат отпадните батерии од нивните домаќинства и на тој начин ќе спречат протекување на опасните супстанции (цинк, литиум, олово, кадмиум и жива што се содржат во батериите) да ги загадат почвата, подземните или површинските води, информира Елколект.

Елколект е лиценциран колективен постапувач со отпадна електрична и електронска опрема и отпадни батерии и акумулатори. Како што наведува, континуирано презема конкретни чекори за подигање на јавната свест, првично кај децата, за неопходноста од примарна селекција  на отпадните батерии и нивно немешање со останатите видови отпад. 

Рускоска: Поради опасност од бегство, бараме притвор за Јанакиески и Ристоски

Во Кривичниот суд во Скопје штотуку заврши распитот на Миле Јанакиески и Спиро Ристоски кои заедно со Трајко Вељаноски доцна попладнево беа приведени под сомнение дека се дел од организаторите на настаните од 27 април.

Се очекува судот да се произнесе за барањето на Обвинителството да им се одреди мерка притвор.

Вељаноски претходно замина од судот бидејќи се повикал на пратеничкиот имунитет.

Обвинителката Вилма Рускоска изјави дека барањето за притвор е поради опасност од бегство, влијание врз сведоци и попречување на истрагата. Таа пред медиумите истакна дека Вељановски си заминал од судот бидејќи се повикал на пратеничкиот имунитет.

Повеќе детали Рускоска рече дека ќе бидат соопштение на прес-конференција што ќе се одржи во Обвинителството. /МИА

Одложено одењето во затвор на поранешниот адвокат на Трамп

Поранешниот личен адвокат на американскиот претседател Доналд Трамп нема od 6 март да почне да ја служи тригодишната затворска казна.

Судот донесе одлука поранешниот адвокат на Трамп , Мајкл Коен , да почне да ја отслужува затворската казна од 6 мај.

Федералниот судија му одобри на Коен двомесечно одлагање на почетокот на служење на затворската казна , поради хируршки зафат.

Инаку , Коен беше осуден на три години затвор поради лажно сведочење пред Конгресот , како и за исплатата на поранешни сексуални партнерки на Трамп од личната сметка за да молчат за време на кампањата дека биле во врска со идниот претседател.

Кацарска: Во оваа фаза од процесот, Нинџа не може да прави спогодби со судот

Судијката Добрила Кацарска, која е судечки судија во случајот за настаните од 27 април во Собранието вечерва не сакаше да го коментира приведувањето на дел од лицата кои се сомничат дека се организатори на крвавиот четврток.

– Не би можела ништо да коментирам бидејќи тоа е предмет кој го работи Обвинителството, изјави вечерва Кацарска.

Одговарајќи на новинарски прашања, Кацарска рече дека Александар Василевски-Нинџа во оваа фаза од процесот не може да прави спогодби со судот.

– Со судот не може да се спогодува. Се знае кога може обвинетиот да прави спогодба пред суд. Со мене во никој слуај, на крај на завршни зборови сме. Не станува збор да прави било каква спогодба. Дали со обвинителството има било каков договор, не би можела да коментирам, истакна Кацарска. 

притисни ентер