Масовно убиство на кучиња и мачиња низ Македонија

Анима Мунди предупредува дека суровата појава на убиства и труење на улични кучиња и мачиња може да биде опасна и за луѓето. Тие апелираат да се забрани продажбата на отров и да се најде похуман начин на решавање на проблемот со бездомните животни. Насилството врз животните е срам!
„Обесени кучиња, животни за кои монструм поставил стапици и за кои понатаму поставува се призор со кој се соочија граѓани од Ново Лисиче, кои со денови ги барале маалските миленици.

Тие својот последен здив го испуштија зад  Фудбалски сојуз на Македонија, со сајли околу вратот кои при секое движење и обид да се извлечат затегаат се повеќе; умирале во болка од задушување и прережан грклан, бавно но сигурно,  без да имаат било каква шанса да се спасат. Сликите се од Сивче, Брзи и Миле, маалски кутриња и верни пријатели на многу локални жители.


Сајлите се поставени на локација каде секојдневно шетаат граѓани, деца и се исклучително опасни – за тоа колкав е ризикот од нив кажува   Иван Вучетиќ, секретар на ловно друштво „Елен“ од Струмица – тој вели дека   доколку со глава падне дете тоа не би имало никаква шанса да се спаси и преживее. Поточно тврди дека кога ќе се затегне стапицата нема спас.

Настанот го пријавивме во полиција која наводно врши истрага – колку врши говори фактот што  сајлите и понатаму се поставуваат, поточно во моментов зад Фудбалски сојуз на Македонија се поставени дупли сајли, стапици со кои на најсуров можен начин се убиваат животните.


Што уште треба да се случи за да полицијата ја сфати сериозноста на оваа ситуација и превземе истрага и сериозни чекори да ваквите дела - кои може да ги направи само психопат - се констатираат а сторителот биде санкциониран, најстрого казнет?!!



МАСОВНО ТРУЕЊЕ НА ЖИВОТНИ ВО МАКЕДОНИЈА



По трите несреќни случаи на угризи од кучиња , кои без исклучок и со потврда и од Агенција за храна и ветеринарство беа предизвикани од кучиња со сопственик , а ниту едно бездомно куче; во кои како пресуден по одговорност (согласно закон) е човечки фактор, ова е сликата на улиците на Македонија!

Отрови кои за 10 минути би убиле и човек се расфрлани по градови и села, на шеталишта, покрај училишта и градинки; наменети за маалски кучиња и мачки кои се тетеравеле, плукале крв, се угушиле во сопствените повраќаници пред очи на растревожени минувачи и неретко деца!


Труењата се случуваат истовремено, синхронизирано и веруваме дека удел имаат и општините. Порачуваме итно да запрат и итно да преземат мерки за истрага и приведување на сторителите, кои вршат повеќе прекршоци и сериозно кривично дело, казниво со казна затвор!

По масовната паника и хистерија која завладеа небаре кучињата се главна опасност во државата, без при тоа да се види статистика која укажува дека се ова изолирани случаи и напади од кучиња со сопственик (научени да бранат или напаѓаат), т.е. дека многу побројни се несреќи предизвикани од насилници, силувачи, педофили и слично, живееме во околности каде отровот ги убива оние кои се недолжни, кои се на улица не по своја вина, кои се нашле во погрешно време на погрешно место зошто друг избор немаат. Потенцираме прашање е на време кога од отровите ќе настрада човек или дете зошто за жал во Македонија отрови слободно се купуваат и масовно   злоупотребуваат, а за тоа никој не одговара!


Ги повикуваме институциите – Министерство за внатрешни работи, Агенција за храна и ветеринарство, Единиците на Локална Самоуоправа итно да постапат, изнајдат хумани и ефикасни начини за надминување на проблемот со бездомни животни; да се укине слободната продажба на отрови кои се опасност за сите; да се најде решение за  формирање на Полиција за животни зошто е повеќе од очигледен фактот  дека насилството врз животните е декаден срам и обележје на Република Македонија!“ соопштија од АНИМА МУНДИ.



 

НАСА на Марс откри древна оаза

Во дното на кратерот Гејл , каде врши истражувања роверот Кјуриозити , се пронајдени остатоци од многу мали езера.

Целото подрачје , каде врши истражувања роверот нас НАСА има дијаметар од 150 километри. Научниците претпоставуваат дека пред повеќе од 3,5 милијарди години таму имало вода и дека низ кратерот течеле реки што се слевале во езерата. Овие водено системи најверојатно исчезнувале , па се појавувале во временски интервали од енколку стотици милиони години.

Креторот Гејл е создаден во древно минато по силно влијание на вселенско тело на површината на Црвената планета. Седиментите, пренесени од вода и ветер, наскоро ја исполниле основата на кратерот, слој по слој. Откако се зацврстил талогот, ветрот ја издлабил високата планина, на која деновиве се искачува љубопитниот ровер. Роверот сега се наоѓа во подножјето на таа планина и истражува слоеви на историјата на Марс кои откриваат како се формирале карпите во тој период.

„Ние го истражуваме кратерот Гејл затоа што содржи уникатен запис за историјата на Марс“, рече планетарниот научник Вилијам Рапин од Калтех.

„Другиот дел од сложувалката е да разбереме како и кога почнала да се менува климата на Црвената планета и колку долго можел да се развие живот на Марс“, додаде тој.

Вилијам Рапин и неговите колеги во своето истражување ја опишаа површината на карпа долга 150 метри наречена „Остров Сатон“ што Кјуриознит ја посетил во 2017 година. Врз основа на низа набљудувани пукнатини, научниците претходно знаеја дека областа била погодена од период на суши, но откритието на минерални соли сугерира дека водата што била концентрирана во тој момент била солена вода.

Имено, кога езерото е целосно суво, обично остава зад себе наслаги на чисти кристали од сол. Но, солите на островот Сатон се со различен состав. Прво, тоа е минерална сол. Второ, овие соли биле измешани со талог, што укажува на тоа дека тие се кристализирале во влажна средина; веројатно при испарување на плитките езерца со млака вода.

„Додека се качуваме на планината Шарп, забележуваме тренд на преминување од влажната област на сушна“, рече физичарот Ешвин Васавада од лабораторијата за погон на летала на НАСА.

„Но, овој тренд не мораше да се случи на линеарен начин. Веројатно постоеле влажни и посуви периоди“, додаде тој.

Американска професорка снимена како извикува расистички коментари (ВИДЕО)

Наставничка од средно училиште во американската држава Пенсилванија е снимена додека извиклува расистички коментари , а ја снимил афроамерикански родител , кого таа го нарекла ,,црнeц”.

Инцидентот се случил во четвртокот пред средното училиште Дрексел Хил , а наставничката , која работела во училиштето од 2008 , е суспендирана , јавуваат денеска американските медиуми.

Во видеото објавено на Фејсбук, наставничката се гледа како го навредува родителот на нејзин ученик, лута затоа што тој и го оштетил браникот. Даниел Мек Гари, надзорник на средните училишта во округот Горн Дарби, рече дека имал средба со родителот и со наставничката по инцидентот. Тој рече дека однесувањето на наставничката е „длабоко вознемирувачко“ и додаде дека таа може да биде отпуштена.

„Мислам дека вакво однесување не треба да се толерира во нашето училиште или во нашата област“, рече Мекгари.

Познат актер се скрши пред камерите: Секоја ноќ плачам по неа! (ВИДЕО)

Британскиот актер и поранешен фудбалер Вини Џоунс (54) пред три емсеци остана без сопругата Танја, која почина на 54. годишна возраст по шестгодишна битка со ракот на кожата.  

Вини тешко се справува со загубата и признава дека ,,плаче секоја вечер '.

Во емотивно интервју за утринската програма ,,Добро утро Британија”, тој рече дека веста дека неговата сакана сопруга умира дошла како некој да го „удрил со чекан“.

 „Таа ме праша: Дали ќе внимаваш на мене? ' Реков дека ќе го сторам тоа, и за жал не можев да го исполнам тоа ветување “, рече тој во трогателното интервју кое никого  не го остави рамнодушен во публиката. И тие се расплакаа , а актерот доби бројни коментари за поддршка.

Тања на крајот од животот и напишала писмо на нивната ќерка Кали, кое потоа гласно го прочитала на Вини и остатокот од семејството.

"Таа ни порача да не тагуваме, таа ќе чека на нас. Затоа имам сега што да очекувам ", рече Вини. Тој додаде дека неговата сопруга била негова најголема поддршка, како и неверојатно убава жена.

Тој им порача на водителите дека зборува за неговата голема болка во јавноста затоа што сака да им помогне на другите кои се соочуваат со слични проблеми. „Се шетате среде најголемата трагедија во вашиот живот , а луѓето нормално одат на работа, се враќаат од работа, се туркаат во Старбакс“, рече низ солзи Вини.

притисни ентер