Шилегов: Груевски не може да биде решение за кризата

СДСМ очекува еврокомесарот Хан утре да ги пренесе пораките кои веќе беа испратени од Брисел.
Портпаролот Петре Шилегов беше прашан и дали ќе го разгледаат документот од ВМРО-ДПМНЕ како решение за излез од политичката криза.

Портпаролот на СДСМ Петре Шилегов денеска изјави дека на Македонија не и се потребни нови избори и оти очекуваат дека во најбрзо можно време да се закаже седницата на Собранието на која ќе се избере претседател.

- Во Македонија имаше избори, на Македонија не и се потребни избори, граѓаните на Република Македонија кажаа дека сакаат промени, формирано е ново владино мнозинство во парламентарна демократија каква што е Република Македонија. Иванов нема право да се противи на Уставот на Република Македонија, рече Шилегов коментирајќи го ставот  од денешното интервју на претседателот Ѓорге Иванов за одржување избори за излез од кризата.
Од утрешната посета на еврокомесарот Јоханес Хан, како што рече Шилегов,  очекуваат дека ќе бидат пренесени пораките кои веќе се дадени од страна на Европската Комисија, Советот на министри на ЕУ и од страна на еврокомесарот Могерини, а тоа е дека во Македонија мора да се врати уставниот поредок. - Очекуваме дека тоа е пораката која ќе биде пратена и до Иванов и до Груевски. Очекуваме дека ќе има силна осуда на говорите и повиците на политичко насилство кои ги промовираше Никола Груевски, рече Шилегов.

Според него, Груевски ја создал политичката криза и не може да биде дел од решението за Македонија.  Единствениот документ којшто е во интерес на Македонија и граѓаните, наведе Шилегов, е програмата на новата реформска влада на СДСМ.

На прес-конференцијата портпаролот на СДСМ се обрати до директорите, професорите и наставниците, бидејќи, како што тврди, загрижени родители јавувале дека има наредба во училиштата, нивните деца утре да се изнесат на протести.

- Веднаш да престанат притисоците и злоупотребите на деца за партиски цели! Ќе има сериозна одговорност за секој кој ќе прекине настава за да носи деца на протести, со што ја загрозува и нивната безбедност и безбедноста на граѓаните, рече Шилегов. 


Поголема група мигранти фатени во близина на Костурино

Дваесет и пет мигранти од Пакистан изутрината биле фатени во близина на струмичкото село Костурино откако во половина час по полноќ во полицијата било пријавено дека непознати лица ги товарат во две патнички возила.

Дваесет и пет мигранти од Пакистан изутрината биле фатени во близина на струмичкото село Костурино откако во половина час по полноќ во полицијата било пријавено дека непознати лица ги товарат во две патнички возила.

Како што информира МВР, полициски службеници излегле на местото и го пронашле возилото „Форд Галакси“ со англиска национална ознака, кое било празно и без клучеви. Во непосредна близина на возилото биле откриени мигрантите.

Веднаш потоа, во близина на местото, полициските службеници го стопирале и второто возило („БМВ“ со радовишки регистарски ознаки), кое, исто така, било пријавено. Возилото го управувал А.А. (32), а сопатник бил Ш.Е. (25), двајцата од радовишкото село Калаузлија.

Се преземаат мерки за расчистување на случајот. /МИА

Сопружници физички нападнати од нивен роднина

Скопјанецот Н.Ј. (38) и неговата сопруга Т.Ј. (33) синоќа биле физички нападнати од нивниот роднина Д.А. (31).

МВР информира дека случајот половина час по полноќ во полиција го пријавил Н.Ј., кој рекол дека од 14 часот со неговата бремена сопруга и двете малолетни деца биле на гости кај Д.А. 

Околу 21 часот, Д.А. со палка почнал да го удира Н.Ј. и неговата бремена сопруга. Со возило на Итна медицинска помош, тие биле префрлени во Ургентен центар при комплексот клиники „Мајка Тереза“, каде што им била укажана лекарска помош и им биле констатирани тешки телесни повреди. Се преземаат мерки за расчистување на случајот. /МИА

Повеќе од 42 илјади Косовци се откажале од своето државјанство во последните девет години

Од 2009  до почетокот на 2018 година, над 42 илјади граѓани на Косово се откажале од државјанството, додека само во првите четири месеци од оваа година истото го сторилe 1 648 Косовци.

Загрижувачки е бројот на младите, на возраст од 18 до 34 години, кои се откажуваат од косовското државјанство, пишува денешен „Зери“.

Заменик- министерот за внатрешни работи Изми Зека вели за весникот дека на почетокот на годинава е видно зголемен бројот на оние што се откажале од државјанството, споредено со минатата година.

– Главната причина за откажување од косовското државјанство е добивањето државјанство во некои од земјите на Европската унија, кои не дозволуваат двојно државјанство за оние кои не се државјани на ЕУ, вели Зека.

притисни ентер