Иконен: Иднината на земјите од Балканот е во ЕУ

Иднината на земјите од Балканот е во ЕУ. Тоа особено се однесува на малите замји како што се Финска и Македонија, изјави денеска во Скопје амбасадорот на Финска за Македонија, Перти Иконен.
- Македонија природно припаѓа во ЕУ, и посакуваме да биде дел од ЕУ. Ние вложуваме големи напори Македонија како и останатите земји од регионот да станат дел од ЕУ. Се соочуваме и со проблеми, но мислам дека тоа е единствената иднина на овие земји, бидејќи ЕУ е Европа. Таа е најголемиот инвеститор во регионот, економски многу моќен субјект и само мал број на земји можат да си дозволат да бидат надвор од неа, како Норвешка која „плива“ во нафта или Швајцарија која исто така е мнгу богата земја. За сите останати мора да ја бараат својата иднина во ЕУ, истакна амбасадорот Иконен на денешната средба со новинари по повод обележувањето на стогодишнината од независноста на Република Финска.  

Финска има популација од 5,5 милиони жители, а 6 проценти се Швеѓани. Во однос на двојазичноста, финскиот амбасадор вели дека тоа го сметаат за богатство на земјата, а е резултат на историските врски со Шведска и помага за поврзување на нордиските земји.
Тој подвлече дека Финска е конструктивен пријател на земјава и нејзините искуства може да ѝ помогнат на Македонија преку споделува своите позитивни искуства во правец на постигнување на развојните цели.
- Со обележувањето на јубилејот и во земјите од регионот, сакаме јавноста да ја запознаеме со финската култура, вредностите и општествениот живот на земјата, но и со успешната соработка која постои меѓу нордиските земји, што може да му послужи како пример токму на Балканот, рече амбасадорот Иконен кој е мерезидентен амбасадор за Македонија со седиште во Белград, а ја покрива и Црна Гора.

Тој ги истакна вредностите врз кои е изградено финското општество, како владеење на правото, еднаквоста на можностите, борбата против копрупцијата, ефикасната јавна администрација, а кои вели придонесуваат Финска денес да биде рангирана како петта најсреќна земја во светот и втора во Европа.
На средбата присуствуваше и почесниот конзул на Финска во Македонија Светозар Јаневски, кој говореше за потребата од понатамошен развој на економските односи меѓу двете земји и ги истакна позитивните перспективи што би можеле да се отворат доколку Македонија ги користи искуствата на организирани општества какво што е финското особено моделот на функционирање на локалната самоуправа.

Денот на независноста на Република Финска е 6 декември. Програмата за обележување на стогодишниот јубилеј на финската независност предвидува над 2.000 настани во целиот свет, вклучувајќи го и регионот. Во Скопје се планира одржување концерт на финска музика во текот на ноември годинава. 

Нимиц: Се уште нема конечно решение, двете страни се одлучни да го најдат

Се уште нема конечно решение за спорот за името меѓу Македонија и Грција, но двете страни се одлучни да продолжат да работат се додека не се пронајде, изјави кусо денеска во Њујорк медијаторот Метју Нимиц.

Ниту двата часа денеска, ниту вчерашните шест не донесоа суштински напредок во преговорите за спорот за името. Немаме финален договор, двајцата министри си ги бранат нациоанлните интереси, но одлучни се да дојдат до компромис. Преговорите продолжуваат во Брисел, ова беше пораката на Медијаторот Метју Нимиц, повторно срочена во 40-ина секунди и без можност да се постават прашања. 

Очекувано не е познато што било ставено на маса, но судејќи според најавите, македоската страна веројатно настојувала на Република Илинденка Македонија, а грчката на еден од четирите предлози од стариот пакет на Нимиц, со тѕежиште на Горна и Вардарска Македонија. Во таа насока, неколку часа пред завршувањето на средбата во Њујорк, зборуваше и грчкиот премиер Ципрас, по средбата со градоначалникот Бутарис, оцени дека најголема победа за Грција би било име со одредница пред името Македонија.

-Се наоѓаме во преговори кои што се чувствителни, критични, направени се чекори напред. Ние одиме напред бранејќи една национална позиција и кога веќе се наоѓам во Солун, во Македонија, сакам да кажам, затоа што слушам некои што велат не го давајте името. Ние тука се стремиме да добиеме нешто назад, а не да дадеме нешто. Да земеме нешто што веќе 70 години е дадено, од други, не од нас, изјави Ципрас.

По првата во Њујорк, трите средби во Виена и една во Атина, преговорите вчера и денеска повторно се вратија на Ист ривер.   На првата средба, во јануари со која и формално беше возобновен процесот, тогаш со преговарачите Наумовски и Василакис, Нимиц оптимистички соопшти дека на повидок е решение на спорот. Од тогаш поминаа четири месеци, а епилогот е се уште неизвесен.

Најмалку двајца ученици поврдени во пукотници во училиште во САД

Уште еден напад во средно училиште во САД , во кој има најмалку две повредени лица.

Полицијата од Индијанаполис соопшти дека напаѓачот е приведен. Повредените се пренесени во болница , а семејствата на учениците се известени. Според писмената изјава на портпаролот на полицијата за округот Хамилтон , напаѓачот делувал сам , а за мотивите нема информации.

Снимките од хеликоптерот покажуваат како учениците се евакуираат надвор од училиштето , кон спортската сала , од каде ги земаат нивните родители.

Нападот доаѓа точно на една недела по пукањето во училиште во Тексас , каде беа убиени 8 мина ученици.

Трамп ја поправа историската неправда

Претседателот на САД постхумно го помилува боксерот Џек Џонсон , кој завршил во 1912 во затвор по однос со бела жена.

Џек Џонсон е првиот афроамерикански првак на САД во тешка категорија . ,, Верувам дека Џек Џонсон заслужува да биде помилуван за да се исправи грешката во нашата историја .” , рече Трамп.

Во случајот , кој стана симбол за расна нетрпеливост , Џонсон во 1912 година беше затворен , откако бил фатен со Лусил Камерон , која подоцна му станала сопруга.

Џонсон починал во 1946 година. Заедно со Трамп во Белата Куќа при објавувањето ан помилувањето беа и Силвестер Сталоне , познат по улогата на боксерот Роки , како и боксерот Ленокс Луис.

притисни ентер