Трамп: Германија должи многу пари; Јункер стравува од трговска војна со САД!

Германија им должи огромни суми на пари на САД и НАТО кои и обезбедуваат моќна и скапа одбрана - порача вчера на Твитер Доналд Трамп, по средбата со германската канцеларка Ангела Меркел.
Во првата порака, Трамп пишува: Наспроти она што го слушате во лажните вести имав прекрасна средба со германската канцеларка Ангела Меркел.

Но, и покрај тоа, Германија должи огромни суми на пари - НАТО и САД мора да бидат подобро платени за моќната и скапа одбрана што и ја обезбедуваат на Германија - додава во втората порака.

Ова Трамп го напиша од својата луксузна вила во Флорида ден по средбата со Меркел на која германската канцеларка го убедуваше дека нејзината земја ќе издвои до 2% од БДП за одбраната.

Претседателот на ЕК Жан Клод Јункер во интервју за Билд предупреди дека трговската војна меѓу САД и Европа би бил штетен з адвете страни.

На прашањето дали Европа може да издржи трговска војна со САД тој изјави дека тоа не би било во интерес ниту на САД ниту на Европа.

-Тој нагласи дека е потребно сериозно да се сфатат протекционистичките комантари на Трамп и дека „ништо не е исклучено“.

Американскиот министер за финансии рече дека САД нема желба да влегува во трговска војна, но некои економски односи треба одново да се анализираат и да се направат поправедни.

Јункер истакна дека е задоволен што во вторник ќе се сретне со јапонскиот премиер Шинзо Абе бидејќи „подоцна годинава сака да се склучи договорот за слободна трговиија меѓу Европската унија и Јапонија“.

Трамп ја обвини Јапонија дека го искористува слабиот јен за на својот извоз да му даде неправедна трговска предност. Главниот трговски советник на Трамп, Питер Наваро во слична изјава ја обвини Германија дека го користи „претерано потценетото“ евро како конкурентска предност.

ВМРО-ДПМНЕ-Демократска фракција: Владата максимално да се посвети на клучните реформи

Поддршката на „Нон пејперот” на скоро 1/5 од државите членки на ЕУ (Франција, Холандија, Белгија, Данска и Лукембург), укажува дека граѓаните на Република Македонија мора сериозно да бидат загрижени за евроатланската иднина на сопствената држава.

Поддршката на „Нон пејперот” на скоро 1/5 од државите членки на ЕУ (Франција, Холандија, Белгија, Данска и Лукембург), укажува дека граѓаните на Република Македонија мора сериозно да бидат загрижени за евроатланската иднина на сопствената држава, наспроти розовата слика која сака да ни ја претстави Владата на Зоран Заев. Актуелната влада исто како и владата на Груевски се служи со манипулации и замена на тези. Премиерот Заев и неговата влада мора да знаат дека поддршката од мнозинството членки на ЕУ, е сепак помалку од потребниот консензус на сите држави членки на ЕУ за отпочнување на преговорите за членство.

По објавувањето на ,,Нон пејперот” станува јасно дека позитивниот Извештај на ЕК од пред неколку недели е само политички инструмент и средство за мотивција со кој и се даде дополнителна шанса на Владата на РМ да го стори тоа што мора да го стори. Реформи и реформи.

Сега на сите им станува јасно дека голата замена на власта на едни со други и промената во општата атмосфера во државата, не довеле до суштински напредок во спроведувањето на итните реформски приоритети. Отсуствуваат клучните реформи во правосудството, деполитизација на јавната администрација и во борбата против корупцијата и организираниот криминал. А за тоа се потребни квалитетни и чесни личности во извршната власт, а не шарени шминкери и манекени, партиски мешетари и недоквалификувани кадри и лица од црните листи.

Господине премиере!. Наместо постојано да ширите нереален оптимизам во врска со изнаоѓање на решение за спорот со нашиот јужен сосед како единствен услов за влез во ЕУ, Ви препорачуваме максимално да се посветите на внатрешните проблеми и клучните реформски зафати. Само со подигање на животниот стандард на граѓаните, со еднаквост на сите пред законите и без селективна правда, со администрација како сервис на граѓаните и со дебели казни за сторителите на криминалот и корупцијата, ќе станеме европејци и ќе почуствуваме дека конечно дојде ,,живот”. Во спротивно на добар пат сте да го изодите истиот пат како и Вашиот претходник Груевски.

Граѓаните не се со кратко паметење и знаат да казнуваат. Овој пат на казната за неспособноста да се решат клучните прашања, нема да се чека цели единаесет години. /МИА

Пресметка на банди во Мексико – Пронајдени седум безживотни тела

Во централно мексиканската држава Гванахуато, пронајдени се телата на седум лица, а официјалните претставници сметаат дека станува збор за членови на криминални организации.

Канцеларијата на државниот обвинител соопшти дека три од жртвите убиени се со огнено оружје и оти тие се идентификувани.

Телата на четирите преостанати жртви пронајдени се распарчени во црни пластични вреќи на две локации.

Покрај вреќите пронајдени се и пишани пораки од ривалските банди, пренесува „АП“.

Криминалните групи не се именувани, но се наведува дека се занимаваат со продажба на краден бензин и дрога.

Работна посета на министерот Димитров на Брисел

Министерот за надворешни работи Никола Димитров утре и задутре ќе престојува во работна посета на Брисел.

Како што соопшти МНР, во рамките на посетата, Димитров утре ќе учествува на работен појадок со министрите за надворешни работи на земјите-членки на Европската Унија, организиран во рамките на бугарското претседателство со Советот на ЕУ, претстојното австриско претседавање и во пресрет на Советот за надворешни работи на ЕУ. Дискусиите ќе бидат фокусирани на евроинтегративните процеси на Република Македонија, имплементацијата на реформската агенда на Владата, како и добрососедските односи.

Министерот Димитров на 29 мај ќе има обраќање во бриселскиот тинк-тенк Европски центар за политики (ЕПЦ) на тема: “The Macedonian name dispute: a test for EU enlargement to the Balkans“.

За време на престојот во Брисел, министерот Никола Димитров ќе оствари средби со претставници од институциите на ЕУ и неколку министри за надворешни работи на земјите членки на ЕУ.

По последната средба за името во Њујорк со шефовите на дипломатиите на Македонија и на Грција, Никола Димитров и Никос Коѕиас, медијаторот Метју Нимиц кажа дека преговорите  ќе продолжат во Брисел. Од МНР засега не соопштуваат дали во Брисел ќе има средба на Димитров со Коѕиас. /МИА

притисни ентер