Зошто Русија ја продаде Аљаска?

Пред 150 години Русија и ја продаде Аљаска на Aмерика за симболични 7.2 милиони долари.
Само во првите 50 години Американците заработиле од Аљаска барем сто пати повеќе отколку што платиле за тоа. Многумина во Русија и ден денеска не можат да се помират со тоа, па поради тоа постојат многу митови за продажбата.

Се говорело дека Американците ја купиле Аљаска од Катерина Велика и со парите си купувала фустани.

Аљаска е продадена во 1867 година во времето на владеењето на Алексадар Втори.

Рускиот цар верувал дека доколку дојде до војна не би можел да го контролира тоа пространство. Освен оваа причина царот верувал дека на Аљаска имало само снег и мраз и ништо друго.

Mногумина исто така верувале дека со продажбата на Аљаска, Русија ќе добие сојузник како Америка и дека ќе ги зближи двете нации.

Според историчарите продажбата на Аљаска била неизбежна бидејќи Кримската војна била при крај, и биле потребни пари за обнова на војската и флотата.

Многумина веруваат дека Аљаска не е продадена туку била позајмена територија на САД но, по истекот на позајмицата тие не ја вратиле.

Се до 1959 година Аљаска не била официјално американска држава, наводно поради тоа што била економски заостаната. Според некои луѓе, Американците чекале да поминат 90 години, за кои се претпоставува дека биле дел од договорот, односно дека Аљаска била позајмена на САД на 90 години. Но сепак Хрушчов во 1957 година го потврдил правото на САД врз Аљаска.

Дури по две години Аљаска станала 49 држава на САД.

Американците на почетокот верувале дека купиле ледена кутија и дека нема ништо таму, за по 20 години да се утврдат големи наоѓалишта на злато, нафта и риба.

Поголема група мигранти фатени во близина на Костурино

Дваесет и пет мигранти од Пакистан изутрината биле фатени во близина на струмичкото село Костурино откако во половина час по полноќ во полицијата било пријавено дека непознати лица ги товарат во две патнички возила.

Дваесет и пет мигранти од Пакистан изутрината биле фатени во близина на струмичкото село Костурино откако во половина час по полноќ во полицијата било пријавено дека непознати лица ги товарат во две патнички возила.

Како што информира МВР, полициски службеници излегле на местото и го пронашле возилото „Форд Галакси“ со англиска национална ознака, кое било празно и без клучеви. Во непосредна близина на возилото биле откриени мигрантите.

Веднаш потоа, во близина на местото, полициските службеници го стопирале и второто возило („БМВ“ со радовишки регистарски ознаки), кое, исто така, било пријавено. Возилото го управувал А.А. (32), а сопатник бил Ш.Е. (25), двајцата од радовишкото село Калаузлија.

Се преземаат мерки за расчистување на случајот. /МИА

Сопружници физички нападнати од нивен роднина

Скопјанецот Н.Ј. (38) и неговата сопруга Т.Ј. (33) синоќа биле физички нападнати од нивниот роднина Д.А. (31).

МВР информира дека случајот половина час по полноќ во полиција го пријавил Н.Ј., кој рекол дека од 14 часот со неговата бремена сопруга и двете малолетни деца биле на гости кај Д.А. 

Околу 21 часот, Д.А. со палка почнал да го удира Н.Ј. и неговата бремена сопруга. Со возило на Итна медицинска помош, тие биле префрлени во Ургентен центар при комплексот клиники „Мајка Тереза“, каде што им била укажана лекарска помош и им биле констатирани тешки телесни повреди. Се преземаат мерки за расчистување на случајот. /МИА

Повеќе од 42 илјади Косовци се откажале од своето државјанство во последните девет години

Од 2009  до почетокот на 2018 година, над 42 илјади граѓани на Косово се откажале од државјанството, додека само во првите четири месеци од оваа година истото го сторилe 1 648 Косовци.

Загрижувачки е бројот на младите, на возраст од 18 до 34 години, кои се откажуваат од косовското државјанство, пишува денешен „Зери“.

Заменик- министерот за внатрешни работи Изми Зека вели за весникот дека на почетокот на годинава е видно зголемен бројот на оние што се откажале од државјанството, споредено со минатата година.

– Главната причина за откажување од косовското државјанство е добивањето државјанство во некои од земјите на Европската унија, кои не дозволуваат двојно државјанство за оние кои не се државјани на ЕУ, вели Зека.

притисни ентер