Бугарски Трамп пред избори: Кога може во Америка, може и кај нас!

Парламентарните избори во Бугарија се следната недела. Во пресрет на изборите, бугарскиот бизнисмен Веселин Марешки кој себеси се нарекува „бугарски Трамп“ порачува: Кога може во САД, може и кај нас!
Марешки можеби нема да го повтори успехот на Трамп но се очекува неговата партија „Волја“ да освои повеќе од 5% од гласовите и важно место во формирањето на владата.
 
Тој е сопственик на ланец на фармацевтски компании и бензински станици. На изборите во ноември лани, 49 годишниот Марешки шокираше многумина кога како претседателски кандидат освои 11 % од глаосвите и го зазеде четвртото место.
 
- Видовте што се случи во Америка. На изборите победи бизнисмен, богат човек. Зошто тоа да не се случи и во Бугарија? - ијави Марешки, пренесе Ројтерс.
 
- Јас сум кандидат против естаблишментот, баш како Трамп. Ние сме техконкрати, луѓе од бизнисот - вели поранешниот сопственик на фудбалскот клуб „ Локомотива Пловдив“.
 
Во текот на кампањата тој не нуди многу политички решенија но вели дека ниските цени во неговите аптеки и на бензинските станици, покажуваат што може тој да стори.

ВМРО-ДПМНЕ-Демократска фракција: Владата максимално да се посвети на клучните реформи

Поддршката на „Нон пејперот” на скоро 1/5 од државите членки на ЕУ (Франција, Холандија, Белгија, Данска и Лукембург), укажува дека граѓаните на Република Македонија мора сериозно да бидат загрижени за евроатланската иднина на сопствената држава.

Поддршката на „Нон пејперот” на скоро 1/5 од државите членки на ЕУ (Франција, Холандија, Белгија, Данска и Лукембург), укажува дека граѓаните на Република Македонија мора сериозно да бидат загрижени за евроатланската иднина на сопствената држава, наспроти розовата слика која сака да ни ја претстави Владата на Зоран Заев. Актуелната влада исто како и владата на Груевски се служи со манипулации и замена на тези. Премиерот Заев и неговата влада мора да знаат дека поддршката од мнозинството членки на ЕУ, е сепак помалку од потребниот консензус на сите држави членки на ЕУ за отпочнување на преговорите за членство.

По објавувањето на ,,Нон пејперот” станува јасно дека позитивниот Извештај на ЕК од пред неколку недели е само политички инструмент и средство за мотивција со кој и се даде дополнителна шанса на Владата на РМ да го стори тоа што мора да го стори. Реформи и реформи.

Сега на сите им станува јасно дека голата замена на власта на едни со други и промената во општата атмосфера во државата, не довеле до суштински напредок во спроведувањето на итните реформски приоритети. Отсуствуваат клучните реформи во правосудството, деполитизација на јавната администрација и во борбата против корупцијата и организираниот криминал. А за тоа се потребни квалитетни и чесни личности во извршната власт, а не шарени шминкери и манекени, партиски мешетари и недоквалификувани кадри и лица од црните листи.

Господине премиере!. Наместо постојано да ширите нереален оптимизам во врска со изнаоѓање на решение за спорот со нашиот јужен сосед како единствен услов за влез во ЕУ, Ви препорачуваме максимално да се посветите на внатрешните проблеми и клучните реформски зафати. Само со подигање на животниот стандард на граѓаните, со еднаквост на сите пред законите и без селективна правда, со администрација како сервис на граѓаните и со дебели казни за сторителите на криминалот и корупцијата, ќе станеме европејци и ќе почуствуваме дека конечно дојде ,,живот”. Во спротивно на добар пат сте да го изодите истиот пат како и Вашиот претходник Груевски.

Граѓаните не се со кратко паметење и знаат да казнуваат. Овој пат на казната за неспособноста да се решат клучните прашања, нема да се чека цели единаесет години. /МИА

Пресметка на банди во Мексико – Пронајдени седум безживотни тела

Во централно мексиканската држава Гванахуато, пронајдени се телата на седум лица, а официјалните претставници сметаат дека станува збор за членови на криминални организации.

Канцеларијата на државниот обвинител соопшти дека три од жртвите убиени се со огнено оружје и оти тие се идентификувани.

Телата на четирите преостанати жртви пронајдени се распарчени во црни пластични вреќи на две локации.

Покрај вреќите пронајдени се и пишани пораки од ривалските банди, пренесува „АП“.

Криминалните групи не се именувани, но се наведува дека се занимаваат со продажба на краден бензин и дрога.

Работна посета на министерот Димитров на Брисел

Министерот за надворешни работи Никола Димитров утре и задутре ќе престојува во работна посета на Брисел.

Како што соопшти МНР, во рамките на посетата, Димитров утре ќе учествува на работен појадок со министрите за надворешни работи на земјите-членки на Европската Унија, организиран во рамките на бугарското претседателство со Советот на ЕУ, претстојното австриско претседавање и во пресрет на Советот за надворешни работи на ЕУ. Дискусиите ќе бидат фокусирани на евроинтегративните процеси на Република Македонија, имплементацијата на реформската агенда на Владата, како и добрососедските односи.

Министерот Димитров на 29 мај ќе има обраќање во бриселскиот тинк-тенк Европски центар за политики (ЕПЦ) на тема: “The Macedonian name dispute: a test for EU enlargement to the Balkans“.

За време на престојот во Брисел, министерот Никола Димитров ќе оствари средби со претставници од институциите на ЕУ и неколку министри за надворешни работи на земјите членки на ЕУ.

По последната средба за името во Њујорк со шефовите на дипломатиите на Македонија и на Грција, Никола Димитров и Никос Коѕиас, медијаторот Метју Нимиц кажа дека преговорите  ќе продолжат во Брисел. Од МНР засега не соопштуваат дали во Брисел ќе има средба на Димитров со Коѕиас. /МИА

притисни ентер