Кривична за битолчанецот за убиство на сопругата - на неговата облека имало крв!

СВР-Битола поднесе кривична пријава до Основното јавно обвинителство против И.Д. (53) поради постоење основи на сомнение дека извршил кривично дело „убиство“.

Според СВР-Битола, обвинитетиот делото го направил на крајно свиреп начин, со повеќе удари со тапо тврдо средство, најверојатно сукала кои ги имал дома, и и нанел на жртвата смртоносни повреди во пределот на главата.

И.Д. вчера во полиција пријавил дека околу 9:50 часот ја пронашол сопругата Емануела Д. (47) падната на подот во дневната соба, целосно облиена во крв во горниот дел од телото, особено во пределот на главата, без знаци на живот.

- Во присуство на Јавен обвинител извршен е увид при што е констатирано дека во дневната соба, без знаци на живот се наоѓа сега починатата Е.Д (47). Смрта ја констатира лекар од службата за итна медицинска помош, а јавниот обвинител нареди обдукција која е извршена во текот на денешниот ден, информира СВР.

Во станот на И.Д. и Е.Д., освен тековното, не се забележани растурања од евентуален упад на лица со материјален мотив за вршење кривично дело, што, според СВР, укажува дека во станот има предмети како лап- топ, компјутери, мобилни телефони и други материјални вредности.

- Крим-техника не констатира траги од насилно влегување во станот. Подигнати и испратени на вештачење во МВР се предмети и траги, како и комплетната облека на пријавениот на која се забележани прскотини од траги слични на крв во долниот дел на облеката, кои упатуваат и оставаат сомнеж дека тој се јавува како можен извршител на делото, наведува СВР.

Со службена информација се огласи и Основното јавно обвинителство кое до судија на Основниот суд достави предлог за определување мерка притвор против осомниченото чице за сторено кривично дело „Убиство“.

Предлогот е доставен поради постоење основано сомнение дека на 13.03.2017 поради претходно нарушените меѓусебни односи, во дневната соба од заедничкиот дом, со вршење семејно насилство ја лишил од живот оштетената, неговата сопруга Е.М.Д. од Битола. Осомничениот со повеќе удари со тапо тврди средства, дрвени сукала, ја удирал по главата, нанесувајќи и повеќе повреди, од што настапил смртен исход.

Постапката по наведената кривична пријава е во тек.

На девојката за роденден и подарил букет од банкноти вреден 52.300 долари

Маж во Кина на својата девојка за роденден и подарил букет направен од банкноти во вредност од 320 илјади јуани, односно 52. 300 долари.

Како што пишува „Чонгпинг Морнинг пост“ мажот направил огромен букет од банкноти во облик на срца, кои и ги подарил на девојката.

Се додава дека вкупно седум лица повеќе од 10 часа поминале во правење на овој букет.

Иако неговата девојка многу се израдувала на подарокот, мажот би можел да биде казнет поради обвинение дека и “нанел навреда“ на домашната валута, која според кинескиот закон мора да се чува.

Сепак, многу луѓе преку социјалните мрежи навеле дека ова е многу убав начин да се израдува девојката или саканата личност, додека некои веруваат дека можел да подготви многу поедноставен подарок.

Фармер убил мистериозно суштество, научниците во чудо (фото)

„Ушите му беа преголеми, нозете прекратки, канџите предолги. Стапалата мали, крзното изгледа чудно. Нешто не е во ред со ова суштество“ – изјавиле научниците.

Еден фармер во Монтана убил суштество кое наликува на волк, откако го забележал во близина на својот добиток.

Сепак, официјалните лица изјавуваат дека не станува збор за волк или куче.

„Нема да знаеме што е се додека не стигнат резултатите од ДНК тестирањето“ – изјавил Брус Ошли, портпарол на Одделението за риби, диви животни и паркови на Монтана.

Една од теориите е дека животното настанало со вкрстување на волк и куче. Според други теории, станува збор за млад гризли или хибрид којот.

Одделението за риби, диви животни и паркови на Монтана соопшти дека станува збор за женка која му припаѓа на семејството на кучевидни ѕверови. Тоа вклучува кучиња, лисици, којоти и волци.

Инаку, ловот на волци е дозволен во оваа американска сојузна држава, па така секој граѓанин има право да убие волк доколку се најде на неговиот имот.

Според проценките на експертите, ширум Монтана во моментов живеат околу 900 волци.

Вообичаено утро на островот Палма де Мајорка

Девојка си порачува за јадење во ресторан.

Британка си порачува  храна во Мекдоналдс, откако била на некоја забава.

Германскиот весник Билд ја објавил оваа фотографија со коментар дека се работи за Британка која се појавила вака облечена во недела во 11 часот наутро.

притисни ентер