Македонска поезија во Солун

Во организација на македонскиот конзулат во Солунво францускиот институт, во рамките на деновите на франкофонијата се одржа поетско читање на кое песни од тројцата македонски поети, Мартиновски, Андонова Шопова и Здравевски, беа презентирани пред публиката на 3 јазици: македонски, грчки и француски.
Поетите за Канал 5 велат дека се повеќе од задоволни, а откриваат дека соработката со колеги од јужниот сосед продолжува.

Во поезијата на тројца македонски поети, прочитани на македонски, грчки и француски јазик уживаа посетителите на поетската вечер во францускиот институт во Солун. Владимир Мартиновски, Николина Андова Шопова и Ѓоко Здравевски со делови од нивните стихозбирки се претставија пред публиката, која одлично ги прими и уживаше во пријатната атмосфера.

„Имавме и презентација и од страна на грчкиот поет, критичар и уредник Јоргос Јанопулос кој се осврна за нашата поезија, направи и еден теоретски вовед. Потоа јас ја имав таа чест на француски да говорам и за колегите поети од Македонија. Имавме една многу убава атмосфера, многу убав прием на публиката.“ – вели Мартиновски за Kанал 5.

„Имаше и музика, Владимир е и музичар, така да малку отсвири и тамбура и кавал. Повеќе од задоволен сум, многу убав прием, многу убава атмосфера. Имаше и Македонци  што живеат и што работат тука и од нашиот конзулатот, имаше гости  и од францускиот културен центар, па и француски државјани. – раскажува поетот Ѓоко Здравевски

„Презадоволна сум. Навистина мислам дека направивме одлична вечер и приемот беше прекрасен мислам дека настанот ги надмина очекувањата, не очекував да има толку многу публика и толку добар прием.“  – коментира Николина Андова Шопова.

Професорот и поетот Мартиновски вели дека ова поетско читање е само уште една можност за подобрување на македонско-грчките односи.

„Mногу е битно таа комуникација книжевна и меѓукултурна  да функционира, да се запознаваме бидејќи имаме многу убави теми за разговор, имаме можност да се запознаеме меѓусебно и на тој начин во крајна линија да помогнеме во нормализирањето, ако може така да се каже, во подобрувањето на соседските односи. “ – коментира професорот и поетот Мартиновски.

Македонско-грчката поетска соработка продолжува со објавување на преведените песни на грчки јазик од нашите поети во грчкото списание за литература „Енекен“, во кое лани беа објавени делови од поезијата на македонскиот поет Влада Урошевиќ. 


Поголема група мигранти фатени во близина на Костурино

Дваесет и пет мигранти од Пакистан изутрината биле фатени во близина на струмичкото село Костурино откако во половина час по полноќ во полицијата било пријавено дека непознати лица ги товарат во две патнички возила.

Дваесет и пет мигранти од Пакистан изутрината биле фатени во близина на струмичкото село Костурино откако во половина час по полноќ во полицијата било пријавено дека непознати лица ги товарат во две патнички возила.

Како што информира МВР, полициски службеници излегле на местото и го пронашле возилото „Форд Галакси“ со англиска национална ознака, кое било празно и без клучеви. Во непосредна близина на возилото биле откриени мигрантите.

Веднаш потоа, во близина на местото, полициските службеници го стопирале и второто возило („БМВ“ со радовишки регистарски ознаки), кое, исто така, било пријавено. Возилото го управувал А.А. (32), а сопатник бил Ш.Е. (25), двајцата од радовишкото село Калаузлија.

Се преземаат мерки за расчистување на случајот. /МИА

Сопружници физички нападнати од нивен роднина

Скопјанецот Н.Ј. (38) и неговата сопруга Т.Ј. (33) синоќа биле физички нападнати од нивниот роднина Д.А. (31).

МВР информира дека случајот половина час по полноќ во полиција го пријавил Н.Ј., кој рекол дека од 14 часот со неговата бремена сопруга и двете малолетни деца биле на гости кај Д.А. 

Околу 21 часот, Д.А. со палка почнал да го удира Н.Ј. и неговата бремена сопруга. Со возило на Итна медицинска помош, тие биле префрлени во Ургентен центар при комплексот клиники „Мајка Тереза“, каде што им била укажана лекарска помош и им биле констатирани тешки телесни повреди. Се преземаат мерки за расчистување на случајот. /МИА

Повеќе од 42 илјади Косовци се откажале од своето државјанство во последните девет години

Од 2009  до почетокот на 2018 година, над 42 илјади граѓани на Косово се откажале од државјанството, додека само во првите четири месеци од оваа година истото го сторилe 1 648 Косовци.

Загрижувачки е бројот на младите, на возраст од 18 до 34 години, кои се откажуваат од косовското државјанство, пишува денешен „Зери“.

Заменик- министерот за внатрешни работи Изми Зека вели за весникот дека на почетокот на годинава е видно зголемен бројот на оние што се откажале од државјанството, споредено со минатата година.

– Главната причина за откажување од косовското државјанство е добивањето државјанство во некои од земјите на Европската унија, кои не дозволуваат двојно државјанство за оние кои не се државјани на ЕУ, вели Зека.

притисни ентер