Ахмети на средба со Хелбах: Заедничката изјава на албанските партии е резиме на изборните програми

Лидерот на ДУИ Али Ахмети денеска се сретна со Кристијан Хелбах, специјален претставник на германското МНР со кого разговарале околу новонастанатата ситуација по изборите на 11 декември и политичката состојба во земјава, како и напорите за излез од политичката и институционалната блокада.


Како што соопшти ДУИ, на средбата на која присуствувала и германската амбасадорка во земјава Кристине Алтхаузер, Ахмети истакнал дека инсистираат за заокружување на Охридскиот договор, системски реформи и за евроатлантска интеграција и ја нагласил улогата на пртијата во одржувањето кредибилни избори.

- Ахмети истакна дека изборите беа организирани за да ја решат кризата, а не за да ја продолжат или ја продлабочат, стои во соопштението.

Хелбах, пак, се наведува, истакнал дека Германија има разбирање за одлуката на Ахмети и ја нагласил поддршката на Берлин за интегрирана Македонија во евроатлантските структури и Македонија со ефикасни системски реформи. 

Лидерот на ДУИ, се додава, го информирал Хелбах дека се прават напори за да се деблокира Собранието за да почнат да функционираат институциите и нагласил дека „оправдувањата на Иванов се неодржливи затоа што заедничката изјава е резиме на изборните програми на албанските парламентарни партии и на ниту еден начин не го загрозува уставниот поредок на Македонија“. 

Сообраќајот кај Мамутчево се одвива наизменично

Сообраќајот на патот Велес - Штип попладнево се одвива наизменично поради сообраќајната несреќа кај село Мамутчево,  соопшти  Автомотосојузот на Македонија. 

Сообраќајката се случи денеска попладне околу 13:20 часот на излезот од велешкото село Мамтучево. Се судрија камион и автобус кој превезувал работници од Велес. Повредени се 20 работници. 

Сите биле прегледани во  Општа болница Велес. Кај осуммина биле утврдени полесни телесни повреди и тие  се хоспитализирани во болницата. Останатите 20-ина по укажаната медицинска помош во амбулантата на болницата испратени се на домашно лекување. 

Промоција на Охридско Езеро како безбедна дестинација за авантуристички туризам

 Набавена е специјализирана опрема за спасување на вода и планина во рамки на проектот „Охридско Езеро-безбедна дестинација за авантуристички туризам“ што ќе биде промовиран денеска во Охрид.

Проектот е финансиран од ИПА Програмата на ЕУ за прекугранична соработка, а кофинансиран од  Министерството за локална самоуправа.

На настанот ќе присуствуваат министерот за локална самоуправа Сухејл Фазлиу, градоначалникот на Охрид Јован Стојаноски и претставникот на Делегацијата на ЕУ во Република Македонија, Никола Бертолини.

Почна работната акција „Скопје на нашите дланки“

Почна работната акцијата „Скопје на нашите дланки“ по повод 55 години од катастрофалниот земјотрес во главниот град.

Почетокот го означи градоначалникот на Гази Баба Борис Георгиевски, кој е и претседател на одборот на акцијашите. Со негова поддршка се реализира настанот, кој е во организација на здружението на граѓани „Акцијаши - Скопје“.

Од денеска па се до 26 јули, во периодот од 8 до 12 часот, ќе се уредува просторот во студентскиот кампус и факултети во општина Гази Баба. Почетокот е од ова место затоа што акцијашите по земјотресот во 1963 го имаат изградено студентскиот дом „Стив Наумов“ во една од работните акции за обнова на градот Скопје.

Учествуваат голем број акцијаши од Македонија, но и од Словенија, Хрватска, Србија, Босна и Херцеговина, кои во Скопје пристигнаа со воз.

Целта е акцијашите заеднички да придонесат во расчистувањето на Скопје, а со тоа и младите да продолжат по стапките на возрасните.  Здружението „Акцијаши“ ќе одбележи уште два големи јубилеја на доброволното младинско работно ангажирање - 70 години од работната акција за изградба на браната и хидроцентралата „Вруток“ - „Маврово 48“ и 40 години од изградбата на автопатот „Братство и единство“. 

притисни ентер