Реакции за обраќањето на претседателот Иванов

Волјата на мнозинството да се почитува. Претседателот Иванов да ја преиспита својата одлука, порача високата претставничка на Европската Унија, Фредерика Могерини по средбите со политичките лидер и шефот на државата.
„Побарав од претседателот да размисли за одлуката, да ја повлече во интерес на сите граѓани на земјава и како што е наведено и во Уставот да го довери мандатот на кандидатот на партиите кои имаат мнозинство во Парламентот. Ова е Уставот на оваа земја и очекуваме да биде почитуван,“ рече Могерини.

Верувам дека политичките лидери ќе најдат разумно решени за оваа институционална и политичка криза, рече Могерини. Дека Унијата останува отворена за Македонија и нејзините граѓани шефицата на европската дипломатија истакнала и средбите со политички лидери во Собранието.
Претседателот да се предомисли очекува и претсдателот на СДСМ, Зоран Заев. Вели 67-те потписи се демократска основа да се довери мандатот за состав на Влада.

„Оттука, првиот чекор е Иванов да ја преиспита својата одлука и да ги почитува овие 67 мандати за да може да се придвижат процесите. Давањето мандат не значи со сигурност дека ќе биде формирана влада, но тоа е патот по кој треба да се движат процесите во Македонија“, рече Заев.

Лидерот на социјалдемократите без прецизен одговор кој ќе биде следниот чекор на партија. Додека од претседателот на ВМРО ДПМНЕ, Никола Груевски пред Могерини повторил изборите се најдобриот начин за надминување на кризата.

„Од страна на ВМРО-ДПМНЕ беше изразено и незадоволство од платформата на премиерот на Албанија, Рама од Тирана, негативните последици што се предизвикуваат од бруталното мешање во внатрешните работи на соседна држава, спротивно на принципите за добрососедство. Воедно беше истакнат фактот за нарушување на принципот за коалицирање на „победник со победник" по изборите“, стои во соопштението од партијата.

ДУИ ќе остане посветена на постигнување на политички решение за моменталната состојба во земјава, истакнал лидерот на партија, Али Ахмети на средбата со Могерини.

„Институционалната и системска криза не смее да се претвори во етничка криза и ние ќе останеме посветени за да се постигне политичко решение. Владеењето на правото, владеењето на законот, веродостојни институции, заокружување на Охридскиот Договор, добрите меѓуетнички и добрососедски односи како и интеграцијата во НАТО и ЕУ се нашите приоритети“, нагласил Ахмети во разговорот со високата преставничка на Унијата.

Конструктивност во решавање на состојбите најави и првиот човек на Движењето БЕСА. Претседателот на Алијансата за Албанците порача дека неговата партија и понатаму стои зад платформата. Која пак за претседателот на ДПА, Мендух Тачи се покажала јалова.


Шефот на државата на Могерини и појаснил дека согласно Уставот нема да го назначи како мандатар за состав на влада секој оној којшто преговара за платформи на други држави со кои се загрозува суверенитетот, независноста и унитарноста на државата.

„Со пост-изборната платформа се руши Уставот и Охридскиот рамковен договор, а Македонија се доведува во положба на потчинетост и зависност од друга држава. Граѓаните на изборите гласаа за европски реформи, а не за пост-изборна платформа на туѓа држава“, нагласи Иванов.

Претседателот истакнал дека ова е шанса Унијата јавно и јасно ад го осуди мешањето во внатрешната политика на Македонија.




Заврши трилатералната средба на Могерини со Тачи и Вучиќ

Во Брисел заврши средбата на шефицата на Европската дипломатија Федерика Могерини со претседателите на Србија и на Косово.

Пред заедничката средба , Могерини одвоено се сретна и разговараше со Александар Вучиќ и Хашим Тачи за надминување на проблемите меѓу Приштина и Косово. Во тек е повторно средба на Могерини со Вучиќ , а можно е во текот на вечерта да се одржи и состанок меѓу двајцата претседатели , за потоа сите тројца да имаат уште една рунда преговори. Како што јавуваат српските медиуми , по завршувањето на преговорите е најавена писмена изјава од Европската Комисија .

,, Договорено е сите проблеми да се решаваат на мирен начин , со взаемна почит. Тоа е многу важно за Србите на Косово , за сите граѓани на Србија . разговаравме за тоа да се фокусираме на дијалог , да покажеме дека можеме да разговараме и да поченме да ги решаваме отворените проблеми . Не сум преголем оптимист , но отворивме многу прашања ,”, изјави Вучиќ по средбата во Брисел.

Претседателот на Косово Хашим Тачи изјави дека состанокот бил тежок , но станува збор за решавање на стогодишен проблем. ,, Не сум наивен па да мислам дека веднаш ќе пронајдеме итно и магично решение за иднината . Не можеме да останеме жртви на горчливото минато , туку да гледаме кон иднината и придобивките за нашите земји и граѓани “ , рече Тачи кој очекува големи придобивки од ЕУ по нормализацијатан на односите со Србија.

Макрон на удар на јавноста поради фотографија со ЛГБТ група

Францускиот претседател Емануел Макрон е на удар на јавноста , откако денеска на социјалните мрежи беа објавени фотографиите со ЛГБТ музичка група во Елисејската палата.

Претседателот Макрон и неговата сопруга Брижит се фотографирале во Елисејската палата со дел од учениците на отворениот музички ден . На една од фотографиите претседателската двојка е во друштво со ЛГБТ музичка група . јавноста го обвинува за понижување на претседателската функција.

Меѓу најгласните критичари беа политичарите од десницата , како Мари ле Пен која го критикуваше Макрон з аначинот на кој се потсмева со местото каде вообичаено со високи почести се примаат странски државници.

Фотографијата била направена од шефот на протоколот на Брижит Макрон , а потоа објавена на социјалните мрежи . ,, Викајте ме господин претседател “ , напишаа иронично дел од пратениците , алудирајќи на пораката што Макрон им ја упати на младите да се однесуваат кон него со почит.

Најмногу коментари предизвика маицата на еден од музичарите , Киди Смајл на која пишуваше :,, Јас сум син на мигрант , црн сум и геј”.

Над 500 деца мигранти вратени на семејствата

Американското министерство за здравство соопшти дека 522 деца им се вратени на семејствата.

Сепак , над 2 000 деца без документи и натаму се одвоени од родителите во рамките на политикатаз а ригорозни мерки против илегалните мигранти . Претседателот Трамп одненадеж во средата го потпиша указот со кој се прекинува ваквата практика.

Систематското разделување на децата од родителите кои илегално ја минале границата меѓу Мексико и САД предизвика негодување не само во Америка , туку и во светот.

притисни ентер