Добиена уште една битка во ЕП против обид за негирање на Македонците во Албанија

Европската слободна алијанса што како асоцијација функционира во Европскиот парламент и ги претставува малцинските групи во Европа меѓу кои и двете партии на Македонците од Грција-Виножито и од Бугарија -ОМО Илинден Пирин, на вчерашното гласање на резолуцијата за извештајот за напредокот на Албанија, успеа да интервенира со забелешка дека во областите Преспа, Голо Брдо и Гора не живее Бугарско туку Македонско малцинство.

Забелешката е впрочем реакција на амандманот на двајцата бугарски пратеници Андреј Ковачев и Ангел Џамбаски во кој се бара од албанските власти да ги штитат правата на бугарското малцинство во Преспа, Голо Брдо и Гора што како член 24 се најде во предлог резолуцијата за Албанија.

Бугарските пратеници не очекувале таква реакција од некој од членовите на Европската Слободна алијанса од каде повторуваат дека постојано ќе реагираат кога има ситуации кои потврдуваат дека Бугарија има скриена агенда на искривување на вистината за постоење на Македонско малцинство во Албанија.

Усвојувањето на Извештајот за напредокот на Албанија, наиде на остра реакција од страна на здружението на Македонците ,,Илинден ,, од Тирана и на неговиот огранок во Голо Брдо.

„Бугари во Албанија и во регионите Преспа, Голо Брдо и Гора, нема. Потсетуваме дека на целата територија на Република Албанија, и посебно во регионите Преспа, Голо Брдо и Гора не живеат Бугари, туку само Македонци. Од Албанската и од Македонската влада бараме да испратат остар демарш до Брисел и Софија за нотификацијата на лажна бугарска историја во европските службени документи и за преименувањето на Македонците во Албанија за Бугари- се вели во реакцијата на Македонците во Албанија .

Реагираше и Светскиот Македонски конгрес кој покрај што побара од Владата да испрати демарши до Брисел и до Софија за преименување на Македонците во Албанија, ја осуди официјална Софија за продолжувањето на политиката на антимакедонизам како официјална политика за негирање на македонскиот народ по сите основи и за влошување на добрососедските односи со Македонија.


Тринаесетгодишно куче пронајдено во пештера по два месеци потрага

Според експертите, според неговата возраст, изненадувачки е како кучето преживеало бидејќи било во темница на температура од 14 степени Целзиусови.

Џеф Бонерт го пронашол своето куче Аби, по два месеци потрага, во пештера недалеку од нивниот семеен дом во Мисури.

Тринаесетгодишното куче побегнало од дома на 9 јуни, по што семејството Бонерт постојано го барало. Џеф се откажал од потрагата кога му се јавил соседот кој му рекол дека луѓето кои истражувале блиска пештера пронашле куче и се посомневале дека е негово.

- Во пештерата најдоа куче. Можеби тоа би можело да биде Аби - стоело во пораката што ја добил од соседот.

Бенерт се сомневал во тоа, но бил љубопитен и отишол во пештера во близина на неговата куќа.

Кога ја видел сликата што му ја покажал еден од спасувачите, не можел да поверува.

- Им реков дека тоа е моето куче - изјави Боенрт за АП.

Средбата ја фотографирала неговата сопруга, а интересен е и податокот дека само неколку недели пред кучето да наполни 14 години. Според експертите, според неговата возраст, изненадувачки е како кучето преживеало бидејќи било во темница на температура од 14 степени Целзиусови.

Масивен хакерски напад врз естонската влада откако отстрани советски споменик

Канцелариите и компаниите на естонската влада беа погодени од бран сајбер напади што започнаа веднаш по отстранувањето на советски споменик во земјата.

Во средата, Естонија беше изложена на „најобемниот сајбер напад од 2007 година“, објави во четврток на Твитер државниот секретар за ИТ инфраструктура Лукас Кристјан Илвес.

Сепак, тој рече дека нападите биле „неефикасни“ и поминале „во голема мера незабележани“. Руската хакерска група „Killnet“, наводно, ја презеде одговорноста за нападите. „Дигитална Естонија работи многу“, напиша Илвес, бидејќи земјата која така се нарекува самата себе се гледа како пионир на дигитализацијата во Европа.

Граѓаните на Естонија, со население од околу 1,3 милиони луѓе, можат да ги направат речиси сите административни процедури онлајн. Во вторникот, Естонија отстрани советски тенк споменик во близина на естонско-рускиот пограничен град Нарве и го префрли во музеј. Големо руско малцинство живее во балтичката држава, пренесе Индекс.хр.

Салах обновува црква во Каиро: Донираше 150.000 евра за храмот во кој загинаа 41 лице

Минатиот викенд, најмалку 41 лице, меѓу кои најмалку десет деца, загинаа во пожар во коптска црква во Каиро.

Десетици луѓе беа повредени.

Еден од оние кои први дојдоа на помош со парична донација е Мохамед Салах, најдобриот египетски фудбалер. Напаѓачот на Ливерпул донираше 150.000 евра за реконструкција на опожарената црква Абу Сефеин.

Во пожарот изгоре црквата Абу Сефеин, која се наоѓа во густо населениот кварт Имбаба. Итната помош соопшти дека успеале да го изгаснат пожарот, кој избувнал за време на утринската литургија.

Нејзината причина се уште не е позната. Полицијата претходно соопшти дека првичната истрага констатирала дека пожарот можел да настанал од краток спој.

Коптските христијани сочинуваат околу 10 отсто од претежно муслиманското население во Египет.

Извор: Курур спорт

притисни ентер