Свет

Уапсена една од атентаторките на братот на Ким Јонг Ун?

Жена осомничена дека стои зад убиството на братот на севернокрејскиот лидер Ким Јонг Ун е уапсена во Малезија.

Властите не откриваат повеќе детали, но медиумите објавуваат дека 28-годишната жена најверојатно е една од двете мистериозни жени, кои со отровни игли вчера му пресудиле на полубратот на севернокорејскиот лидер.

Јужна Кореја соопшти дека убиството е доказ колку е брутален режимот на Пјонгјанг.

Мистериозната жена со бела блуза и сино здолниште треба да ги даде одговорите дали севернокрејскиот режим директно стои зад ладнокрвното убиство на полубратот на Ким Јонг Ун. 28-годишната жена е уапсена на аеродромот во Куала Лумпур и имала тајвански пасош.

Властите утврдуваат дали таа е една од двете жени атентатори, кои со вбризгување отровни игли вчера му пресудиле на полубратот на севернокорејскиот лидер непосредно пред тој да се качи на авион за Макао. И двете жени на аеродромот дошле со такси, но возачот вели дека не може да ги идентификува.

- Ако знам сигурно ќе помогнев. Но, верувајте не можам да се сетам на нивното лице, зашто не ги видов убаво, вели таксистот што ги донел на аеродромот.

Според најголем дел од извештаите, убиството го извршиле две севернокорејски агентки, по директна наредба на нивниот лидер. Убиениот Ким Јонг Нам веројатно знаел што му се подготвува, со оглед дека постојано патувал со лажен идентитет. Единствено што успеал да каже пред да почине на пат кон болница е дека некој го зграпчил за лицето и веднаш паднал во бесознание.

- Убиството на Ким Јонг Нам е потврда за тоа колку е брутална и нечовечка природата на режимот, предводен од Ким Јонг Ун, изјави Хван Кјо Ан претседател на Јужна Кореја

Ако се потврдат информациите, вчерашното убиство ќе биде највисок профилиран атентат по родбинска врска, по оној пред три години, кога беше погубен чичкото на Ким Јонг Ун.

Македонија

Гласаат членовите на ИО кои заминуваат во странство за претседателските избори во дијаспората

Гласањето за претседателските избори почнува со членовите на 31 избирачки одбор кои треба да го спроведат гласањето во странство.

Тие денеска пред заминување во странство гласаат во просториите на државната изборна комисија станува збор за 191 лице.

Во дипломатските претставништва и конзуларни канцеларии во вторник, на 23 април, на ден пред седмите претседателски избори во земјата, од 7 до 19 часот по локално време, врз основа на прифатените 2.571 пријави на наши државјани, гласање треба да се спроведе во триесеттина градови во странство.

Гласање за парламентарните избори на 8 мај нема да се спроведе бидејќи немаше доволен број пријавени наши државјани.

ДИК продолжува со организацијата на двојните избори. Се дистрибуира недоверливиот материјал, додека утре ќе започне дистрибуцијата на доверливиот материјал

Инаку, вкупно 942 набљудувачи, странски новинари и преведувачи се акредитирани за следење на претседателските избори на 24 април.

Култура

Проекција на „Големата вода и „Црвените булки над ѕидовите“ во Кинотека

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Во рамки на концептот на Кинотеката насловен „Разлики кои не обединуваат“, на 25 април ќе биде прикажан долгометражниот игран филм на Иво Трајков „Големата вода“ снимен во 2004 година, а следниот ден, 26 април, „Црвените булки над ѕидовите“ од 1976 година во режија на Димитер Анагности.

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Како што соопштија од Кинотеката, овие филмови се, пред сè, избрани поради своите „сличности и паралели“ во тематиките, како и во нивната филмска обработка и пристап.

-Но, исто така, битно е да се истакне и дека „Црвените булки на ѕидовите“ неодамна е дигитализиран во 4К резолуција, а „Големата вода“ оваа година го прославува дваесетгодишниот јубилеј од својата премиера. И, се разбира, дека филмот „400 удари“ на Трифо, според францускиот филмски магазин „Cahiers du cinema“ (Каје де Синема) е повеќе од ремек-дело и станува збор за еден од најaмблематичните филмови во поствоениот период на француската филмска продукција, потенцираат од Кинотека. /МИА

Формула

Верстапен ја освои пол-позицијата за ГН на Кина

Возачот на Ред Бул, Макс Верстапен, ја освои пол-позицијата во квалификациите за Големата награда на Кина.

Верстапен извози најбрз круг со време 1:33.660 минута. Неговиот тимски колега Серхио Перез го освои второто место, а возачот на Астон Мартин Фернандо Алонсо го освои третото место.

Луис Хамилтон од Мерцедес кој спринтот го заврши на второто место не успеа да излезе од првиот сегмент, завршувајќи на 18. позиција.

На спринтот победи Верстапен.

Големата награда на Кина од Формула 1 шампионатот ќе почне утре од 9 часот по македонско време. /МИА