Изутринава најстудено во Маврово и Лазарополе, денеска сончево со слаб ветер

Најстудено изутринава беше во Маврово и Лазарополе каде се измерени минус шест степени, во Струмица, Крушево и Крива Паланка минус пет, во Ѓуриште и Поажаране минус четири, во Тополчани, Виница, претор, Демир Капија и Битола минус три, во Прилеп, Тетово, Штип, Куманово минус два степени, во Дебар и Скопје минус еден степен, во Охрид 0, во Гевгелија еден степен и во Дојран два степени. 

Највисока снежна покривка има во Лазарополе 61 сантиметар. Во Маврово имаа 55 сантиметри снег, во Пожаране 31, Ѓуриште 23, во Тетово 20, во Крушево 16, во Крива Паланка 14, во Струмица 12, во Тополчани и Виница 10, во Битола 9, во Охрид, Прилеп и Скопје 4 сантиметри.
Во изминатото деноноќие најмногу дожд наврна во Дебар 10 литри на метар квадратен, во Крива Палнка осум, во Лазарополе седум...

Во текот на ноќта во земјава преовладуваше умерено до значително облачно време. Дуваше слаб до умерен ветер претежно од западен правец.
Утринава има делумно намалување на облачноста и преовладува ведро време со мала до умерена облачност, а во западните делови се уште има зголемена облачност, на некои повисоки места и планините има врнежи од снег со слаб интензитет. Дува слаб ветер од северен и североисточен правец и повеќе е изразен на повисоките места, соопшти УХМР.

Времето денеска ќе биде сончево со мала до умерена облачност. Ќе дува слаб ветер од источен и североисточен правец.Највисоката температура на воздухот ќе се движи од 2 до 8 степени.

Во Скопје врeмето ќе биде сончево со мала до умерена облачност. Ќе дува слаб ветер од североисточен правец. Највисоката температура ќе достигне до 4 степени.

Времето утре ќе биде облачно и студено со повремени врнежи од снег со променлив интензитет. Ќе дува слаб, а во западните делови повремено умерен источен ветер.

Од утре нашето подрачје постојано ќе биде под влијание на влажна и студена воздушна маса која ќе предизвика претежно облачно време со повремени врнежи од снег со променлив интензитет. Врнежите повеќе ќе бидат застапени во западните и јужните подрачја.
Од средината на работната седмица на пониските места особено на југоисток врнежите ќе бидат од дожд.

Анкета : Дали би војувале за својата земја?

Многу помалку од половина од Македонците би се бореле за својата земја , покажува анкетата на Галуп спроведена во 64 земји низ целиот свет.

Глобалниот просек изнесува дека 61% би се бореле за својата земја , а 27% дека не сакаат да се борат. Очекувано , многу е поголем процентот на мажи кои се подготвени да војуваат за својата земја , но сепак не е мал ниту процентот на жените , 52%.

Највисок е процентот во земјите на Блискиот исток и Африка – дури 83% , додека најмалку за западна Европа каде просекот изнесува 25%.

Во голeмата анкета биле прашани 62 398 лица , по 1000 за секоја земја , а анкетата била спроведена од септември до декември 2014. ,,На стотина години од Првата светска војна , утврдивме дека 61% од граѓаните на светот сака да војува. “ ги коментираше резултатите Жан – Марк Лежер , претседателот на Меѓународното здружение на Галуп.

Меѓу сите испитаници најмао располежение за одбрана на земјата со војна има во Јапонија – само 11% , а на дното на табелата се и Германија , Италија и Австрија.

Најподготвени за борба се Мароканците и жителите на островот Фиџи со 94%. Меѓу европските земји отскокнува процентот на Финска -74% од луѓето сакаат да војуваат а по неа Турција со 73%.

 Во регионот , Македонија е на дното со 38% подготвени да се борат за својата земја , а најголем е процентот во Косово 58% , додека во Србија изнесува 46%.

Постојат разлики и во религиите. Муслиманите се најподготвени за војна или 78% , потоа Хиндуистите со 77% , а меѓу Христијаните најборбени се православните со 53% . Од Евреите само 51% се подготвени за војна.

Повратник од Германија починал од срцев удар во казино во Кавадарци

Повратник од Германија на педесетина години, вечерва добил срцев удар во казино во Кавадарци и починал на самото место додека играл игри на среќа.

Оваа информација за МИА ја потврдија Верољуб Додевски, портпарол на СВР Велес и Драган Димитров, раководител на Брза помош Кавадарци.

Според првичните информации, човекот и претходно имал срцеви проблеми во Германија. Засега не се соопштуваат детали за случајот. 

Жолтите елеци излегоа 28. викенд на улиците (ВИДЕО)

Илјадници Жолти елеци и денеска , 28. викенд по ред протестираа против социјалната и фискална политика на Макрон , во пресрет на европските избори важни за иднината на Франција.

Денеска се собраа вкупно 3 200 демонстранти , од кои 1 200 во Париз. Минатата сабота , според податоците на Минситерството за внатрепшни работи имало нешто помалку , 2800 демонстранти , а овие податоци ги демантираат организаторите тврдејќи дека се далеку побројни.

На првиот собир на 17. ноември минатата година имаше 282 000 демонстранти. Денешните протести минаа главно мирно и без насилства.

притисни ентер