Отпечатена разгледница со народни носии на Македонците од Албанија

Излезе од печат разгледница со народни носии на етничките Македонци во Албанија. На разгледницата се поставени 10 фотографии со Македонци облечени во народни носии, шест од Голо Брдо, две од Гора, и по една од Врник и Преспа.

- Светлото на денот разгледницата го виде благодарение на финансиската поддршка од  Македонското меѓународно движење за човекови права (ММДЧП) со седиште во Торонто, Канада. Меѓу тамошните Македонци најдовме искрени соработници и борци за македонското дело. Без нивната финансиска поддршка, разгледницата со народни носии на Македонците во Албанија немаше да биде отпечатена, за што искрено се заблагодаруваме, вели авторот на ова дело, Никола Ѓурѓај.

Тој додава дека оваа финансиската помош им дава можност и сила и во иднина достоинствено да ја „продолжат праведната борба за македонската национална кауза“.

- Сакаме да веруваме дека примерот на ММДЧП ќе биде следен од други македонски организации од целиот свет, вели Ѓурѓај, кој е познат публицист, новинар и уредник на единствениот печатен медум на македонски јазик во Албанија, весникот „Илинден“. 

Министерот Никола Димитров се сретна со Генералниот секретар на ОН, Антонио Гутереш

Министерот за надворешни работи, Никола Димитров, денес во Њујорк, оствари средба со Генералниот секретар на ООН, Антонио Гутереш.

Според соопштението на МНР ,на средбата се разговарало за последните случувања од разговорите за надминување на разликата околу името што се одвиваат под покровителство на ООН.

МИнистетот Димитров изјави : „Со визија и лидерство на двете страни имаме историска шанса да затвориме еден повеќедецениски, историски спор”.

Димитров, во седиштето на ООН во Њујорк имаше средба и со Розмари А. Дикарло, Потсекретар за политички прашања во ОН, на која беше реафирмирана посветеноста на Република Македонија кон европските и евро-атлантските интеграции.  

„Созревањето на Република Македонија и решителноста за градење европска демократија е вистинска шанса за демократски пробив во Европа.”, рече Димитров по средбата. 

Загинати и повредени во силна експлозија во склад за пиротехника (ВИДЕО)

Најмалку едно лице загина и уште 27 се повредени во силна експлозија во склад за пиротехника во Шпанија.

Експлозијата настанала во илегален склад за пиротехника на северзапад на земјата , во близина на градот Туи. Полицијата соопштува дека експлозијата била толку силна што се искршиле прозорците на сите објекти во радиус од три километри.

На терен се бројни спасувачки служби , кои бараат преживеани во урнатините. Градобначалникјот на Туи , Васкез Падин изјави дека складот се наоѓал во куќа , која е целосно разорена.

Судот му забрани на Трамп да блокира на Твитер

Американскиот претседател Доналд Трамп веќе нема да смее да ги блокира корисниците на Твитер.

Федералниот судија во Њујорк , Наоми Рејс Бучвалд донесе одлука Американскиот претседател Доналд Трамп да не смее веќе да ги блокира корисниците на социјалната мрежа Твитер.

Според одлуката на судијката со таквиот потег Трамп го загрозува нивното право на слобода на говор , пропишано во Првиот амандман од Уставот на САД. Одлуката е донесена како резултат на тужбата , која во јули минатата година против Трамп ја поднесе Институтот на Универзитетот Колумбија , кој се занимава со проучување на примената на Првиот амандман на Уставот на САД .

На Институтот во тужбата му се приклулија и неколку корисници на Твитер , кои биле блокирани од претседателот Трамп по коментарите што ги објавиле на неговите објави.

притисни ентер