Поранешен политички секретар во Британската амбасада во Скопје заговара формирање големи држави на Балканот на сметка на Македонија

Поранешниот политички секретар во Британската амбасада во Скопје Тимоти Лес, преку анализа во глобалниот магазин Форин Полиси и натаму ја бранува јавноста со заговарањето за прекројување на границите на Балканот со формирање три големи држави Србија, Хрватска и Албанија на сметка на Македонија.
 Како што објавува денешен Дневник, за Македонија Лес го препорачувал рецептот на федерализација со што албанското малцинство ќе станело независно а потоа припојување кон матичната држава Албанија.
Она што го вознемири Балканот, пишува Дневник е што оваа анализа на Британскиот дипломат кој сега ја раководел агенцијата ,, Нова Европа,,  се смета за официјална Британска политика. Според него, а како што пренесува Дневник, за прекројувањето на границите имало три сценарија. Првото сценарио предвидувало  за регионот да решаваат Велика Британија, Германија, Франција, Русија и Турција со надворешна помош на САД.

Второто сценарио било Америка и ЕУ да им го препуштат Балканот на Русија и на Турција, а третото  и најлошо сценарио, според Лес, било меѓународната заедница целосна да се повлече од регионот, што би ја отворило можноста од нови судири. Лес во интервју за Хрватскиот,, Јутарњи лист,, направено по објавувањето на анализата во Форин Полиси истакнал дека било грешка на меѓународната заедница што во деведесетите заговарала формирање мултиетнички наместо национални држави на Балканот, зашто немало услови за такво нешто.
А сега шак се покажало дека Западот нема механизми како да го запре процесот ако малцинските народи се обидат да се поврзат со матичните држави. Во интервјуто за ,, Јутарњи лист,, пренесува Дневник, тој истакнал дека не предложил формирање чисти етнички држави, туку да се обезбедело целосна безбедност за на пример Бошњаците во Република Српска или за Македонците што би живееле во делот на Македонија со мнозинско албанско население. На прашањето дали со ова Заговара поделба на земјите, тој изјавил дека земјите се де факто поделени.

Својата анализа заснована на етничка географија, пишува Дневник, Тимоти Лес ја продолжува со тврдењето дека „Албанија, Србија, Црна Гора и Хрватска покажуваат оти е можна внатрешна интеграција на малцинствата“,„во Босна, Македонија и на Kосово постојат незадоволни национални малцинства на етнички хомогени подрачја чии стремежи предизвикуваат перманентни тензии…, а сите три држави се целосно дисфункционални“, анализира Тимоти Лес дипломат со поранешна служба во Бритамнската амбасада во Скопје. 


Ѓукановиќ ја положи претседателската заклетва

Во црногорската престолнина Цетиње со положување на заклетвата  избраниот претседател Мило Ѓукановиќ  официјално ја презема должноста.

Ѓукановиќ претседателската заклетва ја даде пред пратениците од Собранието на Црна Гора.

-Се колнам  во својата чест дека должноста претседател  на Црна Гора ќе ја извршувам совесно и одговорно за доброто на сите граѓани, рече  Ѓукановиќ во заклетвата.

Покрај пратениците , на свечената седница присуствуваа и поранешните претседатели на Црна Гора, премиери и претседатели на парламентот, како и највисоките државни функционери и челници на државните институции.  

Абас повторно примен во болница

Претседателот на Палестина 83- годишниот Махмуд Абас е примен во болница, според анонимен официјален претставник, Абас имал температура.

Палестинскиот претседател Махмуд Абас денеска повторно е примен во болница. Ова е третпат во една недела да биде хоспитализиран.

Абас во вторникот имал операција на увото и по неколку часа бил пуштен дома. Вчера повторно беше на кратко во болница.

Резултатите од анализите, како што јави палестинската новинска агенција, пренесувајќи ја изјавата на директорот на болницата, се добри.

Абас има проблеми со срцето, а пред десет години му е дијагностициран рак на простата. Инаку, тој е страстен пушач.

Дамаск ослободен, екстремистите евакуирани

Група екстремисти од Исламската држава се евакуирани од последната енклава под контрола на бунтовниците во близина на Дамаск, со што оваа територија е вратена под контрола на државата.

Сириската Опсерваторија за човекови права со седиште во Лондон, соопшти дека автобусите влегле во енклавата по полноќ за да ги превезат борците на ИД и нивните семејства.

Според Ројтерс, автобусите се упатиле во правец на провинцијата Бадија во Сирија, подрачје со мал број на жители , кое се наоѓа источно од престолнината Дамаск.

притисни ентер