Добила џекпот играјќи ги истите броjќи 30 години

Канаѓанка освоила џекпот од 5.3 милиони канадски долари (3.9 милиони американски долари) играјќи ги истите броеви скоро 30 години.
Олга Бено од Истерн Пасаж во Нова Шкотска изјавила дека ја сонувала добитната комбинација во мај 1989 година и оттогаш редовно игра.

Кога ги видела бројки на екранот од телевизорот, помислила дека и се причинило бидејќи тие броеви постојано ги поновувала во себе.

Поверувала дури утредента кога истите бројки ги видела во локалните весници, пренесува „БиБиСи“.

Оваа добивка претставува поттик за добитничката на која пред десет години и бил дијагностициран четврт стадиум на рак и чие семејство морало да ја продаде куќата за да го плати лекувањето.

Госпоѓата Бено изјави дека нејзиниот сопруг, децата и внуците и помогнале да ја победи болеста и дека првото нешто што ќе го направи е да ги награди со патувањето во „Дизни ворлд“.

Скандал по кралската венчавка- братучедот на војвотката Меган фатен со нож

Братучедот на војвотката од Сасекс , Меган вечерта по кралската венчавка бил фатен со нож во дискотека во Лондон.

Братучедот на војвотката од Сасекс , Меган , Тајлер Дули бил фатен од полицијата вооружен со нож во ноќен клуб во Лондон. Тој избегал од обезбедувањето , но полицијата го нашла во хотел , каде на полицајците им предал и бибер спреј.

Рекол дека ножот и спрејот му биле потребни за самоодбрана. Полицијата го потврдила инцидентот и според соопштението од Скотланд Јард , братучедот на Меган поминал со предупредување ,

Инаку , Тајлер Дули поседува плантажа за производство на марихуана во американската држава Орегон.

Редок вирус за неколку дена однел пет животи – нема лек

Симптомите се слични како кај грип , но за вирусот Нипах нема лек.

Во последните 20 години од овој вирус починале над 300 лица, од кои само петмина во последните две недели. Уште кај девет лица во индиската држава Керала е откриена болеста и тие се во критична состојба. Три члена на едно семејство почионале од последици на енцефалит и миокардит , односно воспаление на мозочната и срцевата обвивка во текот на изминатите неколку дена. Неколку роднини што биле со нив во контакт се хоспитализирани ,а двајца од нив вчера починале.

Вирусот е зооноза , односно се пренесува на луѓе од животни , најчето од лилјаци, се наведува во предупредувањето од Светската здравствена организација.

Симптомите се слични како кај грип , но за Нипах нема лек . Забележано е и дека се пренесува од човек на човек , а се јавува во земјите од Југоисточна Азија.

Распнале ученици на крст зошто задоцниле на училиште

Ученици биле распнувани на крст и камшикувани поради тоа што задоцниле на час.

Три лица се уапсени во Нигерија зашто ги распнувале и камшикувала учениците во приватно училиште. Меѓу уапсените е и директорот на училиштето , каде ова била редовна дисциплинска мерка, а полицијата го опишала како варварски чин.

Кога дошла полицијата , покрај патот во близина на училиштето затекнале момче и девојче врзани со јаже на крст . Тој го замолил сопственикот на училиштето да ги одврзе , тој заедно со наставниците го нападнале и претепале.

Полицаецот избегал , земал оружје и лисици од автомобилот , но тоагаш видел дека наставниците го камшикуваат човекот што пријавил што се случува и бил дојден заедно со полицаецот. Тој повикал засилување по што тројцата биле уапсени во затворот во местото Огун на 137 километри од главниот град Лагос. 

притисни ентер