Промоција на поетската книга „Духовна архива“ од Лидија Давидовска

Издавачката куќа „Антолог“ вечер во Галеријата на Младинскиот културен центар ќе ја промовира поетската збирка „Духовна архива“ од Лидија Давидовска.
- Уште со својата прва поетска книга „Тенки патеки“ (1986), Давидовска ги навести белезите на својот особен поетски глас. Таа е поетеса кај која светот на доживеаното ферментира долго пред да се изрази како поетска сублимација. Затоа и нејзината втора поетска книга „Нон егзитус“ (2000), се појави 14 години по првата, а еве, цели 16 години подоцна, Давидовска го објавува својот трет поетски ракопис. Насловот на последната книга (Духовна архива) потврдува дека Давидовска го споделува само она што созреало низ годините на соочување со силите на духот и на јазикот, соопшти издавачот.

Промотор ќе биде рецензентот на збирката, писателот Иван Додовски, стихови ќе чита актерката Соња Каранџулоска, а на промоцијата ќе настапи и женската вокална група за православно пеење „Смирна“.

Лидија Давидовска (Скопје, 1958) завршила на групата Англиски јазик и книжевност на Филолошкиот факултет во Скопје, во 1985 година на Универзитетот на Монтана, САД, одбранила магистерскиот труд од областа на американската книжевност, а во 2013 година и докторска дисертација насловена „Поетика на иманентност и искуство: Роберт Лоуел, Џејмс Рајт, Ричард Хуго и Џори Греам“.

Од 2006 до 2009 година работела како декан и предавач по група предмети од американистиката на Универзитетот „Американ колеџ“ во Скопје, а од мај 2013 година работи како лектор по англиски јазик на Европскиот универзитет во Скопје и предава англиска и американска книжевност на Универзитетот „Климент Охридски“ во Битола. Се занимава и со литературни преводи на поезија и проза од англиски јазик./МИА



Намалени од 50-70 % од компензациите за жртвите во терористичкиот напад во САД од 11.09.2001

Недостасуваат пари во фондот за компензација на жртвите во терористичкиот напад од 11-ти септември во 2001 година во САД.

Поради тоа исплатите се намалени од 50-70 посто соопштиле од фондот додавајќи дека се свесни колку ситуацијата не е фер но и дека се преферира сите да добијат некоја одредена износ , отколку некои жртви да останат без компензација.

Дел од Куманово вечерва без вода поради вградување мерна опрема

Дел од граѓаните на Куманово вечерва ќе се соочат со недостиг на вода, а жителите од ниската зона со намален притисок на вода, информира јавното претпријатие „Водовод" .

Вечерва од 23 часот времено ќе биде затворена водата за ниската и средната водоводна зона поради вградување мерна опрема и замена на старите затворачи со нови во кругот на фабриката за преработка на вода за пиење (Филтер станица).

Во повисоките делови на ниската и средната водоводна зона ќе има недостиг на вода, додека во пониските делови ќе биде намален притисокот. Во високата зона водоснабувањето ќе биде редовно.

Од „Водовод" информираат дека активностите ќе бидат завршени во краток рок, со што водоснабдувањето ќе се нормализира уште во раните утрински часови.

Вградувањето на мерната опрема и замената на затворачите се реализира во рамки на проектот „За употреба и одржување на водоснабдителниот систем на Куманово", кој се спроведува преку Министерството за транспорт и врски. Изведувач на проектот е фирмата „ЦМЦ" од Скопје./МИА

Меркел: Светскиот поредок се распаѓа, мора да ја спасиме Европа

Германската канцеларка Ангела Меркел предупреди дека мулилатералниот светски поредок се распаѓа, но и дека тоа не значи дека треба да се уништи.

Како што пренесува „Хина“ Меркел ја критикувала националистичката политика на американскиот претседател Доналд Трамп.

„Мора да се бориме за Европа, мора да се бориме за мулилатерализмот , против оние кои мислат дека се можат само“, изјавила Меркел на минхенската безбедносна конференција.

Официјален Берлин е загрижен за мултилатералната соработка по повлекувањето на САД под раководство на претседателот Трамп од неколку меѓународни договори, вклучувајќи го и Парискиот климатски договор и иранскиот нуклеарен договор, двата потпишани во 2015 година.

Ретко кога во историјата САД и Германија имале толку многу несогласувања, во моментов се спорат околу Иран, одбранбената пресметка, гасоводот Северен тек кој би требало да донесе руски гас во Германија.

притисни ентер