ВМРО-ДПМНЕ ги достави листите до ДИК, Груевски носител во четвртата ИЕ

Носител во првата изборна единица на коалицијата е Никола Поповски, во втората Никола Тодоров, а во третата Илија Димовски. Листата во четвртата изборна единица ја предводи претседателот на ВМРО-ДПМНЕ Никола Груевски, Антонио Милошоски во петтата, Влатко Ѓорчев во ИЕ шест.

Коалицијата „За подобра Македонија“ предводена од ВМРО-ДПМНЕ вечерва до Државната изборна комисија ги достави листите со кандидати за пратеници.

Претходно кандидатските листи во сите седум изборни единици беа утврдени на седница на Централниот комитет.

Носител во првата изборна единица на коалицијата е Никола Поповски, во втората Никола Тодоров, а во третата Илија Димовски.

Листата на коалицијата во четвртата изборна единица ја предводи претседателот на ВМРО-ДПМНЕ Никола Груевски, Антонио Милошоски во петтата, Влатко Ѓорчев во ИЕ шест.

Во врска со одлуката да се соочи директно со Заев, Груевси на Фејсбук напиша:

- Како кандидат за премиер, го очекував во ИЕ1. Не дојде. Во 2014-та го немаше на ниту една листа. Сега ја одбра 4-тата изборна единица. Затоа јас решив да ја предводам изборната единица која тој ја одбра. Освен што цела Македонија ќе треба да се одлучи за премиер помеѓу нас двајцата, граѓаните во 4-ката ќе имаат можност и директно да одберат помеѓу мене и него. Време е, заедно со народот, да го соочам со реалноста и директно да го победам. После се’ што се случи, да го добие одговорот од народот за тоа што и го направи на Македонија

- Листите се составени од лица кои уживаат висока доверба и поддршка во средините каде што живеат и од каде што доаѓаат, изјави Илија Димовски од ВМРО-ДПМНЕ по поднесувањето на листите исткнувајќи дека со нив коалицијата ќе освои 63 пратеници на изборите.

Димовски рече дека составиле најголема коалиција од 25 партии, што постоела воопшто во политичка плурална историја на Република Македонија и оти се многу задоволни што листите добиле акламативна поддршка од сите структури на партијата и од сите 25 коалициски партнери.

На новинарско прашање во однос на позиционирањето на лидерот на ВМРО-ДПМНЕ во четвртата изборна единица, Димовски рече дека граѓаните во таа изборна единица најдиректно ќе одлучат кој треба да ја раководи Република Македонија и кој треба да биде премиер на државата, дали господинот Груевски или господинот Заев.

- После сите напади на политиките што ги водевме, после сите лаги и манипулации цениме дека оваа одлука на ВМРО-ДПМНЕ Груевски да ја води изборната единица четворка е најсоодветна. Досега природно беше во првата изборна единица да се соочуваат лидерите, но господинот Заев е тој кој што избега од соочување, а од денеска мислам нема каде да бега повеќе, изјави Димовски.

Претходно листи со кандидати за пратеници до ДИК доставија опозициската коалиција, предводена од СДСМ, Коалицијата за промени и правда, Коалицијата ВМРО за Македонија, ДУИ, ДПА, ПДП, ЛП, Левица и Беса.

Ахмети: Во пресрет сме на донесување големи одлуки, се уште нема договор меѓу ДУИ и СДСМ

 Лидерот на ДУИ Али Ахмети денеска на годишнината од потпишувањето на Охридскиот Рамковен договор ги повика лидерите на другите партии на Албанците на средба, но тие не дојдоа во скопскиот хотел Парк.

– Ги повикав албанските политички партии за да им се заблагодарам за заедничката соработка при донесувањето на Законот за јазици, уставните измени и друго. Сакав да ги слушам и нивните предлози и забелешки. Многу ми е жал што тие не дојдоа на денешната средба. Би сакал нивното недоаѓање да не го користат за политички цели. Во пресрет сме на донесување на големи одлуки, истакна Ахмети на брифинг со новинари, по што се очекуваат изјави за медиумите.

Точно дека денеска е историски ден, додаде тој потенцирајќи дека средбата е свикана со цел лидерите на партиите на Албанците да разговараат.

– Во врска со коалицирањето пред и по кампањата јас изјавував дека треба досегашните коалициони партнери да продолжат. На овие избори сите беа против ДУИ, но граѓаните одлучија ние да ги претставуваме. Изборната кампања да ја оставиме зад нас. Уште нема договор меѓу нас и СДСМ. Ако се забарикадираме не е добро за државата. Во ДУИ ќе преодвладува разумот и логиката, рече Ахмети на брифингот.

ДУИ, како што кажа, ги има поставено црвите линии, Охридскиот договор, Преспанскиот договор и Договорот за добрососедство, ветинг и премиерската позиција.

– Но, сакам од нив да слушам која е причината за неприфаќање на премиерот. Мислам дека ова прашање ќе биде разјаснето по завршување на овој процес, рече Ахмети, кој потврди дека денеска ќе има средба со лидерот на СДСМ, Зоран Заев.

Лидерите на Алијансата за Албанците и Алтернатива Зијадин Села и Африм Гаши, како и Билал Касами од Беса се изјаснија дека нема да одат на средбата, додека Мендух Тачи од ДПА не се изјасни.

ВМРО-ДПМНЕ: Директни и индиректни последици од вториот ТАТ значат 20-тина милиона евра кои ќе останат необештетени

Директни и индиректни последици од вториот ТАТ значат 20-тина милиона евра кои ќе останат необештетени, нов бран на отпуштања од работа, и стечај на фирми и клиенти поврзани со банката.

Пропаѓањето на Еуростандард банката е огромен скандал и неуспех на македонската влада. За кус период се покачи цената на струјата, се потроши еврообврзница од 800 милиони евра на непродуктивни трошења, ниту една буџетска дупка не се затвори, а денес под директен ризик со пропаста на банката се 55 илјади граѓани кои примаат пензии и социјална помош од Еуростандард банка.

Сега државата треба да санира дупка од 70 милиони евра. Според одредени информации непокриени, односно пари кои нема да бидат обештетени остануваат дваесетина милиони евра. Повторувам дваесетина милиони евра ќе останат необештетени.

Значи имаме втор октопод, втор ТАТ, а на површина излегува и втор „министер во тренерки“ како од деведесетите години.

Освен тоа индиректните последици се уште поголеми.

Се нанесува огромна штета и на македонска пошта која работи преку системот и услугите на Еуростандард банка која сега се затвора.

Прво, следува нов бран на отпуштања, 170 вработени од Еуростандард банка остануваат без работа, под ризик се и неколку стотина вработени во македонска пошта што работеа на платниот промет.

Второ, освен Еуростандард банка сега и македонска пошта ќе се соочи со ликвидносни проблеми затоа што ќе немаат редовни приливи.

Трето, под ризик за стечај се и најголемите клиенти на Еуростандард банка чии депозити сега се замрзнати, а прашање е и дали ќе бидат наплатени.

Четврто, со пропаѓањето на Еуростандард банката ќе се продава и недвижниот имот стекнат од аферата „Фиком“ каде пак се оштетени десетици други семјества чиј пари се проневерени во аферата.

Прашањата кои се поставуваат се, дали овде има и политика. Кој знаел од владата и дали се превземени навремени мерки? Дали се свесни дека ова е исклучително лоша порака и за други потенцијални инвеститори? На влада која и се случи пропаѓање на банка е доказ за неспособност и ставање на државата на црната листа на банкарско и финансиско портфолио.

Директните и индиректните последици од вториот ТАТ значат дваесетина милиони евра кои ќе останат необештетени, нов бран на отпуштања од работа и стечај на фирми и клиенти поврзани со банката.

Гордана Димитриеска Кочоска, претседател на Комисијата за материјално финансиско работење на ВМРО-ДПМНЕ

Заев: Ќе успеам да формирам Влада

Лидерот на СДСМ Зоран Заев по добивањето на мандатот за составување влада, изјави дека е сигурен оти во уставно предвидениот рок ќе успее да го формира новиот владин тим.

Прашан што ќе се случи ако за 20 дена не успее да состави влада, дали ќе го врати мандатот и дали ќе има нови избори, Заев истакна дека тоа прашање е регулирано со уставот, посочувајќи на ситуацијата со составувањето влада во 2016 година.

– Имавме ситуација во 2016, мандатот му беше доверен на Никола Груесвки и не успеа за 20 дена да формира влада. Уставот е јасен дека рокот истекува и мандатот се враќа. Тогаш мандатот го добив јас и второрангираната коалиција со два пратеника помалку од коалицијата предводена од ВМРО-ДПМНЕ. Јас успеав да формирам влада. Разликата е во тоа што сега јас ќе успеам да формирам Влада, итакна Заев.

притисни ентер