Македонија преку Еразмус плус во 2017 ќе има на располагање 6,25 милиони евра

Буџетот кој ќе и биде достапен на Македонија преку Еразмус плус програмата на ЕУ за следната година е најголем досега и изнесува 6,25 милиони евра. Оваа година преку оваа програма која има за цел поддршка и развој на образованието, обуката, младите и спортот, Македонија на располагање има околу пет милиони евра и се очекува искористеноста на овие средства да достигне 97 проценти, беше истакнато на денешната прес-конференција во Националната агенција за европски образовни програми и мобилност.

Директорот на Националната агенција за европски образовни програми и мобилност, Дарко Димитров ја презентираше новата промотивна кампања за Еразмус плус програмата, која ќе трае до крајот на декември 2016 година.

- Република Македонија имаше на располагање речиси 5 милиони евра од Европската комисија од фондовите за Еразмус плус во 2016 година. Досега, се обврзани 93 отсто, но во тек се постапки на потпишување на договори за грант, како и прием и евалуација на проекти од последниот рок за програмата за 2016 година. Со завршување на овие активности очекуваме искористеност на средствата од над 97 отсто, рече Димитров.

На новинарско прашање Димитров појасни дека станува збор за последен повик од оваа година наменет за областа млади каде НВО и младинските организации имаат рок до октомври да аплицираат за овие средства. Во однос на приоритетите Македонија како полноправна членка на Еразмус плус програмата ги следи европските приоритети кои се совпаѓаат со нашите национални приоритети, а тоа се стручното образование и обука и високото образование, односно најголем дел од средтсвата одат кај универзитетитети (државни и приватни), а по нив се средните стручни училишта.

- Просечно годишно околу 200 студенти  заминуваат на мобилност во странство. Оваа бројка варира во зависност од желбата на стуидентите колку време ќе се студираат надвор од РМ бидејќи за тоа имаат избор од три месеци до една година, вели Димитров.

Тој информира дека со сите доделени грантови, до овој момент, се опфатени 93 институции меѓу кои универзитети, училишта, младински невладини организации и компании. Со новата кампања ќе се презентира работата на Националната агенција, добрите практики од успешно реализирани проекти и отворените можности за Македонија преку целосното учество во програмата Еразмус плус. Кампањата ќе се реализира во Скопје, Штип, Битола, Дојран, Крива Паланка и Струга каде ќе се одржат Инфо денови, како и во Прилеп и Велес, каде инфо деновите ќе се организираат во соработка со локалните самоуправи.

Во рамките на кампањата, појасни Димитров, ќе биде организирана и Валоризациона конференција со презентации на успешни проекти од Еразмус плус. Исто така, ќе се одржат и информативни работилници во соработка со стопанските комори во Тетово и Скопје.

Оваа година, ЕУ прославува 20 години постоење на волонтерскиот сервис. По тој повод, Националната агенција ќе организира обуки за волонтери и годишен настан посветен на Европскиот ден на волонтерството – 5-ти Декември, како и ЕКВЕТ конференција во Скопје во насока на подигнување на свесноста и интегрирање на Република Македонија во европските текови во стручното образование.

Димитров информира дека во тек е потпишување дополнителен амандман на договорот помеѓу Европската комисија и Националната агенција, со што ќе се обезбедат дополнителни 375.160 евра за финансирање на 19 грантови за училиштата и нивите активности.

- Тоа што нас во Националната агенција особено не радува е тоа што Еразмус плус стана синоним за квалитет во образованието, предзнак за мобилност која генерира знаење и можност за создавање професионални мрежи за меѓународна соработка, нагласи Димиров.

Заменик министерот Ристовски и Димитров ги повикаа сите организации кои дејствуваат на полето на младите да аплицираат со квалитетни предлог проекти во Националната агенција најдоцна до 4-ти октомври 2016 година.

Повикот за средства за Еразмус плус програмата за 2017 година ќе биде објавен на крајот од 2016 година. 



Протести пред Собранието против договорот со Грција

Голем протестен собир против договорот Грција, се одржува вечерва пред собранието, во организација на иницијативата „Млади за Македонија“.

 За атмосферата и пораките погледнете го јавувањето на Тамара Стојкова од пред Собрание.

Ципрас и Рама в четврток во Брисел треба да потпишат меѓудржавен договор

По завршувањето на преговорите со Македонија, Грција во дипломатска офанзива да ги затвори отворените прашања и со Албанија. 

По завршувањето на преговорите со Македонија, Грција во дипломатска офанзива да ги затвори отворените прашања и со Албанија. Официјална Тирана и Атина го финализирале текстот на спогодбата  помеѓу Албанија и Грција за надминување на билатералните проблеми.. Текстот на спогодбата бил усоласен меѓу министрите за надворешни работи на Албанија и Грција - Козијас и Бушати на островот Родос на маргините на одржувањето на конференцијата за регионална безбедност и стабилнсот. Потпишувањето на овој документ од страна на премиерите на Албанија и Грција Алексис Ципрас и Еди Рама е најавено за време на одржувањето на самитот на ЕУ на 28 и 29 јуни.. Во текстот на спогодбата како што пренесуваат грчките дел од грчките медиуми се регулира прашањето на морската граница меѓу двете држави, опфатено е и укинувањето на законот за воена состојба, правата на грчкото малцинство во Албанија но според дел од албанските медиуми нема ништо за протераните Албанци од северниот дел на Грција за кои грчките претставници секогаш изјавуваат дека тоа прашање за нив не постои. Премиерот на Албанија Еди Рама преговите ги оцени како тешки со нагласени тензии, но неговата влада сакала да ги надмине прашања што создавале тензии меѓу двете земји по соборувањето на комунистичкиот режим во Албанија.

„Инвестиравме за да се создадат стратешки долгорочни односи со Грција. Тоа не беше толку лесно бидејќи во текот на преговорите имаше големи тензии, но не поради тоа што сакавме да ги расипеме односите со Грција, туку да ги поправиме сите односи што беа создадени по промената на системот за на крајот сè да излезе на добар пат“, Еди Рама.

Според детали кои ги објавуваат грчките медиуми Албанија на Грција ќе и одстапи 12 милји од своите територијални води на Јонско Море на чие дно се проценува дека има големи резерви на нафта и гас а Грција пак ќе го поништи законот за војна со Албанија донесен пред околу седумдесетина години.

Поранешниот албански премиер Сали Бериша предвидува драматични настани во регионот ако актуелниот премиер Еди Рама ја потпише спогодбата со Грција за новите граници. Во интервју за тиранската телевизија „Клан“, Бериша изјавил дека ако Рама ја потпише спогодбата тоа може да доведе до балканска војна.

Ова што го подготвува премиерот Рама е нова поделба на албанските простори по што може да се предизвика конфликт . Договорот е на штета на Албанија и значи губење на нови простори по 1913 година. Имаме информации дека спогодбата е катастрофална за Албанија. Текстот е подготвен од страна на Грција која укажала дека нема да преговара- Бериша.

Доколку договорот биде ратификуван во парламентот ќе биде потребен и потпис од Албанскиот претседател Илир Мета кој пак побара подетални информации околу разговорите додавајќи дека кон договорот ќе делува спроед неговите уставни надлежности

Американската „Dura Automotive Systems“ ќе отвори фабрика во Македонија

Американската компанија од автомобилска индустрија „ДУРА Аутомотив Системс“ ќе отвора фабрика во Бунарџик, соопштија од Дирекцијата за Технолошко индустриски развојни зони.

Владата потпиша договор за долготраен закуп на градежно земјиште во ТИРЗ зоната.

Фабриката ќе се простира на површина од околу 16 илјади метри квадратни. Според најавите следното лето се очекува да започне со работа.

Иницијалното производство во Македонија ќе вклучува екстериерни алуминиумски лајсни и кровни носачи за европските производители на автомобили. Потенцијалното проширување би вклучило прототипско производство, дизајнирање и производство на алати и екструзија на алуминиум.

Се очекува да вработи околу 500 луѓе.

Компанијата е глобален снабдувач на оргинални компоненти за најреномираните производители на автомобили ширум светот.

Ова ќе биде нивна 37-ма локација во светот и 16-та во Европа.

Освен оваа за која вчера бил потпишан договорот - Владата неодамна се пофали дека е во разговори со 200 компании, од кои 30тина во завршна фаза на разговор.

Инаку во првиот квартал годинава влезени се 235 милиони евра директни странски инвестиици, што претставуваа најуспешен квартал од било кое тромесечие од последниве 10 години.

притисни ентер