Иванов: Аманетот на Мајка Тереза е да го чуваме македонскиот модел на соживот

Мајка Тереза им служеше на сите оние кои страдаат, им даваше надеж на безнадежните и сила на исцрпените.

Таа вдоми илјадници сираци и усреќи илјадници семејства. Со Редот на милосрдието, Мајка Тереза спаси милиони животи и ја врати свеста за вредноста на човечкиот живот за неотуѓивото човечко достоинство. И постојано потсетуваше дека светот не е гладен само за леб, туку уште повеќе за љубов, за признавање, за почитување. Со сето тоа, Мајка Тереза си изгради жив споменик, потраен и повеличествен од сите наши споменици.

Ова го истакна претседателот на Република Македонија Ѓорге Иванов на денешната понтификална миса - централен настан организиран во рамки на татковинската прослава по повод прогласувањето на Мајка Тереза за Светица.

Осврнувајќи се на животниот пат и делата на Мајка Тереза, претседателот Иванов рече дека единствениот вистински начин да ја покажеме нашата почит кон неа е да живееме заедно со сите наши најдлабоки верски, етнички и идеолошки разлики.

- Наместо да се истоштуваме во политички битки за докажување на нејзиното потекло и присвојување на нејзиното име, Мајка Тереза би нè упатила да се угледаме на нејзиниот пример. Да правиме мали добри дела со голема љубов. А за тоа не мора да одиме на крајот од светот бидејќи, како што таа велеше, почитта и љубовта започнуваат во нашиот дом, во нашето маало, во нашиот град, во нашата држава Македонија. Гледајќи нè политички разединети и поделени, би побарала од нас да не се делиме и караме, туку да си простиме, да се помириме и да се почитуваме, нагласи Иванов.

Според Иванов, нејзината канонизација била можност за таков чекор и лидерите на двете најголеми партии од македонскиот блок ја прифатиле поканата и биле на канонизацијата во Ватикан, но за жал, лидерите на двете најголеми партии од албанскиот блок не успеале да се издигнат над дневнополитичките тензии и недоразбирања.

- Гледајќи колку лесно крстот и полумесечината, црквата и џамијата ги претвораме во граничници и тврдини за маркирање и бранење на некакви си замислени територии, би нè потсетила дека верата е љубов во акција. Дека не смееме само на име да се нарекуваме верници, туку дека мора да помагаме, се додека не нè заболи. Затоа што вистинската љубов боли. Би нè охрабрила да го чуваме највредното нешто што го имаме, највредното што и таа го понесе со себе во Индија, а тоа е нашиот македонски модел на соживот и почитување и прифаќање на различноста. Затоа што само така ќе научиме да живееме заедно со сите наши најдлабоки верски, етнички и идеолошки разлики, рече Иванов.

Тоа, додаде македонскиот претседател, се вредностите што денес ни се повеќе од неопходни во Македонија. Тоа е аманетот што ни го остави Мајка Тереза, светицата од Скопје, светицата на светот. Верувам, додаде тој, дека единствениот вистински начин да ја покажеме нашата почит кон неа е ако го исполнуваме овој нејзин завет.

Светата понтификална миса што се одржа на плоштадот „Македонија“ ја предводеше специјалниот папски кардинал, сараевскиот надбискуп, кардиналот Винко Пулиќ.

- Гордејте се со Светата мајка. Вие, верниците кога ќе ви падне духот и ќе се најдете во опасност да ја изгубите надежта, инспирирајте се од оваа прекрасна мајка, која со своето застапништво ќе ви помогне. Мајките кои го изгубиле мајчинството, вратете го преку почитувањето на оваа света мајка, а Вие кои се плашите од животот, учете од оваа света мајка колкава е силата во верата. Не го заборавајте овој ден и овој настан, порача Пулиќ.

Скопскиот бискуп и апостолски егзарх Киро Стојанов ја прогласи капелата во спомен куќата на Мајка Тереза за светилиште на Света Мајка Тереза.

Светата миса ја следеа голем број верници, претставници на Католичката црква и на другите верски заедници, домашни и странски делегации.

По повод прогласувањето на Мајка Тереза за Светица од страна на Ватикан, во текот на изминатите седум дена во Македонија се одржаа низа настани во рамки на татковинската прослава. Во спомен куќата на Мајка Тереза во центарот на Скопје беа врачени статуетки со ликот на Светата Мајка Тереза и благодарници на хумани личности и организации кои во изминатиот период се докажале во областа на хуманизамот, помагањето и намалувањето на човековите страдања. Македонската академија на науките и уметностите организираше свечена академија за ликот и делото на Светицата Мајка Тереза, а вчера беше отворена и изложбата „Министерството за одбрана и Армијата на Република Македонија за Света Мајка Тереза“.

Агнеза Гонџа Бојаџиу позната како Мајка Тереза на 4 септември на плоштадот „Св. Петар“ во Ватикан беше прогласена за Светица од страна на поглаварот на Римокатоличката црква, Папата Франциск.

Мајка Тереза почина во 1997 година во Калкута, Индија. Родена е во Скопје на 26 август 1910 година како Агнес Гонџа Бојаџиу. Во 1979 година ја доби Нобеловата награда за мир за извонредно широката дејност во помагањето на бедните, болните и унесреќените во целиот свет. /МИА

Над 50 проценти од скопјаните користат сопствен автомобил како основно средство за превоз

Најголем дел од еколошкиот отпечаток кој се должи на транспортот произлегува од користењето на приватни автомобили. 

Според анкетата спроведена на граѓаните од град Скопје, 56,65 отсто користат сопствени автомобили како основно средство за превоз до секојдневните дестинации. Како резултат на возењето во такви услови на голем сообраќаен метеж, согорувањето на горивата е поголемо и на тој начин драстично се зголемува создавањето на стакленички гасови меѓу кои е CO2 .

Како што e објавено во билтенот на веб страницата на Град Скопје – zivotnasredina.skopje.gov.mk, споделување на возило за работа со колегите може да ни помогне да го избегнеме скопското секојдневие: многу возила, сообраќаен хаос и нервоза, а во повеќето возила има само по едно лице.

-Ако наместо да одите сами на работа, го споделите возилото со уште двајца-тројца колеги, со користење на соодветна заштита во овој период, бројот на возила на улиците ќе се намали за една третина. Колку полесно ќе се движиме низ градот тогаш, нели. Погледнете дали вашиот работодавец ќе ви овозможи да работите од дома еден ден во неделата – така на годишно ниво ќе ги намалите своите емисии на јаглерод диоксид за цел еден тон! За кратки патувања препорачуваме одење пешки или возење велосипед – ова ќе ви помогне да го подобрите вашето здравје и да го намалите јаглеродот. Возење 1,5 км велосипед наместо автомобил = 290 g CO2eq помалку во воздухот, наведуваат од Град Скопје.

Возењето велосипед, исто така, посочуваат, може да биде забавна и социјална активност со ниска употреба на јаглерод, за да истражите нови места доколку вежбате. Тоа е одлично за вашето здравје, го намалува загадувањето на воздухот и сообраќајот и ви заштедува пари, порачуваат од Град Скопје./МИА

Федерер по операцијата на коленото одлучи да остане на тенискиот терен

Легендата на светскиот тенис Роџер Федерер успешно се рехабилитира  по операцијата на повреденото  колено.

Најтрофејниот светски тенисер и покрај операцијата и фактот што за еден месец ќе наполни 39 години се уште не размислува за тениска пензија.

-Се чувствувам се подобро, иако се уште не можам да играм тенис. Знам дека е потребно трпение и време за рехабилитација и дека ме чека долг пат. Целта ми е да бидам вистински подготвен за следната сезона, навел Федерер.

Швајцарскиот тениски велемајстор покрај Вимблдон и уште неколку големи турнири, сака да настапи и на Олимписките игри во Токио, кој поради епидемијата од корона по прв пат се одложени за една година, и би требало да се одржат во 2021 година.

Федерер сака да направи уште еден голем резултат на залезот на кариерата, откако во 2008 година со сонародникот Стен Вавринка го освои златото на Игрите во Пекинг.

„Навистина е извонредно кога се чувствувате на теренот како да работите со јуниор која сака да напредува, а не со искусен професионалец на залез на кариерата. Сега е најзначајно Роџер целосно да се рехабилитира и во топ форма да ја дочека новата сезона, изјавил тренерот на Федерер, Северин Лути.

„Навистина е извонредно што чувствувате на терен

Филипче: На денот на изборите ќе биде сосема безбедно да се гласа - строгиот протокол за изборите и негова целосна имплементација се наша должност и одговорност

Министерот за здравство доц. д-р Венко Филипче истакна дека во изминатите четири месеци тој и колегите во Комисијата за заразни болести се целосно посветени да обезбедат препораки, закони и протоколи со кои ќе се спречи ширењето на коронавирусот.

„Протоколите кои досега ги подготвивме за повторно отворање на бизнисите и нормализирање на животот по нови правила, се покажаа многу ефикасни. Се докажа дека со почитување на овие протоколи за лична заштита од коронавирусот, целосно е безбедно да се пазари во маркет, да се оди на работа или да се користи јавниот превоз. Тоа е едноставно нашата нова реалност и нов начин на живот“, рече министерот Филипче.

Идната седмица се одржуваат предвремените парламентарни избори. Министерството за здравство, во соработка со другите институции, изготви сигурен и ефикасен пртокол за заштита на здравјето на граѓаните при гласање.

„Сакам од мое лично име и од името на комисијата, да ве уверам дека на денот на изборите ќе биде сосема безбедно да се гласа и со тоа да го остварите вашето граѓанско право. Гласањето нема да биде помалку безбедно од било која друга нормална активност која ја вршиме секојдневно, како одењето во маркет. Строгиот протокол и негова целосна имплементација се наша должност и одговорност, и се обврзуваме на граѓаните да им обезбедиме сигурна средина во која ќе може да гласаат“, потенцираше министерот Филипче.

Со почит,

Одделение за односи со јавноста

Министерство за здравство

притисни ентер